Connect with us

Business

በሳዑዲ የኢትዮጵያውያን ሠራተኞች የመነሻ ደመወዝ 1 ሺ ሪያል እንዲሆን ተወሰነ

Published

on

በሳዑዲ የኢትዮጵያውያን ሠራተኞች የመነሻ ደመወዝ 1 ሺ ሪያል እንዲሆን ተወሰነ

የኢ.ፌዲሪ የሠራተኛ እና ማሕበራዊ ጉዳይ ሚኒስትር ዶ/ር ኤርጎጌ ተስፋዬ ከሳዑዲ አረቢያ አቻቸው አሕመድ ቢን ሱለይማን አል-ራጂ ጋር በሪያድ እ.ኤ.አ በ2017 በሁለቱ አገራት መካከል የተፈረመውን የሠራተኛ ልውውጥ ስምምነት ተግባራዊ በሚሆንበት ዙሪያ ላይ ውይይት ያደረጉ ሲሆን፣ በጉዳዩም ላይ መግባባት ላይ ደርሰዋል።

በዚህም ውይይት ወቅት የሠራተኛ መነሻ የደመወዝ ወለል መጠን አንድ ሺህ የሳዑዲ ሪያል እንዲሆንና የሠራተኛውና የአሰሪው መብት በሚጠበቅበት ሁኔታ መግባባት ላይ ተደርሷል ሲል በሳዑዲ የኢትዮጵያ ኤምባሲ ይፋ አድርጓል።

በሁለቱ አገራት መካከል የተፈረመው የሠራተኛ ስምምነት ውል በሚተገበርበት ሁኔታና ብሎም የሠራተኛ ልውውጥ ስምምነት ተግባራዊ ለማድረግ ከሁለቱ አገራት የተውጣጣ የባለሙያዎች ቡድን በየስድስት ወሩ እየተገናኘ አፈጻጸሙን እንደሚገመግም መግባባት ላይ ተደርሷል።

በመጨረሻም የኢ.ፌዲሪ የሠራተኛ እና ማሕበራዊ ጉዳይ ሚኒስትር ዶ/ር ኤርጎጌ ተስፋዬ እና የሳዑዲ አረቢያ ምክትል የሠራተኛና ማህበራዊ ልማት ሚኒስትር ዶ/ር አብዱላህ አቡስነይን መግባባት የተደረሰባቸውን ዐብይ ነጥቦች የያዘ ሰነድ ላይ ፊርማቸውን አስቀምጠዋል።

ዝርዝር የሠራተኛ ስምምነት አተገባበር ጉዳይ የሚመለከተውን የሠራተኛ ቅጥር ሞዴል በቀጣይ መግባባት በሚደረሰበት ሁኔታ ላይ ሁለቱ መንግስታት በኤምባሲዎቻቸው በኩል የሰነድ ልውውጥ የሚያደርጉ ይሆናል ሲል በሳዑዲ የኢትዮጵያ ኤምባሲ ይፋ አድርጓል።

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close