Connect with us

Business

ከ55 በላይ ኢንተርናሽናል ሆቴሎችን እንገነባለን በሚል ከረጥ ነፃ የግንባታ ብረታ ብረት ያስገቡ ባለሀብቶች አንዱንም አልገነቡም – የገቢዎች ሚኒስቴር

Published

on

ከ55 በላይ ኢንተርናሽናል ሆቴሎችን እንገነባለን በሚል ከረጥ ነፃ የግንባታ ብረታ ብረት ያስገቡ ባለሀብቶች አንዱንም አልገነቡም - የገቢዎች ሚኒስቴር

‹‹ኢትዮጵያ በ39 የንግድ ድርጅቶች 500 ሚሊዮን ብር ከሰረች፡፡›› ገቢዎች ሚኒስቴር

የገቢዎች ሚኒስትር ወ.ሮ አዳነች አቤቤ 39 የንግድ ድርጅቶች የቀረጥ ነፃ ሕጉን ተጠቅመው ኢትዮጵያን 500 ሚሊዮን ብር እንዳከሰሯት ተናገሩ፡፡

‹‹በሁለት አነስተኛ ከተሞች ‹ከ55 በላይ ኢንተርናሽናል ሆቴሎችን እንገነባለን› በሚል ከረጥ ነፃ የግንባታ ብረታ ብረት ያስገቡ ባለሀብቶች አንዱንም አልገነቡም›› ብሏል የገቢዎች ሚኒስቴር መረጃ፡፡

አፋር ክልል ውስጥ በምትገኝ ‹ሀባላ› በምትባል እና ከ2000 በላይ ነዋሪ በሌላት ከተማ 55 ኢንተርናሽናል ሆቴሎችን ለመገንባት ከቀረጥ ነፃ ብረታ ብረት ያስገቡ ባለሀብቶች አንዱንም አልገነቡም፡፡ ይልቁንም ብረቱን ለሌሎች ሽጠውታል፤ ገቢም አግኝተውበታል፡፡

ከአዲስ አበባ በቅርብ ርቀት በምትገኘው ‹ሸኖ› ከተማ ላይም ባለአራትና አምስት ኮከብ ሆቴሎችን ለመገንባት በሚል ከቀረጥ ነፃ ብረታ ብረት በማስገባት ተመሳሳይ ማጭበርበር መፈጸሙን ነው ሚኒስትሯ ያስታወቁት፡፡

‹‹የሀባላና ሸኖ ከተሞችን ጨምሮ በ39 ድርጅቶች ላይ በተደረገ ፍተሻም ኢትዮጵያን 500 ሚሊዮን ብር እንድታጣ ያደረገ ማጭበርበር ተፈጽሟል›› ነው ያሉት ወ.ሮ አዳነች አቤቤ፡፡

‹‹ለግንባታ በሚል የቀረጥ ነፃ ሕጉን ለሕገ-ወጥ ዓላማ ያዋሉ ድርጅቶችና ባለሀብቶችን የመፈተሹ ሥራ ይቀጥላል፤ ከተጭበረበረው ሀብት ውስጥ ክስ በመመሥረት 250 ሚሊዮን ብሩ ለመንግሥት እንዲመለስ ተደርጓል›› ብለዋል ሚኒስትሯ፡፡

የቀረጥ ነፃ ሕጉን መሰል ማጭበርበሮችን ለመካከል በሚያስችል መልኩ ለማሻሻል እየተሠራ መሆኑንም ሚኒስትሯ አስታውቀዋል ሲል የዘገበው አብመድ ነው፡፡

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close