Connect with us

Africa

በ77 አንበሶች በተከበበ ቤት ውስጥ ከፍለው ይተኛሉን??

Published

on

በ77 አንበሶች በተከበበ ቤት ውስጥ ከፍለው ይተኛሉን??

በ77 አንበሶች በተከበበ ቤት ውስጥ ከፍለው ይተኛሉን?? Bekky@diretube

በደቡብ አፍሪካ የሚገኘው ለቱሪስቶች በሀሪስሚዝ የተዘጋጀው ቤት በመገናኛ ብዙሀን መነጋገሪያ ሆኗል። በተለየ መልኩ የዱር አራዊት ፓርክ መሀል የተዘጋጀው ይህ ቤት በሁሉም አቅጣጫ በመስታወት የተሰራ ሲሆን በዙሪያውም 77 አንበሶች ይኖራሉ።

እስኪ አስቡት ማታ ስትተኙ 10 ሜትር በማይሞላ ርቀት የአንበሳን ማጓራት ብትሰሙ እንቅልፍ ይወስዳችሁ ይሆን በዚያ ላይ ቀና ብትሉ እያያችሁት??

በሀሪስሚዝ የዱር እንስሳት መጠበቂያ ባለሶስት ክፍል የሆነው ቤት ከመስታወቱ ባሻገር አንበሶቹ ምናልባት እንዳይጠጉ የሚያደርጋቸው በመጠኑ ኤልክትሪክ የተደረገበት አጥር አለው። ይሄም የአንበሶቹን ህይወት ሳይጎዳ ሾክ እንዲያደርጋቸው ብቻ ታስቦ የተዘጋጀ የሽቦ አጥር ነው።

ግና እንስሳትን ለሚጎበኙ ቱሪስቶችና ለአጥኚዎች ከዚህ የተሻለ ግሩም አጋጣሚ የለም በዚህ ቅርበት የአንበሳን ማጓራት፣ ማግሳት በቅርብ እየሰሙ እያንዳንዱን እንቅስቃሴውን በሚገባ ማስተዋል ያስችላል።

በ100$ ክፍያ የሚገኙ ቅንጦቶችን ግን እዚህ ማሰብ አይገባም ቴሌቭዥን፣ አየር መቆጣጠሪያ እና የመሳሰሉት የተለመዱት የሆቴል አገልግሎቶች በተፈጥሮ ምስሎችና እይታ ተተክተዋል። የምን ቴሌቭዥን ነው አንበሶችን ፊት ለፊት አስቀምጦ የሚታየው!!!

በጂጂ መጠበቂያ የተገነባው ይሄው የእንግዳ ማረፊያ ለትርፍ የተቋቋመ ባለመሆኑ ሙሉ ገቢው ተመልሶ ለአንበሶቹ ይውላል።
ድሮስ ገቢው በማን ተገኝቶ ለማን ሊሰጥ!!

ሱዛን ስኮት የጂጂ መጠበቂያ ዳይሬክተር ስትሆን “በአለም የመጀመሪያ ደረጃ የአንበሳ ዝርያ ናቸው ተብለው ከሚታመኑ አንበሶች ጋር አብሮ መኖር ምን ያህል ደስታ ለጎብኝዎች እንደሚሰጥ አስቡት” ብላ ለሜይል ኦንላይን ተናግራለች።

“የአንበሶችን ሙሉ እንቅስቃሴ የወላጆችን ከደቦሎቻቸው ጋር ያለ ጨዋታ፤ ወንድ አንበሳ ሴቷን ለማማለል ሲሞክር ፤ ያደኑትንና ከመጠበቂያው የተሰጣቸውን ሲበሉ ለማየት ከዚህ የተሻለ ቦታ አላውቅም” ብላለች።

እኛስ ኢትዮጵያውያን እድሉ ቢሰጠን እዚህ ማረፊያ ክፍል ለሶስት ቀን መቀመጥ ይሆንልን ይሆን?? ያው አንበሶች ነን ጀግኖች ነን እንላለን አይደል ምን ይሆን ስሜታችሁ አጋሩን!!

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close