Connect with us

Ethiopia

በአዲስ አበባው ግጭት ከ200 በላይ ቅጥረኞች ተያዙ

Published

on

በአዲስ አበባው ግጭት ከ200 በላይ ቅጥረኞች ተያዙ

ባለፉት ሁለት ቀናት በአዲስ አበባ ከኦነግ አመራሮች አቀባበል ጋር ተያይዞ ግጭት ለመቀስቀስ የተከፈላቸው ከ200 በላይ ቅጥረኞቹ መያዛቸውን አቶ ታዬ ደንደአ የፌደራል ጠቅላይ ዐቃቤ ሕግ የሕዝብ ግንኙነት ኃላፊ በፌስቡክ ገጻቸው አስታወቁ።

እነዚህ በፖሊስ ቁጥጥር ስር የዋሉ ተጠርጣሪዎች ለያንዳንዳቸዉ 5000 ብር ተከፍሏቸዉ የተሰማሩ መሆናቸዉ መረጋገጡን ጠቅሰዋል።

ፕሮጀክቱ ኦሮማራን ለማፍረስ የታቀደ እንደሆነ ግልፅ ሆኗል። ሁለቱን ታላላቅ ብሔሮች በማጋጨት ኢትዮጵያን ለማተራመስ አስበዉ ነዉ ብለዋል።

ምርመራዉ አሁንም መቀጠሉን የጠቀሱት አቶ ታዬ የደረሰዉ ጉዳት ሁሉ ድንጋይ የወረወረዉ ብቻ ሳይሆን ያስወረወረዉ ሙሉ ኃላፊነቱን እንደሚወስድ ጠቁመዋል።

ለኦነግ አባላትና አመራር በአዲስ አበባ የተዘጋጀው የአቀባበል ስነስርዓት ያለአንዳች ችግር በሰላም ተጠናቋል – የፌደራል ፖሊስ

ለኦነግ አባላትና አመራር በአዲስ አበባ የተዘጋጀው የአቀባበል ስነስርዓት ያለአንዳች ችግር መጠናቀቁን የፌደራል ፖሊስ ኮሚሽን ኮሚሽነር ጀነራል ዘይኑ ጀማል አስታወቁ።

ኮሚሸነሩ ከፋና ብሮድካስቲንግ ኮርፖሬት ጋር ባደረጉት ቆይታ በአቀባበል ስነስርዓቱ ላይ የአዲስ አበባ ፖሊስ፣ የሀገር መከላከያ፣ የኦሮሚያ ፖሊስ፣ የፌደራል ፖሊስ እና ደህንነት የተጠናከረ ጥበቃ ሲያደርጉ መቆየታቸውንም አንስተዋል።

በአቀባበል ስነስርቱ ላይ ከአራት ሚሊየን በላይ ህዝብ የተገኘ ሲሆን፥ የህዝቡን ሰላም በጠበቀ መልኩ በሰላም መጠናቀቁን ገልጸዋል።

በአቀባበል ስነስርዓቱ ላይ የተገኙ ወጣቶችም ከፖሊስ ጋር ትብብር ሲያደርጉ መቆየታቸውን ያነሱት ኮሚሽነር ጀነራል ዘይኑ ጸጥታውን ለማስከበርም በጋር ሲፈትሹ እንደነበረም ጠቅሰዋል።

በዚህም ቄሮዎችን ያመሰገኑ ሲሆን፥ ለሌሎችም አርአያ የሚሆን ተግባር መፈጸማቸውን ጠቅሰዋል።

የአዲስ አበባ ወጣትም የአቀባበል ስነስርዓቱ መጠናቀቅን ተከትሎ ወደ ተለያዩ አካባቢዎች የሚመለሱ ወጣቶችን ምግብና ውሃ በማዘጋጀት ግብዣ ሲያካሂድ እንደነበረ ገልጸዋል።

ኮሚሽነሩ ይህ አንድነትን ይበልጥ የሚያጠናክርና ለሀገሪቱም ትልቅ ተስፋ መሆኑን አንስተዋል።

አንዳንድ ቦታዎች ላይ “ወጣት ነን” የሚሉ ግለሰቦች ድንጋይ የመወርወር አዝማሚያ ማሳየታቸውን የጠቀሱ ሲሆን፥ ፖሊስም በቁጥጥር ስር እንዳዋላቸው ተናግረዋል።

በተመሳሳይ በአዲስ አበባ ዙሪያ በቄሮ ስም የሚነግዱ ቄሮ ያልሆኑ ከአቀባበል ስነ ስርዓቱ ጋር ምንም ግንኙነት የሌላቸው ግለሰቦች ዝርፊያና ግድያ መፈጸማቸውን አንስተዋል።

በዚህም ፌደራል ፖሊስ፣ የኦሮሚያ ፖሊስ እና የሀገር መከላከያ ወደ አካባቢው በመሄድ ግለሰቦቹን በቁጥጥር ስር እያዋለ ይገኛል ብለዋል።

በጥቅሉ አቀባበሉ ኢትዮጵያዊ ጨዋነት የታየበት ጥሩ መንፈስ የነፈሰበት ህዝቡ እንግዶቹን ተቀብሎ በሰላም እንዲጠናቀቅ ያደረገበት ነው ብለዋል።

የአቀባበል ስነስርዓቱ በሰላም መጠናቀቅ ህዝቡ ላደረገው ትብብር፣ ለቄሮ እና ለአዲስ አበባ ህዝብ ምስጋና አቅርበዋል።

በአቀባበል ስነስርዓቱ ላይ የነበሩ ቄሮዎች ባሳዩት ትብብር ፖሊስ መኩራቱን ገልጸው በቀጣይም ፖሊስ ጋር በመሆን እጅና ጓንት ሆነው እንደሚሰሩ እምነታቸውን ገልፀዋል።

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close