Connect with us

Ethiopia

“ጦርነት ውድመትን፣ ጥፋትን እና መለያየትን የሚያመጣ ስለሆነ ሁሉም ተሸናፊ ነው” – ጠ/ሚኒስትር ዐብይ

Published

on

"ጦርነት ውድመትን፣ ጥፋትን እና መለያየትን የሚያመጣ ስለሆነ ሁሉም ተሸናፊ ነው"

“ጦርነት ውድመትን፣ ጥፋትን እና መለያየትን የሚያመጣ ስለሆነ ሁሉም ተሸናፊ ነው” – ጠቅላይ ሚኒስትር ዐብይ አህመድ

ጠቅላይ ሚኒስትር ዐብይ አሕመድ ጦርነት ጥፋትን እና መለያየትን የሚያመጣ ስለሆነ ሁሉም ተሸናፊ ነው አሉ።
ጠ/ሚኒስትሩ ይህንን ያሉት የየመን ተፋላሚ ሀይሎች ለሰላማዊ መፍትሄ ቅድሚያ እንዲሰጡ ጥሪ ባቀረቡበት ወቅት ነው፡፡

“ጦርነት መሰረታችሁን፣ ግንኙነታችሁን፣ መልካምነታችሁን ያጠፋል” ያሉት ጠቅላይ ሚኒስትሩ፥ ከጦርነት የሚገኘው ጥፋት ብቻ ነው ሲሉ ለተፋላሚዎቹ መልዕክት አስተላልፈዋል፡፡

“በአንድ መሬት ላይ በሚኖር የአንድ ሀገር ህዝብ እንዲህ አይነት ነገር እንዴት ይከሰታል? ሀገራችሁን በምታወድሙበት ጊዜ የመን ለምን እየተዋጋች ነው የሚለውን ለምን አታስቡም? ከጦርነት እና ግጭት ቋንቋ ይልቅ በንግግር የማመን ቋንቋን ለምን አታስተምሩም ?” በማለት ጠቅላይ ሚኒስትሩ ጠይቀዋል።

ያለምንም ደም መፋሰስ እና ጦርነት በነገሮች ላይ አለመግባባት እና መግባባት እንደሚቻል ምክረ ሀሳባቸውን የለገሱት ዶ/ር አብይ አህመድ የመን ላለችበት ነባራዊ ሁኔታ ተፋላሚዎቹ ሀላፊነት እንደሚወስዱና ተጠያቂም እንደሚሆኑ በመልዕክታቸው ገልፀዋል፡፡

የየመንን ሰላም ለማረጋገጥ ሁሉም እጅ ለእጅ ሊያያዝና በጋራ ሊሰራ ይገባል ያሉት ጠቅላይ ሚኒስትሩ ከግል ፍላጎት ይልቅ ለሀገር የሚጠቅም መልካም ስራ መስራት እንደሚጠበቅም ጥሪ አቅርበዋል።

በጦርነት ጉዳት የደረሰበትን የየመን ህዝብ ለመካስ ተፋላሚ ሀይሎቹ ልዩነቶቻቸውን በጠረጴዛ ዙሪያ ተቀምጠው እንዲፈቱ ጠቅላይ ሚኒስትሩ ጥሪ ማቅረባቸውን የጠቅላይ ሚኒስትር ፅ/ ቤት መግለጫ ጠቅሶ የኢትዮጵያ ኘረስ ድርጅት ዘግቧል።

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close