Connect with us

Business

በትግራይ ክልል በማምረቻ ኢንዱስትሪ ለመሰማራት የሚፈልጉ ባለሀብቶች ቁጥር ጨምሯል

Published

on

በትግራይ ክልል በማምረቻ ኢንዱስትሪ ለመሰማራት የሚፈልጉ ባለሀብቶች ቁጥር ጨምሯል

በትግራይ ክልል በማምረቻ ኢንዱስትሪ ለመሰማራት ፍላጎት የሚያሳዩ ባለሀብቶች ቁጥር እየጨመረ መምጣቱን የትግራይ ክልል ንግድ፣ ኢንዱስትሪና ከተማ ልማት ቢሮ አስታወቀ፡፡

በቢሮው የኢንቨስትመንት ጽህፈት ቤት ኃላፊ አቶ ሃፍቶም ፋንታሁን ለኢዜአ እንዳገለጹት በተጠናቀቀው ግማሽ በጀት ዓመት በተለያዩ የኢንቨስትመንት መስኮች ለመሰማራት ጥያቄ ላቀረቡ 379 ባለሀብቶች ፈቃድ ተሰጥቷል።

በግማሽ ዓመቱ 8 ነጥብ 6 ቢልዮን ብር ካፒታል በማስመዝገብ ፈቃድ ካወጡ ባለሀብቶች ውስጥ 62 በመቶ ያህሉ በማምረቻ ኢንዱስትሪ ዘርፍ ለመሰማራት ፍላጎት ያሳዩ ናቸው፡፡

ቀሪዎቹ በሆቴልና ቱሪዝም፣ በኮንስትራክሽንና በሌሎች የኢንቨስትመንት መስኮች ለመሰማራት ጥያቄ ያቀረቡ መሆናቸውን ኃላፊው አመልክተዋል።

ባለፉት ስድስት ወራት የኢንቨስትመንት ፍቃድ የወሰዱ ባለሀብቶች ቁጥር ካለፈው ዓመት ተመሳሳይ ጊዜ ጋር ሲነፃፀር በሁለት ዕጥፍ ብልጫ አሳይቷል፡፡

የባለሃብቶቹ ፍላጎት መጨመር ዋና ምክንያትም በክልሉ ውስጥ ያለው የተረጋጋ ሰላም፣ የልማት አንቅስቃሴና የሰው ጉልበት መሆኑን ኃላፊው ገልጸዋል፡፡

አብዛኞቹ ባለሀብቶች የግንባታ ጥሬ እቃዎችን ወደ የፕሮጀክቶቻቸው በማስገባት ለግንባታ ዝግጁ መሆናቸውን አስረድተዋል፡፡

ባለፉት ዓመታት የኢንቨስትመንት ፈቃድ ከሚሰጣቸው ባለሃብቶች መካከል በዘርፉ የሚሰማሩት ከ20 በመቶ እንደማይበልጡ አቶ ሃፍቶም አስታውሰዋል ሲል የዘገበው የኢትዮጵያ ዜና አገልግሎት ነው፡፡

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close