Connect with us

Art and Culture

ቱሪዝም ኢትዮጵያ ከባለድርሻ አካላት ጋር እየመከረ ነው

Published

on

ቱሪዝም ኢትዮጵያ ከባለድርሻ አካላት ጋር እየመከረ ነው

ቱሪዝም ኢትዮጵያ ከባለድርሻ አካላት ጋር እየመከረ ነው፡፡ ያለ ባለድርሻ አካላት ምክክር የጸደቀውን የማቋቋሚያ አዋጅ የማስተዋወቂያም መድረክ ነው፡፡ የቱሪዝሙ ቤተሰብ አሁንም ዘርፉ እንዳልተቀየረ እየባሰበት እንደመጣ አምርረው ቅሬታቸውን አሰምተዋል፡፡ ጠቅላይ ሚኒስትሩ የሚመሩት የቱሪዝም ሴክተር ማንም የማይመራው ሆኗል፡፡

ቀድሞ የኢትዮጵያ ቱሪዝም ድርጅት ይባል የነበረውና በቅርቡ በተሻሻለው አዋጅ ቱሪዝም ኢትዮጵያ በሚል ስያሜ የሚጠራው ተቋም ከባለድርሻ አካላት ጋር እየመከረ ነው፡፡

የምክክር መድረኩ ትናንት ታህሳስ 23 ቀን 2011 ዓ.ም. ከአስጎብኚ ድርጅቶች ጋር በሃርመኒ ሆቴል ተጀምሯል፡፡ ተቋሙን በአዲስ መልክ ለማደራጀት የወጣውን አዋጅ ለማስተዋወቅ እና በጋራ በሚሰሩ ስራዎች ላይ አብሮ ለመምከር በተዘጋጀው የምክክር መድረክ በርካታ አስጎብኚዎችና ጉዳዮ የሚመለከታቸው ባለድርሻዎች ከአዲስ አበባና ከክልል ከተሞች ታድመውበታል፡፡

በርካቶች በውይይት መድረኩ መራር ጥያቄዎች አንስተዋል፡፡ ተቋሙ ምንም እየሰራ እንዳልሆነም በይፋ ተናግረዋል፡፡ በሀገር ደረጃ አንዳች ያልተቀየረው ይህ ተቋምና ዘርፉ ነው ሲሉም ሀሳባቸውን የሰጡ ነበሩ፡፡

የተቋሙ የስራ ሃላፊዎች ልምድ ባላቸው የዘርፉ ባለሙያዎች ስራ መልቀቅ አንዳች ቅሬታ ያላደረባቸው ሃምሳ አመት ስሙን የገነባ ተቋም በአጭር ጊዜ እያፈረሱ ስለመሆኑም ተሳታፊዎች ለድሬ ቲዮብ ተናግረዋል፡፡

ያነጋገርናቸው የውይይቱ ተሳታፊዎች ትርጉም የሌለው ስብሰባ መሆኑን ጠቅሰው አዋጅን ያክል ነገር ሲወጣ በሌላው ዘርፍ ረቂቁ ላይ ባለድርሻ አካላት ተወያይተው መክረው የሚጸድቅ መሆኑን በመግለጽ ይህ የመቋቋሚ አዋጅ ግን ተዋወቁት ተብሎ ቀረበ እንጂ ባለቤቶች ናችሁ አብረን እንምከርበት በሚል አስቀድሞ ለውይይት የቀረበ አይደለም ብለዋል፡፡

በውይይቱ የተሳተፉ የቱሪዝም ቤተሰቦች ዘርፉ አሁንም በችግር ውስጥ መሆኑንና ስራ እየተሰራ እንዳልሆነ ተናግረዋል፡፡

ጠቅላይ ሚኒስትሩ የሚመሩት ሆኖ ማንም የማይመራው ተቋም ሆኗል ሲሉም ለድሬቲዩብ አስተያየታቸውን የሰጡ ተሳታፊዎች የተናገሩ ሲሆን ውይይቱ ዛሬም ከሆቴል እና ሎጂ ባለድርሻዎች ጋር ምክክሩን እንደሚቀጥል የደረሰን መረጃ ያመላክታል፡፡

** የቪዲዮ ዘገባዎችና መዝናኛዎችን ለማግኘት www.diretube.com ይጉብኙ
** ኢትዮጵያን የተመለከቱ የተለያዩ አለም አቀፋዊና ሀገራዊ ዜናዎችን ለእንግሊዘኛ ለማንበብ www.ethio.news ይጉብኙ

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close