Connect with us

Ethiopia

ኦህዴድ እና ብአዴን የስም ለውጥ ሊያደርጉ ነው

Published

on

ኦህዴድ እና ብአዴን የስም ለውጥ ሊያደርጉ ነው

የኦህዴድ ዘጠነኛ ድርጅታዊ ጉባዔ “የላቀ ሀሳብ ለበለጠ ድል” በሚል መሪ ቃል ከመስከረም 8 እስከ 10/2011 በጅማ ከተማ ይካሄዳል። ብአዴንም ጉባኤውን በተቀራራቢ ጊዜ እንደሚያደርግ ታውቋል።

የፓርቲዉ ያለፉት ሶስት ዓመታት የድርጅት እና የፖለቲካ ስራዎች የዕቅድ አፈፃፀም ሪፖርት፣ የኦዲት እና ቁጥጥር ኮሚሽን ሪፖርት፣ የፓርቲዉ ቀጣይ ስትራቴጂክ አቅጣጫዎች ቀርበዉ ዉይይት ተደርጎባችዉ እንድሚፀድቁ ይጠበቃል።

ፓርቲዉ በዚህ ጉባዔ ኦህዴድ አዲስ ስያሜ፣አርማ እና መዝሙር ለውጥ ያደርጋል ተብሎ ይጠበቃል።

በጉባዔዉ የመክፈቻ ስነስርዓት ከ6 ሺህ በላይ ተሳታፊዎች በተገኙበት በደማቅ ስነ ስርአት ይከፈታል። በጉባዔዉ ላይ 1070 ተሳታፊዎች በድምፅ 275 ሰዎች ደግሞ በታዛቢነት ይሳተፋሉ።

የጉባኤዉ መክፈቻ ስነ ስርዓት በኦቢኤን በቀጥታ ስርጭት ይተላለፋል።

በጉባኤዉ በርካታ አዳዲስ ወጣት ምሁራን በማዕከላዊ ኮሚቴ አመራርነት ይመረጣሉ ተብሎ እንደሚጠበቅ አቶ አዲሱ አረጋ በፌስቡክ ገጻቸው ጠቁመዋል።

በተያያዘ ዜና ብሄረ አማራ ዴሞክራሲያዊ ንቅናቄ (ብአዴን) በቅርቡ በሚያካሂደው 12ኛ ድርጅታዊ ጉባኤው ስሙንና አርማውን ለመቀየር እንደሚነጋገር ታውቋል።

ህወሓት እና ደኢህዴን በዚህ ወር በሚያካሂዱት ድርጅታዊ ጉባዔ የስም ለውጥ ስለማድረግ፣ አለማድረጋቸው እስካሁን በይፋ የታወቀ ነገር የለም።

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close