Connect with us

Ethiopia

‹‹የወልቃይትና የራያ ጉዳይ ካልተፈታ አገሪቷ ሠላም አታገኝም›› ዶክተር አምባቸው መኮንን – የጠ/ሚኒስትሩ አማካሪ

Published

on

‹‹የወልቃይትና የራያ ጉዳይ ካልተፈታ አገሪቷ ሠላም አታገኝም›› ዶክተር አምባቸው መኮንን - የጠ/ሚኒስትሩ አማካሪ

‹‹የወልቃይትና የራያ ጉዳይ ካልተፈታ አገሪቷ ሠላም አታገኝም›› ዶክተር አምባቸው መኮንን – የጠ/ሚኒስትሩ አማካሪ

‹‹የወልቃይትና የራያ ጉዳይ ህዝብ እየሞተበት ያለ ጥያቄ እንደመሆኑ በቀላሉ የሚታይ አይደለም›› ሲሉ የጠቅላይ ሚኒስትሩ የመሠረተ ልማትና የከተማ ልማት አማካሪ ሚኒስትር ዶክተር አምባቸው መኮንን አስታወቁ፡፡

አማካሪ ሚኒስትሩ ዶክተር አምባቸው መኮንን በተለይ ለኢትዮጵያ ፕሬስ ድርጅት እንደተናገሩት፤ በወልቃይትና በራያ አካባቢ የሚታየው ችግር በአዋሳኝ አካባቢዎች ላይ ብቻ ተወስኖ የሚቀር ሳይሆን፣ ለአገሪቱም የሠላም መናጋት ምክንያት እየሆነ ያለ ጥያቄ ነው፡፡ ይህ ጥያቄ ካልተፈታ ሁለቱ ክልሎችም ሆኑ አገሪቱ ሠላም አያገኙም፡፡

‹‹የወልቃይትና ራያ ጉዳይ እስካሁን ሲገፋ ቆይቷል፤ እንዳልታየና እንዳልተሰማም ሊታለፍ ተሞክሯል››ያሉት ዶክተር አምባቸው፣ ጉዳዩ በአሁኑ ወቅት ሊታለፍ የሚያስችል ደረጃና ወቅት ላይ አለመሆኑን የአዴፓ ግምገማ ማመላከቱንም አስታውቀዋል፡፡

ይህ ጥያቄ መፈታት ያለበትና መያዝም ያለበትም በገለልተኛ አካል መሆኑን አመልክተው፤ ክልሎቹ እንዲሁም ሁለቱም ድርጅቶች እየተገፋፉ መሆናቸውን ተናግረዋል፡፡ ስለዚህ ጥያቄውን ለአገር ሰላምና ለህዝቦቹ ደህንነት እንዲሁም መብት ሲባል የፌዴራል መንግስት ሊይዘው እንደሚገባም አስገንዝበዋል፡፡

‹‹በመሆኑም ጉዳዩን ደረጃ በደረጃ ተቋማዊ ባለቤት እንዲኖረው ለማድረግ እየተሰራ ነው›› ያሉት ዶክተር አምባቸው፣ ስለዚህ የማንነትና የወሰን ጉዳዮችን የሚከታተል ኮሚሽን መቋቋምንም የዚህ ውጤት አድርገው እንደሚወስዱት ተናግረዋል፡፡

እንደ አማካሪ ሚኒስትሩ ገለፃ፤ ጉዳዩን በተመለከተ የሃሳብ ልዩነቶችም በስፋት ይታያሉ፡፡ በቀና መንገድ ያለመያዝ ነገሮችም ይስተዋላሉ፡፡

ጉዳዩ ቀላል የማይባል ውዝግብ ሊያስነሳ እንደሚችል ጠቅሰው፣ብዙ መወያየትን እንዲሁም ብዙ መወዛገብንም ሊጠይቅ እንደሚችል አስገንዝበዋል፡፡

በቅርቡ የወሰንና ማንነት ጉዳዮችን በተመለከተ ኮሚሽን ማቋቋሚያ አዋጅ መጽደቁን ጠቅሰው፣አዋጁ እንዳይጸድቅ ተቃውሞ እንደነበርም ተናግረዋል፡፡ ወደ እርቅና ሠላም በሚያመራው ጉዳይ ላይም እንዲሁ ጥርጥሬና ተቃውሞ እንደነበር አስታውዋል፡፡ የማንነት ጥያቄ ‹‹ቀረቡ ወይም አልቀረቡም›› የሚለውን በቅንነት ከማየት ይልቅ ጥያቄዎቹን የማጥፋትና እንዳልነበሩ የመቁጠር ነገሮች በፌዴራል ተቋማትም ጭምር እንደሚታዩ ገልፀዋል፡፡

‹‹ይህ ችግሩን ያባብሰዋል እንጂ በምንም ተዓምር ሊፈታው አይችልም›› ያሉት ዶክተር አምባቸው፣ከዚህም በጉዳዩ ላይ ያለው አመለካከት ምን ያህል የተዘባ መሆኑን መረዳት እንደሚቻል አስታውቀዋ ል፡፡ ጉዳዩን በመደበቅ መፍትሄ ሊመጣ እንደማይችልም አመልክተዋል፡፡

(ምንጭ፡- አዲስ ዘመን ታህሳስ 30/2011)

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close