Connect with us

News

ኤርዶጋን በG20 ስብሰባ ቢን ሳልማንን ወረፉ

Published

on

ኤርዶጋን በG20 ስብሰባ ቢን ሳልማንን ወረፉ

ኤርዶጋን በG20 ስብሰባ ቢን ሳልማንን ወረፉ

Bekky@ diretube

በጉጉት ሲጠበቅ በነበረውና ለሞሀመድ ቢን ሳልማን የመጀመሪያ በሆነው በሀያላኑ 20 አገሮች ተሳታፊነት በተካሄደው የቦነስ አይረሱ ስብሰባ ሞሀመድ ቢን ሳልማን ከሬሲፕ ጣይፕ ኤርዶጋን ብሎም ከካናዳው ጀስቲን ትሩዶው ተፋጠዋል።

ሞሀመድ ቢን ሳልማን ተቀዳሚ አልጋ ወራሽ ተብለው በአባታቸው ከተሰየሙ በኋላ ሳውዲ አለም አቀፍ ግንኙነቷ ከተበላሸባቸው አገሮች ተርታ ካናዳ አንዷ ነች።

በስብሰባውም ላይ በካናዳው ፕሬዚዳንት ጀስቲን ትሩዶው ስለግድያው ማብራሪያ የተጠየቀው ኤም ቢ ኤስ ስለግድያው እንዳዘነና የእለቱ አጀንዳ ግን ጋዜጠኛው ላይ ስለማያተኩር እንለፈው ብሎ በቸልተኝነት ማለፉ ኤርዶጋንን አስቆጥቷል።

ከስብሰባው በኋላ በጋዜጠኞች አስተያየታቸውን የተጠየቁት ኤርዶጋን “እጅግ አፍሬአለሁ ጭራሹን ያልጠበኩትና ያላመንኩትን መልስ ነው የሰጠው ነገሮችን እንደማብረድና እንደማቀዝቀዝ ያለ አሳማኝ መረጃ ሳውዲ አትወንጅሉ ማለቱን ማመን ተስኖኛል” ብለዋል።

ከአለም አቀፉ ማህበረሰብ ተጽእኖ የበረታበት ቢን ሳልማን ግን እጅግ በተረጋጋ መንፈስ ከስብሰባው በኋላ የአሜሪካውን ፕሬዚዳንት ዶናልድ ትራምፕን፣ የፈረንሳዩን ኢማኑኤል ማክሮንን፣ የቻይናውን ሺ ዢንግ ፒንግንና የብሪታንያዋን ቴሬሳ ሜይን አግኝቶ ተወያይቷል። በተለይ ከራሺያው ቭላድሚር ፑቲን ጋር ሲሳሳቅ ሁሉ ተስተውሏል።

በመጨረሻም ከእሱ ጋር ለመገናኘት ፍላጎት የለኝም ያሉት ኤርዶጋን “እኛ ያለንን ማስረጃ ሁሉ ሰጥተናል የሳውዲ መንግስት ግን ጉዳዩ እንዲድበሰበስ እየጣረ ነው” ብለዋል። ከዚያም በተጨማሪ አንካራ የሳውዲን ንጉሳዊ ቤተሰብ የመጉዳት አላማ የላትም ሆኖም እንደዚህ አይነት አሰቃቂ እና ኢሰብአዊ ድርጊት ዝም ብለን አናልፈውም ብለዋል።

Source:- Financial Times

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close