Connect with us

News

ትራምፕም እጅግ አስገራሚ ደብዳቤ ከኪም ደርሶኛል አሉ

Published

on

ትራምፕም እጅግ አስገራሚ ደብዳቤ ከኪም ደርሶኛል አሉ

ትራምፕም እጅግ አስገራሚ ደብዳቤ ከኪም ደርሶኛል አሉ | Bekky@diretube

ያለፉት 2017 አጋማሽና 2018 የመጀመሪያዎቹ ወራት ለአሜሪካና ለሰሜን ኮሪያ ግንኙነት መልካም ጊዜያት አልነበሩም።

በተለይም ኪም በሴፕቴምበር የሚሳኤል ሙከራ ማድረጉን ተከትሎ በእሳት ላይ ቤንዚን ማርከፍከፍ መስሎ ነበር። ጦርነቱም አይቀሬ ይሆናል ተብሎ የ1950ዎቹ የቬትናም-አሜሪካ ጦርነት ታሪክ ሊደገም ነው ተብሎ እንደነበር የሚታወስ ነው።

በ2018 የአዲስ አመት መግቢያ ንግግራቸውም ኪም የኒውክለር ቁልፉ ቢሮአቸው እንደሚገኝ ሲጠቁሙ ትራምፕ በበኩላቸው የሳቸው ቁልፍም ኋይትሀውስ ቢሮ ውስጥ እንዳለ ብሎም ትልቅ እንደሆነ ትዊት አድርገው ነበር። ከዚህ በኋላ ነበር በጁን ሲንጋፖር ላይ የተገናኙት ለመጨረሻ ጊዜ የአሜሪካ መንግስት የላከው ባለስልጣን እንኳን ሰሜን ኮሪያን የረገጠው በ2000 በክሊንተን የአስተዳደር ዘመን ነበር።

ድንገት ብዙ ወጪ ወጥቶበት የተካሄደው የሁለቱ ሀያላን ስብሰባ ግን የተጠበቀውን ውጤት ማስገኘት አልቻለም ነበር።

ይባስ ብሎም በ2019 የአዲስ አመት መግቢያ ንግግሩ ኪም አሜሪካ ማዕቀቡን ማታነሳ ከሆነ የኒውክለር ማበልጸግ ተግባሩን እንደሚገፋበት አስታውቋል። ይህም ቀድሞም ሙሉ በሙሉ አላጠፋውም ለሚሉ ሰዎች ተጨማሪ ማስረጃ ሆኗል።

ትራምፕ ግን ጉዳዩን ለማብረድ ይመስላል ከኪም ደብዳቤ እንደደረሳቸው በኮንግረሱ ፊት ተናግረው ደብዳቤውም እጅግ ድንቅ እንደነበር ተናግረዋል።

”በድጋሚ ልንገናኝ የምንችልበት አጋጣሚ እንዲፈጠር ጥሩ ማነሳሻ ነው” ያሉት ትራምፕ “ጥሩ ግንኙነት መስርተናል ይሄም እንዲቀጥል ሁለታችንም አጥብቀን እንሻለን” ብለዋል።

“ባለፈው ሰኔ ባንገናኝ የቬትናሙን ጦርነት የሚያስረሳ ታላቅ ጦርነት ይካሄድ ነበር” ብለው የመገናኘታቸውንም ፋይዳ በጉልህ ጠቁመዋል።

“እናም ኪምም ቢሆን አገሩ ያለችበትን የኢኮኖሚ ሁኔታና ከሌሎች አገራት ጋር ያለ ግንኙነት መሻከር ምን ያህል ዋጋ እንደሚያስከፍል ይገነዘባክል ስለዚህም በያዘው መንገድ ይገፋበታል ብዬ አላምንም” ብለዋል።

በትዊተር መልዕክታቸውም “እኔም እሱ ላይ ጠንካራ ሆኜ ነበር እሱም እንደዚያው ሆኖም አሁን ግን ነገሮችን መመላለስ ትተን ወደ መልካሙ እናማትር” ብለው “እናስ አሁን በፍቅር ወደቃችሁ ደግሞ ካላችሁኝ ግን እሱ ቆንጆ ደብዳቤ ጻፈልኝ ደብዳቤዎቹም ግሩም ነበሩ ነው ያልኩት”

Amid stalled nuclear talks, North Korea’s Kim reportedly sends message to Trump

Source: CNBC

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close