Connect with us

News

ሉካ ሞድሪች የባላንዶር አሸናፊ ሆነ

Published

on

ሉካ ሞድሪች የባላንዶር አሸናፊ ሆነ

ሉካ ሞድሪች የባላንዶር አሸናፊ ሆነ | Bekky@ diretube

የ33 አመቱ ክሮኤሽያዊው ኢንተርናሽናል ሉካ ሞድሪች ለአስር አመት በሮናልዶና በሜሲ ብቻ ተይዞ የቆየውን ባላንዶር በእጁ አስገብቷል።

በ2007 ብራዚላዊው ሪካርዶ ካካ የባላንዶር አሸናፊ ከሆነ በኋላ ያለ ሁለቱ ድንቆች ማንም ያልወሰደውን የግል ሽልማት ማድሪድን ለሶስተኛ የሻምፒየንነት ክብር ያበቃውና አገሩን ለአለም ዋንጫ ፍጻሜ ተፋላሚ ያደረገው ሞድሪች ሶስተኛ ትልቅ ክብሩን አሳክቷል።

ቀደም ሲል የአለም ዋንጫ እንዲሁም የፊፋ ምርጥ ተጫዋች እንደነበር አይረሳም።

በ753 ነጥብ የቀድሞ የክለብ አጋሩን ሮናልዶን ያስከተለው ሞድሪች ሮናልዶ በ476 ነጥብ ሁለተኛ ሲሆን የዛሬ ሁለት አመት ለመብላት ተቃርቦ የነበረው ግሪዝማን በ413 ነጥብ ሶስተኛ ሆኗል። ተስፈኛው ወጣት ምባፔ በ347 አራተኛ እንዲሁም ሊዮ ሜሲ በ280 ነጥብ አምስተኛ ሆነዋል።

ሉካም ሲናገር “ከልጅነት ህልሜ በላይ የሆነውን ወርቃማ ኳስ ማሸነፌ አስደስቶኛል መታሰቢያነቱም ባለፉት አስር አመታት ማሸነፍ ኖሮባቸው ይህንን እድል ላላገኙት ሁሉ ይሁን” ብሏል። “ዣቢ፣ ኢንዬስታ፣ ሽናይደር፣ እየተገባቸው ያላገኙ ናቸው አሁን ግን ሌላ ሰው ማሸነፍ እንደሚችል ስላሳየሁ ደስብሎኛል” ብሏል።

ሞድሪች 30 ውስጥ ከገቡት 8 ማድሪስታንስ አንዱ ሲሆን ከኖርዌያዊቷ አዳ ሄግርበርግ ጋር የፍራንስ ፉትቦል የአመቱ ምርጥ እግር ኳሰኞች ተሰኝተዋል።

በ6ተኛ ደረጃ 38 ጎል አስቆጥሮ የእንግሊዝን ሪከርድ የሰበረው ሳላህ ሲሆን 7ተኛ በትንሽ እድሜው ብዙ ያሳካው የአውሮፓና የአለም ሻምፒዮናው ራፋኤል ቫራን ሆኖአል።

የቼልሲው ድንቅ ኤዲን ሃዛርድ 8ተኛ ሲሆን በፊፋ ምርጥ 22 ውስጥ ያልገባው ዲብሩይነ 9ነኛ ሆኗል። በ2017 ብዙ በማግባት ሮናልዶና ሜሲን የቀደመውና የአለም ዋንጫው ኮከብ ግብ አስቆጣሪው ኬን አስረኛ ሲሆን ንጎሎ ካንቴ፣ ኔይማር ፣ ሱዋሬዝ፣ ኩርትዋ እና ፖግባ እስከ 15 ተሰድረዋል።

16 አጉዌሮ ሲሆን የሪያል ማድሪዶቹ ቤልና ቤንዜማ በእኩል 6 ነጥብ 17ተኛ ሆነዋል። ፈርሚንሆ ራኪቲችና ራሞስ በእኩል ነጥብ 19፤ ሳዲዮ ማኔ ካቫኒና ማርሴሎ 22ተኛ፤ አሊሰን ቤከር ያን ኦብላክና ማንዙኪች 25ተኛ፤ ዲያጎ ጎዲን 28ተኛ ሲሆን ሁጎ ሎሪስና ኢስኮ በእኩል 2 ነጥብ 29 ንኛ ጨርሰዋል።

Source: Daily star

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close