Connect with us

Business

ቴሌ፤ የአዲስ አበባ የኔትወርክ ጥራት ችግር በሶስት ወራት እቀርፋለሁ አለ

Published

on

ቴሌ፤ የአዲስ አበባ የኔትወርክ ጥራት ችግር በሶስት ወራት እቀርፋለሁ አለ

በአዲስ አበባና ዙሪያዋ የሚታየውን የኔትወርክ ጥራት መጓደል በሶስት ወራት ውስጥ መፍታት የሚያስችል የኔትወርክ ማስፋፊያ ስራ እያከናወነ መሆኑን ኢትዮ-ቴሌኮም አስታወቀ፡፡

መርካቶን ጨምሮ ቦሌ አራብሳ፣ ኃይሌ ጋርመንት፣ ጀሞና፣ ቦሌ አካባቢዎችና በአዲስ አበባ ዙሪያ በሚገኙ ቦታዎች የሞባይል ኔትወርክና የኢንተርኔት አገልግሎት ጥራት መጓደል በስፋት ይስተዋላል፡፡

በእነዚህ ቦታዎች ያለውን የኔትወርክ ጥራት መጓደል በአጭር ጊዜ ለመፍታት ኢትዮ-ቴሌኮም ፕሮጀክት ቀርጾ እየተንቀሳቀሰ እንደሆነ በመስሪያ ቤቱ የኔትወርክ ዲቪዥን ምክትል ዋና ስራ አስኪያጅ አቶ ቴዎድሮስ ኃይለመስቀል በተለይ ለኢቢሲ ተናግረዋል፡፡

የኔትወርክ ችግሩም የተከሰተው በዋናነት በአካባቢው የሚኖሩ ሰዎች ቁጥር እየጨመረ በመምጣቱና በቦታው ያለው ኔትወርክ በመጨናነቁ ነው ብለዋል፡፡

በእነዚህ ቦታዎች ያለውን የኔትወርክ አቅም ለመጨመር የሚስችሉ ዕቃዎች ከውጪ ወደ ሀገር ውስጥ በዚህ ሳምንት መግባታቸውንምአቶ ቴዎድሮስ ገልፀዋል ፡፡

በመዲናዋ በተመረጡ ቦታዎች ጥቅም ላይ የሚውሉት ዕቃዎቹ የኔትወርክ ጥራት ችግሩን ከመፍታት ባለፈ ተጨማሪ 500 ሺህ ደንበኞችን የማስተናገድ አቅም አላቸው ብለዋል፡፡

የኔትወርክ ማስፋፊያው ፕሮጀክት ሲጠናቀቅ በሁለት ወር ከግማሽ ጊዜ ውስጥ ችግሩ እንደሚፈታ ተመልክቷል፡፡

ይህ የመፍትሄ ውጥን በፊትም አሁንም ኔትወርክ በሌለባቸው ቦታዎች መፍትሄ የሚሰጥ ሳይሆን የኔትወርክ ጥራት መጓደል በሚታይባቸው ቦታዎች ማሻሻያዎችን ለማድረግ ያለመ ነው ብለዋል፡፡

በዘላቂነት የሞባይል ኔትወርክና የኢንተርኔት አገልግሎት የመቆራረጥ ችግርን ለመፍታት የኔትወርክ አቅምን ከመጨመር ባለፈ አማራጭ የኤሌክትሪክ ሀይልን ለመጠቀም እተየሰራ እንደሆነም ኢትዮ-ቴሌኮም አስታውቋል ሲል የኢትዮጽያ ፕሬስ ድርጅት ዘግቧል፡፡

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close