Connect with us

Lifestyle

‹‹መልአክት ያወጧቸው ስሞች››

Published

on

መልአክት ያወጧቸው ስሞች

‹‹መልአክት ያወጧቸው ስሞች›› | አሳዬ ደርቤ በድሬቲዩብ

የአንዳንዱን ሰው ስም መላዕክት ያወጡታል፡፡
ገንዘብ የሚረታውን ‹‹ንዋይ›› ይሉታል፡፡

ለያዘው አቋም እስከ መጨረሻው ድረስ በጽናት የሚፋለመውን ‹‹ታማኝ›› ይሉታል፡፡

ራሱን እየሰዋ ጨለማ ውስጥ ላለ ህዝብ ንጋትን ለማምጣት የሚባትለውን ‹‹ብርሐኑ›› ይሉታል፡፡ ‹‹ዶክተር›› የሚል ይጨመርበት፡፡

በብሔሩና በዓላማው ምክንያት ከባድ የእስራት ጊዜን አሳልፎ ነጻ ሲወጣ የታሰረበትን ዓላማ በማቀንቀን ፈንታ ለሁሉም የሚስማማውን ሃሳብ የሚያመጣውን ‹‹አንዳርጋቸው›› ይሉታል፡፡

ከእዚች ምድር ላይ ይወገድ ዘንዳ ‹‹ሰርዙት›› ተብለው የተላኩትን ወታደሮች ረፍርፎ የሚፎክረውን… ‹‹ደመቀ›› በማለት ስም ያወጡለታል፡፡ ‹ኮሎኔል› የሚል ማዕረግ ጨምሩበት፡፡

ይሄን ብለን ወደ ዋናው ርዕሳችን ስንመጣ፡-

ለባለፉት ዓመታት ለሚወዱት ህዝባቸውና ለአገራቸው ብዙ ፍዳና መከራ ያሳለፉ ሰዎችን አፈራርቀናል፡፡ ስለዚህም ከሰፊው ህዝብ ልብ ውስጥ መግባት የቻሉ በርካታ ጀግኖችን አይተናል፡፡ ሆኖም ግን ከአስቸጋሪው ልባችን ውስጥ መግባት የቻሉ ብዙዎች ቢሆኑም መሰንበት የቻሉ ግን ጥቂቶች ናቸው፡፡

አንዳንዶቹ ‹‹በተባ አንደበታቸው›› ከአንጀታችን ውስጥ ገብተው ሲያበቁ በአንድ አፍ ሁለት አይነት ምላስ በመያዛቸው ሳቢያ ‹‹አክ እንትፍ›› ሊባሉ ችለዋል፡፡ (ልክ እንደ ልደቱ አያሌው!)

አንዳንዶቹ ለህዝብ ነጻነት የጀመሩትን ትግል በገንዘብ በመለወጣቸው የተነሳ ተወዳጅነትን ባገኙበት ሜዳ ላይ ተጠይነትን አትርፈው ተገልለዋል፡፡ (ልክ እንደ ሰሎሞን ተካና ንዋይ ደበበ!)

አንዳንዶቹ በአጭር ጊዜ ውስጥ ግዙፍ ተቀባይነትን አግኝተው ሲያበቁ የሚመሩትን ፓርቲ አሸናፊ በማድረግ ፈንታ ለስልጣን ሽሚያ ሲሽቀዳደሙ በመታየታቸው…. በተሞገሱበት አፋችን ‹‹ዓይናችሁን ለአፈር›› ተብለው ተሰናብተዋል፡፡ (ልክ እንደ ይልቃል ጌትነት!)

ጥቂቶች ግን ለህዝባቸው ነጻነት የጀመሩት ትግል ውስጥ የግል ፍላጎታቸውን፣ የአገር ናፍቆታቸውን፣ የቤተሰብ ጊዜያቸውን፣ አጭር የህይወት ዘመናቸውን፣ ወዘተረፈ በመግደል እስከ መጨረሻው ድረስ በጽናት መሰንበት ችለዋል፡፡ ልክ እንደ ታማኝ በየነ!
ታዲያ ለዚህ ጀግና እንዲህ ብንገጥምለት ምን ይለናል?

ያው እንደምታውቀው ለእኛ ‹ጀግና› ማለት
‹‹ለዘር ሲወግኑ- በሌላው መጠላት››
ነበረ ትርጉሙ የታላቅ ሰውነት፡፡
ታማኝ ግን በአቋሙ በእምነቱ ላይ ጸንቶ
ጀግና የተባለ..
ቁናውን ቀዳዶ- ሚዛኑን አዛብቶ፡፡
እኛ ቀዝቀዝ ስንል አብሮ ሳይሳነፍ
እኛ ስንታጠፍ አብሮን ሳይታጠፍ
ታማኝ የከበረ…
ባሰመረው መንገድ- ቀጥ ብሎ በማለፍ፡፡
ይሄ ነው ‹ሰው› ማለት- እንዲህ ነው ጉብዝና
ለሚያምኑበት መኖር…
ሳይመኙ ስልጣን- ሳይፈልጉ ዝና፡፡
በጎጥና በዘር የተቧደነ ህዝብ
ጀግኖቹን ተብትቦ- በቀላዱ ሲስብ
እሱ ግን በጽናት…
ከጎጥ ልባችን ውስጥ- ተሹሞ ሲገባ፤
ተጎናጽፎ ነበር…
በመይሳው በርኖስ፣ በምኒልክ ካባ፡፡

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close