Connect with us

Ethiopia

የቡራዩ ተፈናቃዮች ወደቀዬአቸው መመለስ ጀመሩ

Published

on

የቡራዩ ተፈናቃዮች ወደቀዬአቸው መመለስ ጀመሩ

በአዲስ አበባ ዙሪያ ባለው አዋሳኝ የኦሮሚያ ልዩ ዞን ቡራዩ ከተማ በአሁኑ ወቅት በተፈጠረው መረጋጋት በአዲስ አበባ ጊዜያዊ የመጠለያ ጣቢያዎች ተጠልለው ከነበሩ 15 ሺህ 86 ያህል ተፈናቃይ ዜጎች መካከል 1 ሺህ 786 ያህል ወደመጡበት የመኖሪያ ቀያቸው ተመለሱ።

አስተዳደሩ ከቀሩት 13 ሺህ 300 ተፈናቃዮች ዘጠኝ ሺህ ያህሉን ጊዜው የትምህርት ቤት መከፈቻ ወቅት ከመሆኑ አንጻር በመጪው ሰኞ እለትም መስከረም 14 ቀን 2011 አ.ም የትምህርት ቤቶች የ2011 ዓ.ም የትምህርት ዘመን የመጀመሪያ እለት በመሆኑ ከነበሩባቸው ዘጠኝ ትምህርት ቤቶች ተፈናቃዮችን ወደ ሌላ ቦታ ማሸጋሸግ በማስፈለጉ ይህንኑ ተግባር የከተማ አስተዳደሩ እያከናወነ ይገኛል ፡፡

የከተማ አስተዳደሩ ከመስከረም 5 ቀን 2011 ጀምሮ እስካሁን በስድስቱ ክፍለ ከተሞች ባሉት ሃያ ጊዜያዊ የመጠለያ ጣቢያዎች ላሉት 13ሺ 300 ያህል ተፈናቃዮች ከ20 ሚሊዮን ብር በላይ በሆነ ወጪ መሰረታዊ የሆኑ የምግብ ፣ ውሃ አልባሳትና መሰል እርዳታዎችንና የጤና አገልግሎትን በማቅረብ ላይ ይገኛል።

የከተማችን ነዋሪ እንደ ወትሮ ሁሉ ችግሩ ከደረሰበት ጊዜ ጀምሮ ከአስተዳደራችን ጎን በመቆም ለተፈናቃይ ወገኖች የዕለት እርዳታ በዓይነት ከማቅረብ ጀምሮ በማስተባበር እንዲሁም የስነ ልቦና መረጋጋት እንዲኖር ሰብዓዊና የሞራል ድጋፍ በማድረግ ላሳየሁ ወገናዊነትና ቅንነት የተሞላ ተግባር አስተዳደሩ በድጋሚ የላቀ ምስጋናውን ያቀርባል ፡፡

በአሁን ወቅት ህዝባችን ተፈናቃዮቹን በገንዘብ ለመደገፍ እያሳየ ያለው ፍላጎት እና ተነሳሽነት እየጨመረ በመምጣቱ የአዲስ አበባ ከተማ አስተዳደር ተፈናቃዮቹ በዘላቂነት የማቋቋም ሃላፊነት ካለበት የቡራዩ ከተማ አስተዳደር ጋር በጋራ የተወያየ ሲሆን በተደራጀ መንገድ ገቢ የሚሰባሰብበትን ይፋዊ አካውንት በመገናኛ ብዙሃን በኩል የቡራዩ ከተማ አስተዳደር እንደሚያሳውቅ ይጠበቃል ሲል የአዲስ አበባ ኮሙዩኒኬሽን ጉዳዮች ቢሮ አስታውቋል።

 

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close