Connect with us

Ethiopia

መሳሪያ ሊቀሙ ሲሉ

Published

on

መሳሪያ ሊቀሙ ሲሉ

መሳሪያ ሊቀሙ ሲሉ | በኪዳኔ መካሻ

አንድ ከለውጡ ጋር ያልተለወጠች የተለመደች ምክንያት እለች።

አንዳንድ ፖሊስ ወይም ፀጥታ አስከባሪ ሰበብ ፈልጎ እንክት አድርጎ ይደበድብህና ድንገት ለበላይ ካመለከትክ ወይም ከከሰስክ መሳሪያ ሊቀማኝ ሲል ነው ወይም በጉልበት ሊያመልጥ ሲል ነው ይልሀል። ምክንያቱም እርምጃው ተገቢ አለመሆኑን ያውቃል።

መስከረም 7 2010 ዓ.ም በቡራዮ እና ባካበቢው ነዋሪዎች ላይ የደረሰውን ጥቃት በመቃወም ከወጡ ሰላማዊ ሰልፈኞች መሀከል አምስቱ በፀጥታ ሀይሎች ተገድለዋል።

በጣም ያሳዝናል!? የፌደራል ፖሊስ ኮሚሽነር በሰጡት መግለጫ መሳሪያ ሊነጥቁ ሲሞክሩ ከሌሎች ፖሊሶች በተተኮስ ጥይት መገደላቸውን ገልፀዋል። ኮሚሽነሩ ግድያው በተፈፀመ በሰአታት ውስጥ እርግጠኛ ይህን የተናገሩት ።

የሕግ የበላይነትን ማስከበር የፖሊስ ስራ ቢሆንም የሚወስደው እርምጃ ግን የግድ አስፈላጊና ተመጣጣኝ መሆን አለበት።

በወቅቱ ፖሊስ እራሱ እንዳለው አንድ ተጠርጣሪ የእጅ ቦንብ ይዞ ከመገኘቱ በስተቀር የተገደሉት ሰልፈኞች የታጠቁ አይደሉም።

መሳሪያ ሊነጥቁ ሞከሩ እንኳን ቢባል የፀጥታ ሀይሉ መሳሪያ አቀባሎ በቁጥጥር ስር የማዋል፣ መሳሪያ በመተኮስ እንዲበተኑ በማድረግ፣ በጥይት አቁስሎ በመያዝ ሙከራቸውን ማክሸፍ ይችል ነበር።

ሁኔታው ከነዚህ ሁሉ በላይ መሆኑን የሚያሳይ ነገር በሌለበት ግን አምስት ያልታጠቁ ሰላማዊ ሰልፈኞች የፀጥታ አስከባሪ ጥይት በልቷቸዋል።

ያልታጠቀ ሰውን ድርጊት ለመከላከል መግደል አስፈላጊ ነበር ወይ? የተገደሉት ሰልፈኞች ሊያደርሱ ይችሉ ከነበረው በፖሊስ ተወገደ ከተባለው ሙከራቸው ጋር እርምጃው ተመጣጣኝ ነው ወይ?  የሚሉትን ነጥቦች ኮሚሽነሩ ባያነሱትም እኛ እና የሚመለከታቸው አካላት ልናነሳው ይገባል።

የሕግ የበላይነት ይከበር ብለን መወትወታችን እኮ ፖሊስ እንዳሻው ያድርግ ወይም የሚወስደውን እርምጃ ሕጋዊነትና ተመጣጣኝነት አንጠይቅ ማለታችን አይደለም?

በቡራዩ በተፈፀመው ጥቃት ላይ የክልሉ እና የከተማዋ ባለስልጣናት የፀጥታ ሀይሎች ተገቢውን የመከላከያ እርምጃ ለምን አልወሰዱም? የሰጡት ምክንያትስ በቂ ነው ወይ? የሚሉት ምክንያቶች በሚመለከተው አካል ተጣርተው ምላሽ ማግኘት እንዳለባቸው ሁሉ ፖሊስ የወሰደው እርምጃ ሕጋዊነም መፈተሽ አለበት።

ኮሚሽነርም በተሰጣቸው መግለጫ መሰረት ጥፋቱን የሰልፈኞቹ አድርገው ከሚደመድሙ እርምጃው መወሰዱን ገልፀው ተገቢ እና ተመጣጣኝ እርምጃ ነበር ወይ የሚለውን እምናጣራው ይሆናል ቢሉን አግባብ ነበር።

ፖሊስ እና የፀጥታ አካላት እኮ የቆሙት የራሳቸውን የሞቱትን ሰልፈኞችን ደህንነትም ጭምር ለማስጠበቅ ነበር።

ምክንያቱም የሕግ የበላይነትና ጥበቃ እራሱን የሕግ አስከባሪውንም ይመለከታል።

** የቪዲዮ ዘገባዎችና መዝናኛዎችን ለማግኘት www.diretube.com ይጉብኙ
** የቴሌያዩ ኢትዮጵያን የተመለከቱ አለም አቀፋዊና ሀገራዊ ዜናዎችን ለእንግሊዘኛ ለማንበብ www.ethio.news

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close