Connect with us

Ethiopia

በቢላዋ የመግደል ሙከራ ያደረገው ተከሳሽ በእስራት ተቀጣ

Published

on

በቢላዋ የመግደል ሙከራ ያደረገው ተከሳሽ በእስራት ተቀጣ

ተከሳሽ በ1996 ዓ.ም የወጣዉን የኢፌዴሪ የወንጀል ህግ አንቀፅ 27/1/540 እና አንቀፅ 556/2/ሀ ስር የተመለከቱትን ድንጋጌዎች በመተላለፍ በፈፀመዉ ሁለት የወንጀል አይነቶች ክስ ተመስርቶበታል፡፡

የወንጀል ዝርዝሩ እንደሚያስረዳዉ ዮናስ በዳዳ የተባለ ተከሳሽ በ1ኛ ክስ ሰዉን ለመግደል አስቦ በየካ ክፍለ ከተማ ወረዳ 12 ክልል ልዩ ቦታዉ ገደራ ሆቴል እየተባለ በሚጠራዉ አካባቢ የግል ተበዳይ ወ/ሪት ፋኖስ ከበደን በሽንኩርት መክተፊያ ቢላዋ ጡቷና ጡቷ አካባቢ አንድ ጊዜ በመዉጋት ጉዳት እንዲደርስባት በማድረጉ በፈፀመዉ የሰዉ ግድያ ወንጀል ተከሷል፡፡

በተጨማሪም ይህዉ ተከሳሽ የተመሰረተበት 2ተኛ ክስ እንደሚያስረዳዉ በሌላ ሰዉ አካል ወይም ጤና ላይ ጉዳት ለማድረስ አስቦ ከላይ በ1ኛ ክስ በተጠቀሰዉ ቦታ የግል ተበዳይ አቶ ፋንታዉ ታምሬን በቢላዋ የቀኝ ታፋዉን አንድ ጊዜ በመዉጋት እንዲቆስል በማድረጉ በፈፀመዉ ታስቦ የሚፈፀም ቀላል የአካል ጉዳት ማደረስ ወንጀል አቃቢ ህግ ክስ መስርቶበታል፡፡

ተከሳሽ ከላይ የተከሰሰባቸዉን ሁለቱንም ወንጀሎች አስመልክቶ ሲገልፅ በወቅቱ መጠጥ ጠጥቼ ስለነበር በመጠጥ ተገፋፍቼ ወንጀሉን ፈፅሜአለሁ በዚህም ጥፋተኛ ነኝ ሲል የተከሳሽነት የእምነት ቃሉን የሰጠ ሲሆን በተጨማሪም ከሳሽ አቃቢ ህግ ተከሳሹ ወንጀሉን መፈጸሙን የሚያረጋግጡ የሰዉ ምስክሮችን፣ የሰነድና ኤግዚቪት አያይዞ ለፍርድ ቤቱ አቅርቧል፡፡

መዝገቡን የተመለከተዉ በፌዴራል ከፍተኛ ፍርድ ቤት የቦሌ ምድብ ወንጀል ችሎትም ታህሳስ 4 ቀን 2011 ዓ.ም በዋለዉ 4ተኛ የወንጀል ችሎት ተከሳሽ በተከሰሰባቸዉ 2 ክሶች በጥቅሉ 5 አመት ከ6 ወር በፅኑ እስራት እንዲቀጣ ወስኖበታል ሲል ከፌደራል ዐቃቤ ህግ ያገኘነው ዜና ያስረዳል፡፡

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close