Connect with us

Ethiopia

በኢትዮጵያ ቱሪዝም ድርጅት ያለው ብልሹ አሰራር በአስቸኳይ እንዲቀረፍ የተወካዮች ምክር ቤት ቋሚ ኮሚቴ አሳሰበ

Published

on

በኢትዮጵያ ቱሪዝም ድርጅት ያለው ብልሹ አሰራር በአስቸኳይ እንዲቀረፍ የተወካዮች ምክር ቤት ቋሚ ኮሚቴ አሳሰበ

በኢትዮጵያ ቱሪዝም ድርጅት ያለው ብልሹ አሰራር በአስቸኳይ እንዲቀረፍ የሕዝብ ተወካዮች ምክር ቤት ቋሚ ኮሚቴ አሳሰበ፤ ቦርዱ ያላጸደቀው እቅድ ለፓርላማ እንደራሴዎች መቅረቡ ተተችቷል፡፡ የተሰሩ ስራዎች ውጤት የማያሳዩ ሊመዘኑና ሊለኩ የማይችሉ መሆናቸውን ቋሚ ኮሚቴው ገምግሟል፡፡ ***

የኢትዮጵያ ቱሪዝም ኮሚሽን በሚል በአዲሱ መዋቅር የተደራጀውን ቱሪዝም ኢትዮጵያ የአንደኛ ሩብ አመት አፈጻጸም የገመገመው በሕዝብ ተወካዮች ምክር ቤት የሴቶች ወጣቶች ማኅበራዊ ጉዳዮች ቋሚ ኮሚቴ በግምገማው ወቅት የተመለከታቸውን የአሰራር ክፍተቶች እንዲታረሙ መጠየቁን የምክር ቤቱ ዜና ያስረዳል፡፡

እንደ ሕዝብ ተወካዮች ምክር ቤት ዜና ህዳር 24 ቀን 2011 ዓ.ም. የሩብ ዓመቱ እቅድ አፈጻጸም ላይ በተደረገው ውይይት ተቋሙ የተሰሩ ስራዎች ውጤት የማያሳዩ ሊመዘኑና ሊለኩ የማይችሉ መሆናቸውን ቋሚ ኮሚቴው በጥልቀት ገምግሟል፡፡

የተቋሙ የመቶ ቀን እቅድና የሩብ አመት አፈጻጸም ሪፖርትም እንደማይጣጣሙ የገለጹት የቋሚ ኮሚቴው አባላት የመልካም አስተዳደር ችግሮችን በዘላቂነት ለመፍታት በእቅዱ አለመካተቱን እንደ ችግር አንስተዋል፡፡

የቋሚ ኮሚቴው ሰብሳቢ የተከበሩ ወይዘሮ አበባ ዮሴፍ የቀረበው እቅድ የተቋሙን ውስብስብ ችግር ለመፍታት የሚያስችል አለመሆኑን መግለጻቸውን የምክር ቤቱ ዜና ያስረዳል፡፡

በሪፖርቱም ቦርዱ ያላጸደቀው እቅድ ለፓርላማ እንደራሴዎች መቅረቡ ተተችቷል፡፡ የቋሚ ኮሚቴው ሰብሳቢም እቅዱ እንደገና ተዘጋጅቶ እንዲቀርብ አቅጣጫ ሰጥተዋል፡፡

በተነሱት ጥያቄዎች ላይ የተቋሙ ዋና ዳይሬክተር ምላሽ የሰጡ መሆናቸውን የህዝብ ተወካዮች ምክር ቤት በለቀቀው መረጃ አስታውቋል፡፡ ድሬ ቲዮብ የኢትዮጵያ ቱሪዝም ድርጅት ተቋማዊ የአሰራር ችግሮችንየመልካም አስተዳደር ጉዳዮችን ከዚህ ቀደም በተከታታይ ለተከታዮቹ ሲያደርስ የነበረ መሆኑ ይታወሳል፡፡

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close