Connect with us

Ethiopia

የኢህአዴግ የመጨረሻ ጉባኤ…

Published

on

የኢህአዴግ የመጨረሻ ጉባኤ……

የኢህአዴግ የመጨረሻ ጉባኤ…… | ማዕረግ ጌታቸው በድሬቲዩብ

ኢህአዴግ መሽቶበታል፡፡ አቅሙ ክዶታል፡፡ ባልሞት ባይ ተጋዳይነት አለሁ ቢልም ዘላለማዊ ዕንቅልፉ ግን የሚቀርለት አይመስልም፡፡

የሜክሲኮውን ፒ አር አይ ፓርቲ አርያው አድርጎ ሰባ አመታትን እጓዛለሁ ብሎ የተነሳው ድርጅት ግማሽ መንገድ እንኳን ሳይጓዝ ሊፈርስ ከጫፍ ደርሷል፡፡ ገዥው ፓርቲ ውስጥ ያለው የርዕዮ ዓለም ልዩነት በማይታረቅ መንገድ የአደባባይ ሙግት ጀምሯል፡፡

ኦዲፒ በአብዮታዊ ዴሞክራሲ መማል ካቆመ ቆይቷል፡፡ ሊቀመንበሩ ዓብይ አህምድም (ዶ/ር) ከትናንት ጋር የተኳረፉት ለዚህ ይመስላል፡፡ ብአዴን የምመራበትን ርዕዮተ ዓለም ዳግም አጤነዋለሁ ብሎ ዛሬ መወያየቱን ጀምሯል፡፡ ከዚህ በአንጻሩ ህወሓት አብዮታዊ ዲሞክራሲን ብረሳ ቀኜ ትርሳኝ ብሎ ሙጥኝ ማለትን ወዷል፡፡ ደኢህዴን ሁለት ጎራ ይዞ የለየለት ፍልሚውን ቀጥሏ፡፡

የኢህአዴግ ዕህት ድርጅቶችን የተካረረ አቋም ለተመለከተ ሰው ኢህአዴግ በመፍረስ ጫፍ ላይ መሆኑን በውሉ ይረዳል፡፡ የኢትዮጵያ ህዝቦች አብዮታዊ ግንባር አንድ የፖለቲካ ፕሮግራም ያስተሳሰረው ድርጅት መሆኑ ይታወቃል፡፡ ይህ ፕሮግራም ሁሉንም ዕህት ድርጅቶች ለአንድ ዓላማ ያሰለፈ የህልውና መገለጫ ተደርጎ የሚቆጠር ነው፡፡

አብዮታዊ ዲሞክራሲ የሚል የዳቦ ስም ያለው ይህ የግንባሩ መሰሶ ከተናጋ ቤቱ መናዱ እንደማይቀር ዕሙን ነው፡፡ ለዚህ ደግሞ የድርጅቱ መተዳደሪያ ደንብ ትለቅ ምሰክር ነው፡፡

ኢህአዴግ በመተዳደሪያ ደንቡ ላይ “ኢህአዴግ የሚመራባቸው አጠቃላይ የአደረጃጀት መርሆዎች” በሚል ንዑስ ርዕስ ስር ” ኢህአዴግ ለአብዮታዊ ዴሞክራሲያዊ አላማ ተግባራዊነት የሚንቀሳቀስ ድርጅት ስለሆነ በአባልነት ሊቀበልና ሊያሰባስብ የሚችለው አብዮታዊ ዴሞክራሲያዊ አላማን በግልፅ በፕሮግራማቸው ላይ የቀረፁ ድርጅቶችን ብቻ ነው፡፡”ይላል፡፡ የገዥው ፓርቲ የአባልነት መሰፈርት የአብዮታዊ ዲሞክራሲ ፕሮግራምን ዓለማ ማድረግ ባቻ ሳይሆን በውሉ ለተግባራዊነቱ መረባረብን ይጠይቃል፡፡ ይህ የፓርቲው ምሰሶ ዛሬ እንደ ደመራ በአንድ አቅጣጫ ዘሟል፡፡ የሚጠበቀውም መቼና በየት በኩል ይወድቃል የሚለው ብቻ ነው፡፡

በየት በኩል ይወድቃል?

ኢህአዴግ በወረቅት ላይ ለጋስ ፓርቲ ከሚባሉት ተርታ የሚሰለፍ ነው፡፡ በዚህ ምክንያትም ማንም ዕህት ድርጅት ከኢህአዴግ አባላነት በፈለገው ጊዜ መውጣት እንደሚችል በመተዳደሪያ ደንቡ ላይ አስፍሯል፡፡ በድርጅቱ ህግ አንቀጽ 13/2 ሀ. “ማንኛውም የግንባሩ አባል የሆነ ድርጅት ለግንባሩ ምክር ቤት አሳውቆ በፈለገው ጊዜ ድርጅቱን መልቀቅ ይችላል፡፡” ይላል፡፡ ዛሬ ኢህአዴግ ቤት ያለው መፈራራት ማን ቀድሞ እንዲህ ያለውን ሀላፊነት ይወስዳል የሚለው ነው፡፡ ነገርየው ደመራው በየት በኩል ይወድቃል የሚልን ጉጉት ያጭራል፡፡  ከዚህ ከፍ ሲልም ከኢህአዴግ ቤት የወጣ ድርጅት ከማን ጋር ተጣምሮ መንግስት ሊመሰርትስ ይችላል የሚል ጥያቄም ያስከትላል፡፡

ብዙዎች ኢህአዴግ ከወደቀ የሚወደቀው በኦዴፒ አልያም በብአዴን በኩል ነው የሚል ሀሳብ ይሰነዝራሉ፡፡ ኢህአዴግ ከፈረሰ በኋላም በጥምረት መንግስት የመመስረት ያላቸው ክልል ተሸጋሪ አጀንዳ ያላቸው ፓርቲዎች እንሱ ናቸው ይላሉ፡፡ ይህ ግን ከፖለቲካ ካፒታል ጽንሰ ሀሳብ አንጻር ከተመለከትነው ትልቅ ስህተት የሚሆን ይመስለኛል፡፡ ሁለቱ ድርጅቶች የየአከባቢያቸውን ህዝብ ድጋፍ ለማግኘት የሚሄዱበት መንገድ ለየቅል ነው፡፡ የሁለቱ ክልል ፖለቲካ ልሂቃን የብሄርተኝነት አረዳዳም በሁለት ጫፍ ላይ የቆመ ነው፡፡

ሌበራሊዝም ርዕዮተ ዓለም ጥላ ሁኖ ያስተሳስራቸዋል የሚለው ግምትም ከብሄር ወደ መደብ ላልተሸጋገረ ህዝብ ፖለቲከኛ የሚያዋጣ አይደለም ፡፡ከዚህ አንጻር ሁለቱ ፓርቲዎች ከኢህአዴግ ቤት ከመውጣት በላይ አንድ ሊያደርጋቸው የሚችል የፖለቲካ ርዕዮትን የመንደፍ ከባድ የቤት ስራ ይጠብቃቸዋል፡፡

በእኔ ግምት የኢህአዴግን የዘንድሮውን ጉባዔ ለየት የሚያደርገው በዚህ አጣብቂኝ መኃል መገኘቱ ነው፡፡ ዛሬ ላይ ቢያንስ አንድ ነገርን በእርግጠኝነት መናገር የሚቻል ይመስለኛል፡፡ ኢህአዴግ በ2013 ዓ.ም የሚደረገው ጉባዔ እንደቀደመው ጊዜው አራት ዕህት ድርጅቶቹን ይዞ የሚካሄድ አይሆንም፡፡

ይህ ከዛሬ ነባራዊ ሁኔታ በመነሳት የሚደረግ የፖለቲካ አንድመታ ነው፡፡ ይህ የአንድምታ ፍካሬ ግን ብቸኛ አይደለም፡፡ የገዥው ፓርቲ አፈለኛ አመራር ከርዕተ- ዓለም በላይ የስልጣን ጥቅም ያስተሳሰረው ከሆነ ኢህአዴግ የጣር ድምጽ እያስማም ቢሆን ሊጓዝ ይችላል ፡እንዲህ ያለው መንገድ ግን የኢትዮጵያን ፖለቲካ በተቃዋሚዎች ብቻ ሳይሆን በኢህአዴግ ውስጥ ባለ አለመግባባትም ወደለየለት ምስቅልቅል ይወስደዋል፡፡ የሀገር ህለፈትንም ያስከትላል፡፡

** የቪዲዮ ዘገባዎችና መዝናኛዎችን ለማግኘት www.diretube.com ይጉብኙ
** የቴሌያዩ ኢትዮጵያን የተመለከቱ አለም አቀፋዊና ሀገራዊ ዜናዎችን ለእንግሊዘኛ ለማንበብ www.ethio.news ይጉብኙ

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close