Connect with us

Ethiopia

እነፕሮፌሰር ብርሃኑ ነጋ ቅዳሜና እሁድ በአዲስ አበባ ሕዝባዊ ስብሰባ ያካሂዳሉ

Published

on

እነፕሮፌሰር ብርሃኑ ነጋ ቅዳሜና እሁድ በአዲስ አበባ ሕዝባዊ ስብሰባ ያካሂዳሉ

የአርበኞች ግንቦት 7 ለአንድነት እና ዴሞክራሲ ንቅናቄ ከፍተኛ አመራሮች በሀገራችን ወቅታዊ ሁኔታ፣ አዲስ ስለሚመሠረተው የፖለቲካ ፓርቲና በሌሎችም ጉዳዮች ዙሪያ በአዲስ አበባ ከሚገኙ ደጋፊዎቹ ጋር ነገ ቅዳሜ እና እሁድ ለመወያየት ስብሰባ ጠራ፡፡

ከንቅናቄው የተገኘ መረጃ እንደሚጠቁመው ስብሰባዎቹ የሚካሄዱት ቅዳሜ ታህሳስ 13 ከቀኑ 7 ሰዓት ጀምሮ ሜክሲኮ በሚገኘው ኤሌክትሪክ ክበብ (መብራት ሀይል አዳራሽ) እና እሁድ ታህሳስ 14 ከቀኑ 7 ሰአት ጀምሮ መገናኛ 24 አካባቢ በሚገኘው ኮከብ አዳራሽ መሆኑ ታውቋል፡፡

በስብሰባዎቹ ላይ የንቅናቄው ከፍተኛ አመራሮች ፕሮፌሰር ብርሀኑ ነጋ፣ አቶ አንዳርጋቸው ፅጌ እና አቶ ቸኮል ጌታሁን ተገኝተው እንደሚያወያዩ የገለጸው ንቅናቄው በስብሰባው ላይ ማንኛውም የአዲስአበባ ነዋሪ መገኘት እንደሚችል ጠቁመዋል፡፡

የአርበኞች ግንቦት 7 ለአንድነት እና ዴሞክራሲ ንቅናቄ አሁን በሀገራችን የመጣውን የለውጥ ጅምር ተከትሎ በሰላማዊ መንገድ በሀገር ውስጥ በመንቀሳቀስ የሀገራችንን ዴሞክራሲያዊ ሥርዓት ግንባታ ለማገዝና ሕዝብን የሥልጣን ባለቤት በማድረግ ሁሉም ዜጎች እኩል የሚኖሩባትን ሀገር ለመፍጠር የንቅናቄው አመራር ወደሀገር ቤት ተመልሶ እንቅስቃሴ በማድረግ ላይ መሆኑ ይታወቃል፡፡

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close