Connect with us

Ethiopia

ደብረጽዮንን አለማድነቅ አይቻለኝም! | በጫሊ በላይነህ

Published

on

ደብረጽዮንን አለማድነቅ አይቻለኝም! | በጫሊ በላይነህ

በኢህአዴግ ቁርጥ ውሳኔ ወደተግባር የተገባበት ሌቦችን የማደን ዘመቻ በትውልድ ትግራይ የሆኑ ግለሰቦች ላይ ያነጣጠረ መምሰሉ እውነት ነው። ይህ የሆነው የጠ/ሚ ዐብይ አሕመድ አስተዳደር ፀረ ትግሬ በመሆኑ አይደለም። ዘራፊዎች ብሔራቸውን ምሽግ ማድረጋቸው ሳያንስ የቡድን የዝርፊያ መዋቅሩንም ጭምር በዘር ሐረግ መዘርጋታቸው አንዱና ትልቁ መንስኤ ነው።

ረጅም ጊዜ በሥልጣን ላይ የነበረው የቀድሞ ጠ/ሚ አቶ መለስ ዜናዊ አስተዳደር ደግሞ በመንግሥት ውስጥ የተሰገሰጉ ሌቦች ምቹ ጫካ በመፍጠርና ተንከባክቦ በማሳደግ የድርሻውን ተወጥቷል።

ያኔ በእንጭጩ ጊዜ እነአቶ መለስ ኢትዮጵያ ውስጥ አንድ ጊዜ ግራንድ ኮራኘሽን (ግዙፍ ስርቆት) የለም፣ ሌላ ጊዜ ስርቆት እስካልተያዙ ድረስ ስራ ነው፣ከተያዙ ወንጀል ነውን እየዘመሩ ለሌቦች ሽፋን ባይሰጡ ኖሮ ትንንሽ ሌቦች እንዲህ ከአገር አልፈው ክፍለአህጉር የሚያተራምሱ ስልጡን ሌቦችን ባላሆኑ ነበር።

እናም በዘር የተቧደኑ ሌቦች ተራ ትችት የሚያቀርብባቸውን ወገን ሁሉ “ትግሬ” በመሆናችን ተጠቃን አይነት ነጠላ ዜማ ሲያቀነቅኑ ኖረዋል። ይህ ስትራቴጂ ለጊዜውም ቢሆን ንፁሀንን አንገት ለማስደፋት ተጠቅመውበታል።

በተለይ አንዳንድ ተከፋይ ጋዜጠኞችና ብሎገሮች የእነዚህን ሰዎች ተክለስብዕና ለመገንባት ላባቸውን ሲዘሩ ኖረዋል። እነሆ ለሁሉም ጊዜ አለው እንዲል መፅሐፉ የግፍ ፅዋ ሞልቶ በመፍሰሱ ግፈኞች ለፍርድ የሚቀርቡበት ጊዜ መጣ። ይህ ጊዜ ለህወሓቱ ቁንጮ ዶክተር ደብረፅዮን ፈተና መሆኑ አይቀርም። ለምን ቢባል በትግራይ ሕዝብ የሚምሉ ሌቦች ፓርቲ ውስጥ ተሰግስገዋልና። እነዚህ ሌቦችና ገራፊዎች ጋሻ ጃግሬዎቻቸውን በማሰለፍ ጭምር የለውጥ ኃይሉን ለመጨፍለቅ የመጨረሻ ርብርብ ላይ ናቸው።
በዚህ ፈታኝ ወቅት ዶክተር ደብረፅዮን ገብረሚካኤል ሰሞኑን እንዲህ ማለታቸው ተሰምቷል።

“ማንም ቢሆን ሰርቆ ትግራይ ክልል እደበቃለሁ ቢል ለሕግ ተላልፎ ይሰጣል።…ገና ለገና ስም እንዳይወጣ ተብሎ የሰረቀንና የተልከሰከሰን ማንም ቢሆን ወደ ሕግ ከማቅረብ ወደኋላ አንልም።… ተዋረድን የሚባል ነገር የለም…”

ይህ የዶክተሩ ቁርጠኛ አቋም ሌቦችና ገራፊዎችን የሚገቡበት የሚያሳጣ፣ የለውጥ ኃይሉ ጠንክሮ እንዲወጣ የሚረዳ ነው።

ከእንግዲህ ሌቦች ሰርቀው ትግራይን እንደምሽግ መጠቀም እንደማይችሉ ፍርጥ አድርጎ ያወጀ ታሪካዊ ውሳኔ ነው።እናም ዶክተር ደብረፅዮን፤ የሌቦችና ጋሻጃግሬዎቻቸው ከባድ ጫና ተቋቁሞ ለሕግና ሥርዓት መከበር በመቆሙ አድናቆት ሲያንሰው ነው።

** የቪዲዮ ዘገባዎችና መዝናኛዎችን ለማግኘት www.diretube.com ይጉብኙ
** ኢትዮጵያን የተመለከቱ የተለያዩ አለም አቀፋዊና ሀገራዊ ዜናዎችን ለእንግሊዘኛ ለማንበብ www.ethio.news ይጉብኙ

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close