Connect with us

Ethiopia

መንግስት የታጠቁ ኃይሎች በአገር ውስጥ እንዲንቀሳቀሱ እንደማይፈቅድ አስታወቀ

Published

on

የታጠቁ ኃይሎች

ማናቸውም የታጠቁ ኃይሎች በአገር ውስጥ እንዲንቀሳቀሱ እንደማይፈቅድ መንግስት አስታወቀ። የኦሮሞ ነጻነት ግንባር /ኦነግ/ ‘ከመንግስት ጋር ትጥቅ ለመፍታት አልተስማማሁም’ ሲል ለመገናኛ ብዙሃን የሰጠው መግለጫም ተቀባይነት የለውም ሲል የመንግስት ኮሙኒኬሽን ጉዳዮች ፅህፈት ቤት አስታውቋል።

የፅህፈት ቤቱ ሚኒስትር ዴኤታ አቶ ካሳሁን ጎፌ ጉዳዩን አስመልክቶ በሰጡት መግለጫ ነው ይህን ያሉት።

መንግስት ማናቸውም የፖለቲካ ኃይሎች በሰላማዊ መንገድ በአገር ውስጥ እንዲንቀሳቀሱ ጥሪ ያቀረበበት ዋነኛው ምክንያት የጥላቻና የመተላለቅ ፖለቲካ እንዲያበቃ ካለው ጽኑ ፍላጎት ነው።

ይህን ሀሳብ ተቀብለው ወደ አገር ውስጥ ከገቡ በኋላ ሌላ የትጥቅ አማራጭ እከተላለሁ ማለት በመንግስት ዘንድ ተቀባይነት የለውም ብለዋል ሚኒስትር ዴኤታው። የኦሮሞ ነጻነት ግንባር /ኦነግ/ ሊቀመንበር አቶ ዳውድ ኢብሳ በቅርቡ ‘ትጥቅ አንፈታም’ ሲሉ ለመገናኛ ብዙሃን የተናገሩትን መንግስት የማይቀበለው እንደሆነም ገልጸዋል።

የፌዴራል የጸጥታ ኃይሎች በቀጣይ የህግ የበላይነትን ለማስከበር ሲባል የታጠቁ ኃይሎችን ትጥቅ የሚያስፈቱ መሆኑንም አስታውቀዋል።

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close