Connect with us

Ethiopia

ሕገ መንግሥቱን ማክበር የሕገ መንግሥቱ ዘብ የኾነው መከላከያ ሠራዊት ከማክበር ይጀምራል

Published

on

ሕገ መንግሥቱን ማክበር የሕገ መንግሥቱ ዘብ የኾነው መከላከያ ሠራዊት ከማክበር ይጀምራል

ሕገ መንግሥቱን ማክበር የሕገ መንግሥቱ ዘብ የኾነው መከላከያ ሠራዊት ከማክበር ይጀምራል፡፡ በኢትዮጵያ ታሪክ ማብራሪያ እፈልጋለሁ ብሎ ታንክና መድፍ ያገተ ወጣት ኖሮ አያውቅም፡፡ ለምጣዱ ሲባል ተብሎ አይጧ እንድታልፍ ያለው ዝምታ በዝቷል፡፡ አይጧ ራሱ ምጣዱን ልትሰብረው ነው፡፡ *** ከስናፍቅሽ አዲስ

ያ ሁሉ ተከታታይ ሰላማዊ ሰልፍ እንኳን ሌላውን ኢትዮጵያዊ ሰልፉ ላይ የዋሉ ወጣቶችንም ሕገ መንግስት እንዲከበር የማድረግ አቅም አልነበረውም፡፡

ሕገ መንግሥት ይከበር የሚል ሀሳብ ያለው ዜጋ ሕገ መንግሥቱን ለመጠበቅ የተቋቋመን የመከላከያ ሠራዊት የማገት ባህል ሲያመጣ ጥያቄው ጥያቄ ይፈጥራል፡፡ ሃያ አምስት ዓመት መከላከያ ሲገድል፣ ንጹሃን በየቦታው ሲወድቁ ማዶ ሆነው መከላከያ ሀገር ለማስከበር የወሰደው እርምጃ ነው፡፡ ለሕገ መንግስቱ ደህንነት ከዚህ በላይ ይደረጋል ሲሉን ኖረዋል፡፡

ሠራዊቱ ሳይቀየር አዛዡም ብሔር ሳይቀይር ኢትዮጵያዊነትን የተላበሰውን መከላከያ ሠራዊት ኢትዮጵያውያንን እኩል አየህ ብሎ ማቄም በራሱ ያስተዛዝባል፡፡

ሰሞኑን ኢትዮ ኤርትራ ድንበር ምስራቃዊ ትግራይ አካባቢ የኖሩ የመከላከያ ከባድ የጦር መሳሪያዎች በሌሎች የሀገሪቱ አካባቢዎች ለተፈጠሩ የጸጥታ ችግሮችም ይባል ወደ መጋዘን መግባት ስላለባቸው ከስፍራው እንዲነሱ ተወስኖ ሲንቀሳቀሱ በጎሎ መኽዳ ወጣቶች ታግተዋል፡፡

መከላከያዋ የሚታገትባት ኢትዮጵያ በዓለም ብርቅዬዋ ሀገር ሳትሆን አትቀርም፡፡ አጋቾች ደግሞ ህገ መንግስት ይከበር ባይ ወጣቶች መሆናቸውን የሰማ እድሜ ልኩን እንቆቅልሽ ይሆንበታል፡፡

መከላከያ ሠራዊት የሚታዘዙ በጦሩ ሹማምንትና በጠቅላይ ሚኒስትሩ ነው፡፡ እንደሚኒሻ ማንም በየቦታው የሚያስቆመው አይደለም፡፡ ይሄ ሌላ አካባቢ ተደርጎ ቢሆን ምላሹን እናውቀዋለን፡፡

ለምጣዱ ሲባል ተብሎ አይጧ እንድታልፍ ያለው ዝምታ በዝቷል፡፡ አይጣ ራሱ ምጣዱን ልትሰብረው ነው፡፡ ዓላማው ምንም ይሁን ምን ሕገ መንግሥት ማክበር ከሕገ መንግሥቱ ዘብ ይጀምራል፡፡

መከላከያው የብሔር ብሔረሰቦች ነው ከተባለ ብሔር ብሔረሰቦች ያለ እኛ ፍቃድ አታልፉም ብሎ ማብራሪያ መጠየቅ ህገ መንግስት መጣስ ነው፡፡ መንግስት በትዕግስት ማለፉን አንኮንነውም፡፡ ትዝብቱ ግን ታሪክ ሲያወሳው የሚኖር ይሆናል፡፡

በኢትዮጵያ ታሪክ ከጥንት እስከ ዛሬ የጦር ሠራዊት አግቶ ማብራሪያ እፈልጋለሁ በሚል መድፍና ሞርታር አይንቀሳቀስም ያለ ወጣት በአንዲት ወረዳ ተፈጥሮ እንደነበር ታሪክ ላይ ልጆቻችን ይማሩታል፡፡

ይሄ ሁሉ ሙከራ ኢትዮጵያዊውን የትግራይ ህዝብ ልጆቹን ገብሮ ከጫንቃው ወደ አወረደው ጦርነት ለመክተት እና እየተዋጋውልህ ነው በሚል ስልት የአገዛዝ እድሜን ለማስረዘም ነው፡፡

 

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close