Connect with us

Ethiopia

የሰሜን ዕዝ የማስጠንቀቂያ መልዕክት

Published

on

የሰሜን ዕዝ የማስጠንቀቂያ መልዕክት

የሰሜን ዕዝ የማስጠንቀቂያ መልዕክት | በኃይሉ ሚዴቅሳ ፍስሃጽዮን

ሰሞኑን የአዲስ ዓመትን መግባት ተከትሎ በሰሜን ዕዝ የተዘጋጀ መሰናዶ ነበር፡፡በበዓሉ ላይ ፕሬዚዳንት ሙላቱና የሰራቂቱ የቐድሞ አዛዦች ተገኝተው ነበር፡፡ በዕለቱ የዕዙ አዛዥ ሜጀር ጀኔራል ጌታቸው ጉዲና ያስተላለፉት መልዕክት ጠንከር ያለ ነበር፡፡ እርሳቸው እንዳሉት ክልሎች ሠራዊታቸውን (ልዩ ኃይላቸውን) ለውጊያ እያዘጋጁ ነው፡፡ ጀኔራሉ እንዳሉት ክልሎች ለጦርነት፣ ሕዝብን ለማጋጨት እየተዘጋጁ ነው፡፡የትኞቹ ክልሎች እንደሆኑ ግን አላብራሩም፡፡ በደፈናው ጠቃቅሰውት ነው ያለፉት፡፡

በአጎራባች ክልሎች ለግጭት የሚሆኑ እንቅስቃሴዎች እየታዩ መሆኑን የጠቀሱት ጀኔራሉ ጉዳዩን በሕዝቦች ደህንነት ላይ የተደቀነ አደጋ ሲሉ ገልጸውታል፡፡

‹‹የክልል የጸጥታ ተቋማት አሁን አሁን ለጋራ ደህንነትና ሰላም ከመትጋት ይልቅ፣ለሌላ ተግባርና ዓላማ የመዘጋጀት ምልክቶች ይታያሉ፡፡ሁሉም ባላድርሻ አካላት እነዚህ ተቋማት ለተቋቋሙበት ዓላማና ግብ እንዲዘጋጁ ማድረግ ያስፈልጋል፡፡›› ነው የሚለው የጁነራሉ መልዕክት ቃል-በቃል ሲጠቀስ፡፡

የጄኔራሉ ጠንካራ መልዕክት ቀጥሎ እንዲህ ይላል፤ ‹‹በአሁኑ ወቅት በአጎራባች ክልሎች ወሰን አካባቢ የታጠቀ ኃይል የማሰባሰብ ዝግጅት የማድረግ እንቅስቃሴዎች ይታያሉ፡፡ ይህ በሕዝቦች ደህንነት ላይ የተደቀነ አደጋ በመሆኑ የፌደራልና የክልል መንግሥታት ልዩ ትኩረት በመስጠት፣ በሰው ሕይወትና ንብረት ላይ አደጋ እንዳይደርስ የቅድመ መከለከል ሥራ መሥራት ያስፈልጋል፡፡››

በዕውነቱ ይህ አደገኛ ነው፡፡ ጉዳዩ የተነገረው በሰሜን ዕዝ በኩል ነው፡፡ ለወትሮው ይህ እዝ አደጋና ሥጋት እንዳለበት የሚገለጸው ከኤርትራ ነበር፡፡አሁን ግን ነገር ተቀይሮ፣ የዕዙ አደጋ ጭራሽ የሀገር ውስጥ የመንግሥት ታጣቂዎች ሆኑ፡፡ ይህ ጉዳይ በርግጥ የሚገባውን ያህል ሽፋን አግኝቶ መወያያ አልሆነም፡፡ የትኛው ክልል ነው የሁለት ክልሎችን ሕዝብ ደህንነት አደጋ ላይ ለመጣል እያስታጠቀ ያለው፣ ይህንን ለማድረግስ ምክንያቱ ምንድን ነው፣ በጉዳዩ ላይ ለምን ክልሎች ምላሽ ሳይሰጡ ቀሩ፣ ይህንን ጉዳይ የፌደራል መንግሥቱ የሚፈታው እንዴት ባለ አሰራር ነው፣ በሀገሪቱ የውስጥ ሰላም ላይ ተጋርጧል የተባለውን ይህንን አደጋ ማን መፍታት አለበት፣ ወዘተ የሚሉትን ዕልፍ ጥያቄዎች የሚመልስ አካል መኖር አለበት፡፡

በእውነቱ ይህ አደገኛ ነው፡፡ የክልሎች ጦር ያለ አቅሙና ከሕግ በላይ ትጥቅ የታጠቀ ነው፣ ይህን ተዋልዶና ተዋድዶ የኖረ ሕዝብ ለአደጋ የሚጥል፣ አጋጣሚ ሊከሰት ይችላል የሚለው ነባር ምክር ጆሮ አጥቶ አሁን የተፈራው እየደረሰ ይመስላል፡፡ ይህንን ትንኮሳ ለመፈጸም ጦር እያሰባሰበ ያለ ክልል ከወዲሁ ለሕዝብ ይፋ ሆኖ መወገዝም ይኖርበታል፡፡

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close