Connect with us

Art and Culture

የነፍስ ሔር አርቲስት ፍቃዱ ተ/ማርያም ሐውልት ሊሰራ ነው

Published

on

የነፍስ ሔር አርቲስት ፍቃዱ ተ/ማርያም ሐውልት ሊሰራ ነው

– ወጪው በአገር ቤት ከሕዝብ ከተሰበሰበው ገንዘብ የሚሸፈን ነው

የነፍስ ሔር አርቲስት ፍቃዱ ተክለማርያም ቤተሰቦች በሰጡት ፍቃድና ስምምነት መሠረት ሐውልቱን ለማሰራት ወስኖ እየተንቀሳቀሰ መሆኑን በእነአቶ ኃይሉ ከበደ የሚመራው ኮምቴ አስታወቀ፡፡

የኮምቴ አባላት መካከል አርቲስት ቴዎድሮስ ተስፋዬ እና አቶ ሳምሶን ብርሃኔ ለድሬቲዩብ እንደገለጹት ቀደም ሲል ኮምቴው በእጁ የሚገኘውን ለነፍስሔር አርቲስት ፍቀዱ ተ/ማርያም ሕዝብ ያዋጣውን ገንዘብ ሕጋዊ ወራሽነታቸውን በፍርድ ቤት አረጋግጠው ለሚቀርቡ ወገኖች ለማስረከብ ቃል ገብቶ የነበረ መሆኑን አስታውሰዋል፡፡ ነገርግን ለአርቲስቱ ሐውልት እንዲሰራ ከየአቅጣጫው በመጣ የሕዝብ ግፊት እና ሕጋዊ ወራሽ ነን የሚሉትን ቤተሰቦች ጨምሮ በደብዳቤ ተፈራርመው ኮምቴው ደረጃውን የጠበቀ ሐውልት ኃላፊነት ወስዶ እንዲያሰራና እንዲያስመርቅ፣ የሚተርፈውን ገንዘብ በሞዴል 85 መሠረት እንዲቀመጥና ሕጋዊ ወራሽ ሲመጣ ፍ/ቤቱ እንዲያከፋፍል ያቀረቡትን ሃሳብ ተወያየቶ እንደተቀበለው አስረድተዋል፡፡

በዚህ መሠረት በዘርፉ ዕውቅና ያላቸው ባለሙያዎችን ለማወዳደር የጨረታ ሰነድ መዘጋጀቱንና በጥቂት ቀናት ማስታወቂያው ወጥቶ ወደስራ እንደሚገባ አስታውቀዋል፡፡ በሐውልቱ ግንባታ ሒደት የአርቲስት ፍቃዱ ተ/ማርያም ቤተሰቦች ተወካይ እንደሚኖርም ገልጸዋል፡፡

የኮምቴው አባላት አቶ ኃይሉ ከበደ- ሰብሳቢ፣ ወ/ሮ መቅደስ ጸጋዬ፣ አቶ ሳምሶን ብርሃኑ፣ አቶ ቴዎድሮስ ተስፋዬ፣ ወ/ሮ መሠረት መብራቴ እና አቶ ውድነህ ክፍሌ መሆናቸው ይታወቃል፡፡

ቀደም ሲል የኮምቴው አባል የነበረው አርቲስት ቴዎድሮስ ተሾመ በዋንኛነት በጎ ፈንድ ሚ በኩል የሰበሰበውን ገንዘብ ኮምቴው በከፈተው የጋራ የሒሳብ ቋት ውስጥ ለማስገባትና በጋራ እየወሰኑ ለታሰበለት ዓማ ለማዋል ፈቃደኛ ባለመሆኑ ከኮምቴው አባላት ጋር አለመግባባት ተፈጥሮ መለያየቱ የሚታወስ ነው፡፡ አርቲስት ቴዎድሮስ ተሾመ በጎ ፈንድ ሚ በኩል ተሰብስቦ ከተረከበው 73 ሺ 500 ዶላር ውስጥ የተወሰነውን ሰሞኑን ለአርቲስት ፍቃዱ ተ/ማርያም ባለቤት ማስረከቡ የሚታወስ ነው፡፡

በእነአቶ ኃይሉ ከበደ በሚመራው ስድስት ኮምቴ አባላት በሶስት የኮምቴ አባላት ጣምራ ፊርማ የሚንቀሳቀስና በዋንኛነት በአገር ቤት ከሚገኙ ኢትዮጵያውያን አርቲስት ፍቃዱ ተ/ማርያምን ከመሞቱ በፊት ለሕክምና ወጪ ተብሎ የተሰበሰበ ገንዘብ ብር 1 ሚሊየን 200 ሺ 895 ብር ከ65 ሳንቲም የሚገኝ መሆኑን ቀደምሲል ኮምቴው መግለጹ የሚታወስ ነው፡፡

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close