Connect with us

Ethiopia

በክቡር አቶ ገዱ የሚመራው የአማራ ክልል የልዑካን ቡድን በአሜሪካ

Published

on

በክቡር አቶ ገዱ የሚመራው የአማራ ክልል የልዑካን ቡድን በአሜሪካ

በክቡር አቶ ገዱ የሚመራው የአማራ ክልል የልዑካን ቡድን በአሜሪካ፤ ዲያስፖራው የወልቃይትን ጉዳይ ያለ ሕገ መንግሥት የሄደ ስለኾነ በሕገ መንግሥት አይፈታም የሚል ሀሳብ አንስቷል፡፡

አቶ ገዱ በቁጥር ብዙ ብንሆንም ሳንደራጅ ሳንቀናጅ በመኖራችን በቁጥር ትንሽ የሆነው እንደፈለገ ሲያደርገን ኖሯል ብለዋል፡፡ *** ከስናፍቅሽ አዲስ

የአማራ ክልል የልዑካን ቡድን በርዕሰ መስተዳድሩ በአቶ ገዱ አንዳርጋቸው እየተመራ ወደ አሜሪካ አቅንቶ ነበር፡፡ በአሜሪካ ከትውልደ ኢትዮጵያውያንና ከኢትዮጵያውያን ጋር የምክክር መድረክ አዘጋጅቷል፡፡

በውይይት መድረኩ ከዲያስፖራው የተነሱ ጥያቄዎች በርካታ ናቸው፡፡ ወልቃይት የጥያቄው ማዕከል ሆና ተደምጣለች፡፡ እስከ ዛሬ በአማራው ላይ በደልና ጭቆና እንደሚደርስ፣ አማራው በሀገሩ ሲገፋ እንደኖረ፣ መሬቱ እንደተወሰደ፣ ሆን ተብሎ በኢንቨስትመንት እንደተበደለ ተነስቷል፡፡

አማራ ብዙሃን በዜና ሽፋን ከዘገበው ዘገባ ለመረዳት እንደሚቻለው ከሁሉም ጥያቄ ጎልቶ የተነሳው ግን የወልቃይት ጉዳይ ነው፡፡ ወልቃይትን በህገ መንግስት አግባብ ይፈታ ማለት ተገቢ አይደለም በሚል ጥያቄ ያቀረቡት የዲያስፖራው አባላት ያለ ሕገ መንግስት የተወሰደ መሬት በሕገ መንግስት ይመለሳል ብሎ መጠበቅ በራሱ አግባብነት የለውም ብለዋል፡፡

ክቡር አቶ ምግባሩ ከበደ የልዑካን ቡድኑ አባል ከዚህ ቀደም በተደጋጋሚ የሚነሱ ጥያቄዎችን አሁንም ወደ ኋላ ሄደን እነሱን እያነሳን ጊዜ ካባከንን የበለጠ እንጎዳለን ብለዋል፡፡ እናም ነገን እንስራ፣ ስለ ነገ እንምከር ምን ማድረግ እንዳለብን እንወያይ ነው ያሉት፡፡

ዶክተር አምባቸው መኮንን ለተሳታፊዎች ባደረጉት ገለጻ ለውጡ በመስማማት የመጣም ብቻ አይደለም ሲሉ በለውጡ ሂደት መግባባት ላይ እንዳልተደረሰ፣ ለውጡን መቀበል የማይፈልጉ አካላት እንደነበሩና ለውጡ ግቡን የመታው ኢህአዴግ ዶክተር አብይ አህመድን የግንባሩ ሊቀ መንበር አድርጎ የመረጠ ዕለት መሆኑን ገልጸዋል፡፡

እንደ ዶክተር አምባቸው ገለጻ ሁለቱ ታላላቅ ህዝቦች መተባበር መቻላቸው የለውጡ ዋነኛ ምሰሶ መሆኑን ነው ያስረዱት፡፡ አቶ ገዱ አንዳርጋቸው በበኩላቸው የወሰን ጥያቄው ምላሽ ማስረጃን መሰረት አድርጎ ታሪክንና ሰነድን ግምት ውስጥ በመክተት የሚፈታ መሆኑን ጠቅሰዋል፡፡ ወሰን ሰጥቶ ዝም የሚል አመራር እንደሌለ እና በዚህም ስጋት አይግባችሁ ሲሉ ማረጋገጫ ሰጥተዋል፡፡

አቶ ገዱ ያልተደራጀና የልተቀናጀ ህዝብ ቁጥሩ ምንም ያህል የበዛ ቢሆን በተደራጀ ትንሽ ህዝብ ይመራል ሲሉ ከዚህ ቀደም ሲሆን የኖረውም ይሄ መሆኑን ገልጸዋል፡፡ እንቀናጅ እንደራጅ በጋራ እንስራ የሚል መንፈስ ያለው ጥያቄም አቅርበዋል፡፡

ውይይቶቹ ሰፊ ግብዓት የሚገኝባቸው እና የክልሉን ተወላጆች በክልሉ ልማት ባለቤት ሆነው የሚሳተፉበትን ምቹ ሁኔታ ለመፍጠር ያሰበ መሆኑን ከጉዞው አስቀድሞ የተሰጡ መግለጫዎች ያስረዳሉ፡፡

** የቪዲዮ ዘገባዎችና መዝናኛዎችን ለማግኘት www.diretube.com ይጉብኙ
** ኢትዮጵያን የተመለከቱ የተለያዩ አለም አቀፋዊና ሀገራዊ ዜናዎችን ለእንግሊዘኛ ለማንበብ www.ethio.news ይጉብኙ

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close