Connect with us

Ethiopia

አዳዲሶቹ ሚኒስትሮች እነማን ናቸው?

Published

on

አዳዲሶቹ ሚኒስትሮች እነማን ናቸው?!

አዳዲሶቹ ሚኒስትሮች እነማን ናቸው?! | (በኃይሉ ሚዴቅሳ ፍስሃጽዮን)

ከአቶ መለስ ዜናዊ ሕልፈት በኋላ መንግሥት መረጋጋት እንደተሳነው እሙን ነው፡፡ የአንድ መንግሥት አለመራጋጋት ማሳያው ደግሞ በተደጋጋሚ የሚዋቀር ካቢኔ መኖሩ ነው፡፡ ከቀድሞው ጠቅላይ ሚኒስትር ሞት በኋላም አሁን ለአምስተኛ ጊዜ የሚኒስትሮች ምክር ቤት እየተዋቀረ ነው፡፡ የአሁኑ የኢትዮጵያ መንግሥት ወዳጅ የሆኑት የኤርትራው አለቃ ኢሳያስ አፈወርቂ አምና በበጋ ወራት በሰጡት መግለጫ ‹‹የኢትዮጵያ መንግሥት ልፍስፍስና ገፋ ቢያደርጉት እንደሚወድቅ ማሳያው በተደጋጋሚ የሚቀያይረው ካቢኔ ነው›› ብለው ነበር፡፡ በርግጥ ጠቅላይ ሚኒስትር ዓቢይ አሕመድም በስድስት ወር ውስጥ ለሁለተኛ ጊዜ መንግሥታቸውን እያዋቀሩ እንደሆነ ይፋ ሆኗል፡፡

ይልቅስ ቀልብ የሚስበው ጉዳይ እነማን ለየትኛው ሚኒስቴር ይሾማሉ የሚለው ጉዳይ ነው፡፡ አንዳንድ ጭምጭምታዎች የሚያሳዩት የውጭጉዳይ፣ የደኅንነት፣ የገንዘብ፣ የሠላም፣ የኮሙዩኒኬሽን፣ የንግድና ኢንዱስትሪ ወዘተ ሚኒስትሮች አዳዲስ ሰው እንደሚሾምላቸው (ለነገሩ አዳዲስ ሚኒስቴሮችም አሉ) የታወቀ ሆኗል፡፡

ዶ/ር አምባቸው በውጭ ጉዳዩ ላይ ካልቀናቸው ያለጥርጥር የሕዝብ ተወካዮች ም/ቤት አፈ-ጉባኤ ይሆናሉ የሚል ወሬ ከቤተመንግሥት ወጥቷል፡፡ በቦታው ላይ የነበሩት አፈ ጉባኤዋ ሙፍሪያት ካሚል ወደ አዲሱ ሚኒስቴር ይሄዳሉ ተብሎ ይጠበቃል-የሠላምና የደኅንነት ሚኒስትር!

የሱማሌ ፖለቲካ ዝነኛ ያደረጋቸው የሶዴፓው ሊቀመንበር ወደ ዱሮው መሥሪያ ቤታቸው ተመልሰው የገንዘብና ኢኮኖሚ ትብብር ሚኒስትር የሚሆኑበት ዕድል አለ፤ ይህንን የሚያደርጉት የመንግሥት ኮሙዩኒኬሽንን ለአዲስ አበባዋ ምክትል ከንቲባ ለወ/ሮ ዳግማዊት ሞገስ አስረክበው ነው ተብሎ ይገመታል፡፡

ለወትሮው ከምረጫ በኋላ አዳዲስ ሚኒስትሮችን በመሾም የሚታወቀው ኢሕአዴግ ከምርጫ 2007 ዓ.ም ወዲህ ብቻ አሁን ለአራተኛ ጊዜ ካቢኔ ያዋቅራል፡፡ ይህ ሳያንስ አምና ያቆመውን ሚኒስቴር መሥሪያቤት ዘንድሮ ያፈርሳል፡፡ ይህ መሥሪያቤት በብዙ ሚሊዮን ብሮች በጀት፣ በከፍተኛ የሰው ኃይል ምልመላና በቁሳቁስ ማሟላት ላይ ይከርምና መሥከረም ሲመጣ ፍረስ ይባላል፡ ፡

በአዋጅ የተቋቋመ መሥሪያ ቤት በአዋጅ ይፈርሳል፡፡ ሥራ አስፈፃሚው በአዋጅ ነጋሪው ፓርላማ ተቃውሞ አይገጥመውም፡፡ሲያፈርስም፣ሲያቆምም እጁን አውጥቶ ይደግፋል፡፡ ዘንድሮም ይሄው እጣፈንታ ለተለያዩ ሚኒስቴሮች እንደሚገጥም ይጠበቃል፡፡

የሚኒስቴሮቹ ቁጥር ከ28 ወደ 20 መውረዳቸው ይፋ መደረጉም ቢያንስ 10 የሚደርሱ ሚኒስቴሮች ታጥፈው፣ ሦሥት አዳዲስ ተጨምረው (የት/ት ሚኒስቴር ለሶስት መከፈሉን፣ ገቢዎች በሚኒስቴር ደረጃ መዋቀሩን ልብ ይሏል) አሃዙ 20 ብቻ ይሆናል ተብሏል፡፡ አስሩን ሚኒስቴሮች የት አደረሳችኋቸው ብሎ የሚጠይቅ የፓርላማ አባል ካለም የምናየው ይሆናል፡፡ ለዚህ የሚሰጠው መልስ ወጪ ለመቆጠብ ነው የሚል እንደሆነ ይጠበቃል፡፡ ግን ባሳለፍነው ሐምሌ የሀገሪቱ በጀት ሲጸድቅ እነዚህን 30 ሚኒስቴሮችና የሚሰሩትን ሥራ ታሳቢ አድርጎ መሆኑን መዘንጋት አያስፈልግም፡፡ እናስ የበጀት ክለሳ ይደረጋል ማለት ነው? ይህንን ጥያቄ በዚሁ ሳምንት የምናየው ይሆናል፡፡

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close