Connect with us

Health

የቡና ጥቅም እና ሊያስከትል የሚችለው ጉዳት

FanaBC

Published

on

የቡና ጥቅም እና ሊያስከትል የሚችለው ጉዳት

ተመራማሪዎች እንደሚሉት የቡና ጥቅም ስኳር በሽታን ከመከላከል ጀምሮ የጉበትን በሽታ ተጋላጭነት እስከ መቀነስ ይጠቀሳል፡፡

ቡና በዓለም በጣም ተወዳጁ መጠጥ ሲሆን በየዓመቱ 400 ቢሊየን ሲኒ ቡና ይጠጣል። ለ ጤና በርካታ ጠቀሜታዎች እንዳሉት የሚነገርለት ቡና ጉዳት የሚያደርስበትም ሁኔታ አለ።

የጤና ጠቀሜታዎቹ

ቡና እና ስኳር በሽታ

ቡና ስኳር በሽታን ለመከላከል ያግዛል። በሀርቫርድ የማህበረሰብ ጤና ት/ቤት ተመራማሪዎች ከሶስት ጥናቶች መረጃ በመሰብሰብ ባካሄዱት ምርምር ውጤት የምንጠጣው ቡና መጨመር የስኳር በሽታ (አይነት 2) የመጋለጥ ዕድልን ሊቀንስ እንደሚችል ያሳያል ይላሉ። በእነዚህ ጥናቶች የተሳታፊዎቹ አመጋገብ በየአራት አመቱ በቀረበላቸው ጥያቄ ተገምግሟል፤ አይነት 2 ስኳር በሽታ ያላቸው ደግሞ ተጨማሪ ጥያቄዎችን እንዲመልሱ ተደርጓል፡፡ በአጠቃላይ ተመራማሪዎቹ የሚጠጡትን ቡና በቀን ከአንድ ሲኒ በላይ የጨመሩ ተሳታፊዎች በ4 ዓመት ጊዜ ውስጥ ለአይነት 2 የስኳር ህመም የመጋለጥ እድላቸው የቡና አወሳሰዳቸውን ካልቀየሩት ጋር ሲነፃፀር በ11 በመቶ ቀንሷል።

ቡና እና የነርቭ በሽታ

የአሜሪካ ተመራማሪዎች በቡና አወሳሰድ እና ለነርቭ በሽታ የመጋለጥ ዕድል መካከል ያለውን ግንኙነት ለመገምገም ጥናት አካሂደዋል። ተመራማሪዎቹ የምንጠጣውን ቡና መጨመር ለነርቭ በሽታ የመያዝ ዕድልን እንደሚቀንስ ፅፈዋል።

በተጨማሪም በቡና ውስጥ የሚገኘው ካፊን በነርቭ በሽታ የሚሰቃዩ ሰዎች እንቅስቃሴቸውን ለመቆጣጠር እንደሚረዳ በማክ ጊል ዩኒቨርሲቲ ጤና ማዕከል ምርምር ኢንስቲትዩት የተሰራ ጥናት ያመለክታል።

ቡና እና የጉበት ካንሰር

የጣሊያን ተመራማሪዎች ቡና መጠጣት በጉበት ካንሰር የመያዝ እድልን በ40 በመቶ እንደሚቀንስ እንደደረሱበት ገልፀዋል። በተጨማሪም አንዳንድ የጥናቱ ግኝቶች በቀን ሶስት ሲኒ ቡና ከጠጡ ለበሽታው የመያዝ ዕድል በ50 በመቶ ይቀንሳል ይላሉ ተመራማሪዎቹ።

የጥናቱ መሪ ፀኃፊ ዶ/ር ካርሎ ላ ቬቻ እንደተናገሩት፥ ጥናታቸው ከዚህ በፊት የተሰሩ ጥናቶች እንደገለፁት ቡና ለጤና በተለይም ለጉበት መልካም እንደሆነ ያረጋግጣል።

ቡና እና የልብ ጤና

የቤተ እስራኤል ዲያኮንስ የጤና ማዕከል እና የሀርቫርድ የማህበረሰብ ጤና ትምህርት ቤት ተመራማሪዎች ቡናን በመጠኑ መጠጣት ከልብ በሽታ እንደሚከላከል ነው የገለፁት።

ሊያስከትል የሚችለው ጉዳት

ብዙ ቡና መጠጣትም ለሌላ የከፋ ሌላ የጤና ችግር ሊያስከትል እንደሚችል ባለሙያዎቹ ይናገራሉ። የኦክሎሃማ ዩኒቨርሲቲ ተመራማሪዎች በአንድ ጥናት ቡና በተለይም የስሜት መረበሽ ችግር ያለባቸው ሰዎች ላይ የመረበሽን ስሜትን ሊያባብስ እንደሚችል ገልጸዋል።

በተጨማሪም የቡና አጠቃቀም ስሜትን ስለሚቀይር ከድብርት ጋር ሊያያዝ ይችላል። ማርገዝ የሚፈልጉ ሴቶችም ጥንቃቄ ማድረግ እንዳለባቸው ተጠቅሷል። የኔቫዳ ጤና ትምህርት ቤት ዩኒቨርሲቲ ተመራማሪዎች በየቀኑ ቡና መጠጣት የሴቶችን የማርገዝ ዕድል ሊቀንስ እንደሚችል ገልፀዋል።

ምንጭ፡- https://www.medicalnewstoday.com

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close