Connect with us

Art and Culture

አሜሪካዊው እውቅና ተሰጣቸው

Published

on

አሜሪካዊው እውቅና ተሰጣቸው

አሜሪካዊው የኢትዮጵያን ምግቦች በአሜሪካ በማስተዋወቅ ለሰሩት ስራ እውቅና ተሰጣቸው፡፡

በዋሽንግተን ዲሲና አካባቢው የኢትዮጵያን ባህላዊ ምግብ በመሸጥ ለሚታወቁ የሬስቶራንት ባለቤቶች ፣ የባህልና ቱሪዝም ስራዎችን ለሚያስተዋውቁ አስጎብኚ ድርጅቶች ፣የጉዞ አስተባባሪዎች እና የኪነ ጥበብ ባለሙያዎች የኢትዮጵያን ባህል በማስተዋወቅ ለሰሩት ስራ ዋሽንግተን ዲሲ የሚገኘው የኢትዮጵያ ኢምባሲ የምስጋና የምስክር ወረቀት ሰጥቷቸዋል፡፡

በዚህ ሽልማት አሰጣጥ ስነስርአት ላይ እውቅና ያገኙት አሜሪካዊው ስቲቭ ቻርድ ባለፉት ሶስት ወራት ብቻ በኢትዮጵያ ለሶስት ጊዜ ያህል ጉብኝት አድርጌያለሁ ኢትዮጵያ የሚገረም እና ተወዳጅ የምግብ አይነት ያሏት ሀገር መሆኗን ተገንዝቤያለሁ፤ ብዙ ጓደኞች ኢትዮጵያ ውስጥ አሉኝ፤ እኔም ለምን ኢትዮጵያ ውስጥ ያሉ ምግቦችን ለአሜሪካውያን አላስተዋውቅም ስላቸው በጣም ነው ያበረታቱኝ፤ በስራየም ሁሉ አግዘውኛል፤አሁን የተሰጠኝ እውቅናም አስደስቶኛል ብለዋል፡፡

የእውቅና መድረኩ ተሳታፊዎች እንዳሉት በአይነቱ ለመጀመሪያ ጊዜ የሆነው ይህ የእውቅና መድረክ የበለጠ እንድንሰራ ያደርገናል፡፡ አሜሪካን ሀገር ያሉ ሬስቶራንቶች የተለያዩ ብሄሮች እና ብሄረሰቦችን ምግቦች በማስተዋወቅ ትልቅ ሚና ሲጫወቱ ቆተዋል፡፡ ይህ እውቅና የበለጠ ራሳችንን ለመላው ዓለም እንድናስተዋውቅ ትልቅ አጋጣሚ ይፈጥርልናልም ብለዋል፡፡

በአሜሪካ የኢትዮጵያ አምባሳደር ካሳ ተክለብርሃን ሬስቶራንቶቻችን የባህላችን አምባሳደሮች ናቸው፡፡ ሁላችሁም የምትሰሩት ስራ ሀገራችን እንድትታወቅ እና ከፍ ብላ እንድትታይ ያለው ሚና ቀላል አይደለም፡፡ አሁንም አብረን በመስራት ባህላችን እና ሀገራችንን ከፍ ማድረግ ይኖርብናል፡፡

በአሜሪካ የኢትዮጵያ ኢምባሲ ዋና አላማው ጎብኝዎች ወደ ኢትዮጵያ እንዲሄዱ ማድረግ ነው፡፡ይሁን እንጅ እናንተ ከእኛም በላይ ሀገራችሁን እያስተዋወቃችሁ ያላችሁ በመሆኑ ለእናንተ እውቅና እና ክብር መስጠት ተገቢ ነው፡፡ ለዚህም ነው ይህን እውቅና እና ሽልማት ያዘጋጀነው ፡፡ላበረከታችሁት እና ወደፊትም ለምታበረክቱት አስተዋጽኦ ከፍተኛ የሆነ ምስጋና ኢምባሲው ያቀርባል ብለዋል፡፡

ምንጭ፡-በአሜሪካ የኢትዮጵያ ኢምበባሲ

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close