Connect with us

Ethiopia

የጠቅላይ ሚንስትሩ አካሄድ ለእኔ እንደገባኝ | በኘሮፌሰር ፍቅሬ ቶሎሳ

Published

on

የጠቅላይ ሚንስትሩ አካሄድ ለእኔ እንደገባኝ | በኘሮፌሰር ፍቅሬ ቶሎሳ

የጠቅላይ ሚንስትሩ አካሄድ ለእኔ እንደገባኝ | በኘሮፌሰር ፍቅሬ ቶሎሳ

ዳሸንን የሚያህለው የ 27 ዐመት ችግር እሳቸው ጫንቃ ላይ ተከምሯል። የኢትዮጵያን የረጅም ዐመታት ችግር ብቻቸውን ከመቅጽበት እሳቸው እንዲፈቱ ሁሉም ሰው ይጠብቃል። እሳቸው ችግሮችን እንዳይፈቱ ደሞ ጸረለውጥ ኃይሎች ደንቃራ ሆነውባቸዋል። ይባስ ብለው ደግሞ ህይወታቸውን ሊያጠፉ ከአንዴም ሁለቴ ሞክረዋል። አሁንም በየደቂቃው በነፍሳቸው ላይ እየተወራረዱባቸው ነው። እንደዚህ አይነት ውጥረት ውስጥ ሆነው በ 6 ወራት ይህን ሁሉ ቁምነገር ሊፈጽሙ ከቻሉ የተረረጋጋ ሀገርን የሚያስተዳድሩ ጠቅላይ ሚንስትር ቢሆኑ ኖሮ ታላላቅ ተግባራትን ምንኛ ባከናወኑ ነበር?

አሁን ግን ትግላቸው ጥንድ ነው። — አንደኛው የስልጣን እና የህልውናቸውን ዋስትና ማስጠበቅ ሲሆን ሁለተኛው የሀገር ግንባታ ነው።

የስልጣናቸው ደህንነት ከሁሉም ነገር ይቀድማል። እሳቸውና አዲሱ መንግሥታቸው አደጋ ላይ ከወደቁ እስከ ዛሬ የተለፋበት ለውጥ በሞላ ገደል ገባ ማለት ነው። ያን ተከትሎ ደግሞ በሀገሪቱ ላይ ከፍተኛ የእርስ በርስ እልቂት ይፈጸማል። ኢትዮጵያም እንዳልነበረች ትሆናለች። ዶክተር ዐብይ ይህን አጥልቀው ስለተገነዘቡ እንደምንም ብለው ይህን የሽግግር ዘመን ለማለፍ አቅደዋል።

በዙርያቸው ያሉት የቀድሞው ስርአት ናፋቂዎች እና ቅጥረኞች እየካዱ ስለአሰቃይዋቸው የሚታመኑ ሰዎችን ሾመው ሁለቱን ዐመታት ጨርሰው በሁለቱ ዐመታት ውስጥ ለፓለቲካ ፓርቲዎች የነጻ ምርጫ ውድድር የሚያስፈልገውን ጥርጊያ ጎዳና ሊያነጥፉ አስልተዋል።

በወሳኝ ቦታዎች ከሾሙአቸው ሰዎች ውስጥ ቀደም ሲል በሥራ ግንኙነት የሚያውቁአቸው ተዐማኒ ሰዎች ይገኙባቸዋል። የሰሞኑ የበዛ የሴቶች ሹመትም ከእዚህ ስልት የመነጨ ነው።

ከራሳቸው አንደበት እንደሰማነው ሴቶች ታማኞች ናቸው። እነሱ እንደወንድ በቀላሉ አይክዱኝም ነው የሚሉት። እነሱ ለሙስናም እንደወንድ የተጋለጡ አይደሉም ባይ ናቸው።

ምናልባት ይህ እይታቸው ትክክል ሊሆን ይችላል። ለውጡ እንዳይቀለበስ በእዚህ ስልት ተጠቅመው ኢትዮጵያን ከቀውስና እልቂት ካዳኑዋት፣ እንዲሁም ወደ ነጻ ምርጫው በሰላም ካሸጋገርዋት እሰየው ነው። ከዛ በሁዋላ የፖለቲካ ተወዳዳሪ ፓርቲ ሁሉ ፕሮግራሙን ለኢትዮጵያ ህዝብ አሳውቆ ህዝቡ ያመነበትን ፓርቲ ይመርጣል ማለት ነው።

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close