Connect with us

Ethiopia

የሃይማኖት አባቶች ፍቅር፣ ሰላም እና አንድነት እንዲሰፍን ማስተማር አለባቸው ተባለ

Published

on

የሃይማኖት አባቶች ፍቅር፣ ሰላም እና አንድነት እንዲሰፍን ማስተማር አለባቸው ተባለ

በአገሪቱ ሰላምና መረጋጋት እንዲሰፍን የሃይማኖት መሪዎች የድርሻቸውን እንዲወጡ የቤኒሻንጉል፣ የጋምቤላ፣ የምዕራብ ወለጋና የደቡብ ሱዳን አህጉረ-ስብከት ሊቀ ጳጳስ እና የኢትዮጵያ ሃይማኖት ተቋማት ፕሬዝዳንት ብፁዕ አቡነ ሩፋኤል ጠየቁ።

ብፁዕነታቸው በአሶሳ አገረ-ስብከት ለሰላም ሀዋርያቶች እየተሰጠ በሚገኘው ትምህርተ-ጉባኤ ላይ ተገኝተው ባስተላለፉት አባታዊ መልዕክት እንዳሉት በዘረኝነት የሚመጣ የሕይወት መጥፋት፣ የንብረት መውደም እና መፈናቀል ከሕዝቦች መካከል ተወግዶ ፍቅር፣ አንድነት እና ሰላም እንዲሰፍን የሃይማኖት አባቶች ህብረተሰቡን ማስተማር አለባቸው።

ሰላምን በምድረ ኢትዮጵያ በማስፈን የሰው ልጆች ሁሉ በፍቅርና በደስታ የሚኖሩባት አገር ትሆንልን ዘንድ ጠንካራ የሰላም ሐዋርያ እና መምህር ሊኖረን ይገባል ብለዋል ብፁህ አቡነ ሩፋዔል፡፡

ትምህርተ-ጉባኤው በዋናነት ሰላም፣ ፍቅርና መቻቻል በምእመናንኑ ዘንድ እንዲነግስ የሚያስችል ነው ተብሏል።

በአሶሳ አገረ ስብከት የሚገኙ ካህናት፣ ዲያቆናትና የሰንበት ትምህርት ቤት ተማሪዎች እንዲሁም ከምእመናን የተወከሉ አካላት የሚሳተፉበት ትምህረተ-ጉባኤ እስከ ታህሳስ 30/2011 እንደሚቀጥል የኢቢሲ ዘገባ ያመለክታል፡፡

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close