Connect with us

Africa

የጀኔራሉ መጠራት ምስጢሩ ምንድን ነው?

Published

on

የጀኔራሉ መጠራት ምስጢሩ ምንድን ነው? | በኃይሉ ሚዴቅሳ ፍስኃጽዮን

የጀኔራሉ መጠራት ምስጢሩ ምንድን ነው? | በኃይሉ ሚዴቅሳ ፍስኃጽዮን

የተባበሩት አረብ ኤምሬቶች መምጣት፣ የሳዑዲ አረቢያ መመላለስ፣ የቱርክና ካታር መዳፍ መበርታት፣ የባሕረሰላጤው ኃያላን ፍላጎት ማየል፣ የአፍሪቃ ቀንድ መገለጫዎች በሆኑበት በዚህ ቀጣና ኢትዮጵያና ሱማሊላንድ እየተፋቱ ይመስላል፡፡

የኢትዮጵያ የደኅንነትና ጸጥታ ጉዳዮች በር እየተባለች የምትጠራው ሱማሊላንድ የጠቅላይ ሚኒስትር ዓቢይን ቀልብ የሳበች አትመስልም፡፡ ሰሞኑን በሃርጌሳ የኢትዮጵያ ቆንስላ ጀኔራል በርሄ ተስፋይ ወደ ሀገራቸው ተጠርተዋል፡፡ ለምን…? ምክንያቱ ከመንግሥት ወገን መግለጫ አልተሰጠበትም፡፡ የሱማሊላንድ ባለሥጣናትም አስተያየታቸው አልተደመጠም፡፡ እራሷን እንደ ሐገር የምትቆጥረው ሱማሊላንድ በኢትዮጵያ ቆንስላ አላት፡፡ የዚህ ሁሉ ጉዳይ እጣፈንታ ምን ሊሆን ይችላል?

አቶ ኃይለማርያም (የቀድሞው ጠቅላይሚኒስትር) የኢትዮጵያ የውጭ ደኅንት መስኮት አድርገው በሚገልጹዋት ሱማሊላንድ ላይ ጀኔራል በርሄ ተስፋይን የቆንስላውን ኃላፊ አድርገዋቸው ነበር፡፡ ሰሞኑን ግን እኒህ ጀኔራል ከኃላፊነታቸው ተጠርተዋል፡፡ የሀርጌሳ ባለሥልጣናት ከኢትዮጵያ መንግሥት ማብራሪያ እንዳላገኙ ተናግረዋል፡፡ የአፍሪቃ ቀንድን ጉዳዮች የሚዘግቡ መገናኛ ብዙሃን እነዚህን ባለሥልጣናት ዋቢ አድርገው እንደፃፉት፣ኢትዮጵያ የቆንስላውን ኃላፊ የጠራችው ከሱማሊላንድ ጋር ያላትን ዲፕሎማሲያዊ ግንኙነት ለማቋረጥ በማቀዷ ነው፡፡ ለዚህም የጎንደሩን የሶስትዮሽ ስምምነት ይጠቅሳሉ፡፡

የሱማሊያው መሀመድ ፋርማጆ፣ የኤርትራው ኢሳያስ አፈወርቂ እና የኢትዮጵያው ዓቢይ አሕመድ ከሳምታት በፊት በጎንደር ያደረጉት የሦስትዮሽ ውል ይዘቱ ለሕዝብ በሚገባ ግልጽ አልተደረገም፡፡ ይሁን እንጂ በተለይ በሱማሊያ በኩል ከሚነሱ አጀንዳዎች መካከል የሱማሊ ላንድ ጉዳይ ዋነኛው እንደሚሆን ይጠበቃል፡፡ መሀመድ ፋርማጆ በአቶ ኃይለማርያም ጊዜ ደጋግመው የጠየቁት ጉዳይ አሁን እልባት ያገኘላቸው ይመስላል፡፡ ኢትዮጵያ ከሱማሊላንድ ጋር የምታደርገው ግንኙነት እንዲቆም ብቻ ሳይሆን፣ የሐገርነት እውቅና ለመስጠት ከምታደርገው መንደርደር እንድትቆጠብ የፋርማጆ ፍላጎት ነው፡፡ ለዚህ ጉዳይ ጠቅላይ ሚኒስትር ዓቢይ የተመቹአቸው ይመስላል፡፡

ከጎንደሩ የፋርማጆና የኢሳያስ ጉብኝት በኋላ ጠቅላይ ሚኒስትሩ የሃርጌሳውን ዲፕሎማት ወደ ሀገራቸው እንዲመጡ ጠርተዋል፡፡

የተጠሩት ዲፕሎማት በሌላ እንዲተኩ ይሁን አለያም ኢትዮጵያ ቀስበቀስ ከሱማሊላንድ ጋር ያላትን ጋርዮሽ ልታቋርጥ ይሁን አይታወቅም፡፡ አሁን እርግጠኛ መሆን የሚቻለው ጀኔራል በርሄ ተስፋይ ከሱማሊላንድ ተጠርተው ወደ አዲስ አበባ መጥተዋል በሚለው ዜና ብቻ ነው፡፡

** የቪዲዮ ዘገባዎችና መዝናኛዎችን ለማግኘት www.diretube.com ይጉብኙ
** የተለያዩ ኢትዮጵያን የተመለከቱ አለም አቀፋዊና ሀገራዊ ዜናዎችን ለእንግሊዝኛ ለማንበብ www.ethio.news ይጉብኙ

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close