Connect with us

Ethiopia

የውጭ ጉዳይ ሚኒስቴር የተሟላ የሪፎርም የትግበራ ምዕራፍ ጀመረ

Published

on

የውጭ ጉዳይ ሚኒስቴር የተሟላ የሪፎርም የትግበራ ምዕራፍ ጀመረ

የውጭ ጉዳይ ሚኒስቴር የአገራችንን ብሄራዊ ጥቅም ለማስጠበቅ አዲስ አደረጃጃትና ቁመና እንዲኖረው ለማስቻል የጀመረው የሪፎርም ስራ ወደ ተሟላ ትግበራ መሸጋገሩ ተገለጸ፡፡

የኢ.ፌ.ዲ.ሪ የውጭ ጉዳይ ሚኒስቴር ቃል አቀባይ አቶ መለስ ዓለም ዛሬ (ጥቅምት 29 ቀን 2011 ዓ.ም) ለሚዲያዎች በሰጡት መደበኛ መግለጫ ተቋሙን ለ21ኛው ምዕተ ዓመት የሚመጥን ተቋም ለማድረግ የተሟላ የሪፎርም ትግበራ መጀመሩን ተናግረዋል፡፡

የውጭ ጉዳይ ሚኒስቴር ዳይሬክተር ጄኔራሎችን ጨምሮ 31 የመ/ቤቱ ከፍተኛ አመራሮችን እንዲሁም አምስት ቋሚ ተጠሪዎችን (Permanent Secretaries) መሾሙም የሪፎርሙ አካል መሆኑን ቃል አቀባዩ ገልጸዋል፡፡

በኃላፊዎች ምደባ ላይ ልዩ ትኩረት የተሰጠው ለዲፕሎማሲው ስራ ያለው እውቀት፣ ክህሎትና ሀገር ወዳድነት ፣ የተጀመረውን የሪፎርም ስራ የማስቀጠል ብቃት እንዲሁም የሀገራችንን ክልላዊ፣ አህጉራዊና ዓለምአቀፋዊ ኃላፊነት በብቃት የሚተገብር መሆኑ ነውም ብለዋል፡፡

የመ/ቤቱ የሪፎርም ስራ በአደረጃጃትና መዋቅር ፣ በሰው ኃይል ምደባና ስምሪት ፣ በመሰረተ ልማትና አቅም ግንባታ ላይ በፍጥነት እየተተገበረ መሆኑንም አውስተዋል፡፡

በውጭ ጉዳይ ሚኒስቴር ሹመት የተሰጣቸው ዳይሬክተር ጄኔራሎች እና ሌሎች ከፍተኛ አመራሮች

1. የሚኒስትሩ ካቢኔ ዋና ሹም – አቶ መላኩ ለገሰ
2. የሚኒስትሩ ካቢኔ ምክትል ዋና ሹም – አቶ መላኩ በዳዳ
3. የውጭ ጉዳይ ቃል አቀባይ -አቶ መለስ ዓለም
4. የሚኒስትሩ ዋና አማካሪ- አምባሳደር ማህሙድ ድሪር
5. የድንበርና የድንበር ተሻጋሪ ሃብቶች ጉዳዮች ልዩ አማካሪ- አምባሳደር ሸምሰዲን አህመድ
6. የአቅም ግንባታ ልዩ አማካሪ – አቶ ሚልክያስ ሀራሳ
7. የሴቶች፣ ሕጻናትና ወጣቶች ጉዳዮች ጽ/ቤት ዳ/ጄኔራል – ወ/ሮ አልማዝ ገበያው
8. የኢንስፔክተር-ጄኔራል ጽ/ቤት ኃላፊ- አምባሳደር የሺመብራት መርሻ
9. የለውጥ ማኔጅመንት እና የመልካም አስተዳደር ጽ/ቤት ኃላፊ- አቶ መኮንን ጎሳየ
10. የውጭ ኢንቨስትመንት ማስፋፊያ እና የቴክኖሎጂ ሽግግር ዳይሬክቶሬት ጄኔራል – አቶ አርአያ ገ/እግዚዘብሄር

11. የውጭ ንግድና የቱሪዝም ማስፋፊያ ጉዳዮች ዳይሬክቶሬት-ጄኔራል – ወ/ሮ ሙንተሃ ጀማል
12. የቆንስላ ጉዳዮች ዳይሬክቶሬት-ጄኔራል -አምባሳደር ሻሜቦ ፊታሞ
13. የጎረቤት አገሮች እና የኢጋድ ጉዳዮች ዳይሬክቶሬት-ጄኔራል – አቶ ይበልጣል አእምሮ
14. የድንበርና የድንበር ተሻጋሪ ሃብቶች ጉዳዮች ዳይሬክቶሬት ጄኔራል – አቶ ዘነበ ከበደ
15. የአፍሪካ ሕብረት ቋሚ መልዕክተኛ – አምባሳደር ተስፋየ ይልማ
16. የአፍሪካ ሕብረት ምክትል ቋሚ መልዕክተኛ – አቶ ብርሃነ ፍስሃ
17. የሰሜን፣ የምዕራብ፣ የደቡብና የማዕከላዊ አፍሪካ አገሮች ጉዳዮች ዳይሬክቶሬት-ጄኔራል – ሮዛ የሩቅነህ
18. የመካከለኛ ምስራቅ ጉዳዮች ዳይሬክቶሬት ጄኔራል-አምባሳደር ሱሌማን ደደፎ
19. የፐብሊክ ዲፕሎማሲ ዳይሬክቶሬት-ጄኔራል – አቶ ረዳኢ ግርማይ
20. የአውሮፓ አገሮችና የአውሮፓ ህብረት ጉዳዮች ዳይሬክቶሬት-ጄኔራል – አቶ ምህረተአብ ሙሉጌታ

21. የሰሜን፣ የደቡብ አሜሪካ እና የካሪቢያን አገሮች ጉዳዮች ዳይሬክቶሬት ጄኔራል – አቶ ነቢያት ጌታቸው
22. የኤዥያና ፓሲፊክ አገሮች ጉዳዮች ዳይሬክቶሬት ጄኔራል – አቶ ፀጋአብ ክበበው
23. የዓለምአቀፍ ሕግ ጉዳዮች ተጠባበቂ ዳይሬክቶሬት ጄኔራል – ወ/ሪት ለምለም ፍስሃ
24. የዓለምአቀፍ ድርጅቶች ጉዳዮች ዳይሬክቶሬት ጄኔራል -ወ/ሮ ፍርቱና ዲባኮ
25. የሰው ሃብት ማኔጅመንት ዳይሬክቶሬት ጄኔራል – አቶ አክሊሉ ከበደ
26. የሁኔታዎች ክትትል ዳይሬክቶሬት ጄኔራል- አቶ ካሳ ተሲሳ
27. የፕሮቶኮል ጉዳዮች ዳይሬክቶሬት ጄኔራል – አቶ ሚካኤል ጦቢያስ
28. የግዥና ፋይናንስ ማኔጅመንት ዳይሬክቶሬት-ጄኔራል -አቶ ሽብሩ ማሞ
29. የንብረት ማኔጅመንት እና የጠቅላላ አገልግሎት ዳይሬክቶሬት-ጄኔራል – ወ/ሮ ፍሬህይወት አስራት
30. የዕቅድና በጀት ዳይሬክቶሬት-ጄኔራል – አቶ መስፍን ገ/ማርያም
31. የመረጃ ሀብት ማኔጅመንት እና የኢንፎርሜሽን ኮሙኒኬሽን ቴክኖሎጂ ዳይሬክቶሬት ጄኔራል – አቶ አስመላሽ በቀለ

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close