Connect with us

News

ጠቅላይ ሚኒስትር ዶክተር አብይ አህመድ ከፕሬዚዳንት ፖል ካጋሜ ጋር ተወያዩ

Published

on

ፕሬዚዳንት ፖል ካጋሜ

ለቻይና አፍሪካ ፎረም ቤጂንግ የገቡት የኢፌዴሪ ጠቅላይ ሚኒስትር ዶክተር አብይ አህመድ ከፎረሙ ቀደም ብሎ ከሩዋንዳው ፕሬዚዳንት ፖል ካጋሜ ጋር ተገናኝተዋል። መሪዎቹ በነበራቸው ቆይታም በሁለትዮሽ ጉዳዮች እና በሌሎች አህጉራዊ አጀንዳዎች ላይ መክረዋል።

ጠቅላይ ሚኒስትር ዶክተር አብይ አህመድ ከፕሬዚዳንት ፖል ካጋሜ ጋር ያደረጉትን ቆይታ አስመልክቶ ለፋና ቴሌቪዥን እንደተናገሩት፥ በተለያዩ ጉዳቶች ላይ ጠቃሚ ውይይቶችን ተደርገዋል።

“እኛ የኢጋድ ሊቀመንበር እንደመሆናችን፤ ፕሬዚዳንት ፖል ካጋሜም የአፍሪካ ህብረት ሊቀመንበር እንደመሆናቸው በአፍሪካ ቻይና ጉባዔ ላይ የአፍሪካን ጥቅም እንዴት ማስጠበቅ ይቻላል የሚለው ላይ መክረናል” ብለዋል ጠቅላይ ሚኒስትር ዶክተር አብይ።

እንዲሁም “በምን ጉዳዮች ላይ ማተኮር ኦለብን፤ የአፍሪካን ጥቅም የምናስከብረው በምን ጉዳዮች ላይ ብናተኩር ነው” በሚለው ላይም ተነጋግረናል ነው ያሉት ጠቅላይ ሚኒስትር ዶክተር አብይ።በቀጣይ ሳምንት በሩዋንዳ የሚካሄደውን አህጉራዊ ሁሉን አቀፍ የግብርና ልማት ፕሮግራምን በተመከለተም ጠቅላይ ሚኒስትር ዶክተር አብይ፥ ስብሰባው ለእኛ በጣም ጠቃሚ ነው ብለዋል።

ቀደም ብለን በጉዳዩ ላይ ስንመክርበት ነበር፤ የእኛ ሚኒስትሮችም በስብሰባው ላይ ይሰተፋሉ ሲሉም ተናግረዋል። በስብሰባው ላይ እንዴት የአፍሪካን የተፈጥሮ ሀብት በማቀናጀት አለብን የሚለው ላይ ትኩረት አድርጎ ውይይት እንደሚደረግም አንስተዋል።

የሩዋንዳው ፕሬዚዳንት ፖል ካጋሜም ከፋና ቴሌቪዥን ጋር ባደረጉት ቆይታ፥ ሩዋንዳ በግብርናው አርፍ ስኬታማ መሆን በቻለችባቸውን መንገዶች አብራርተዋል። በዚህም ሩዋንዳ በዘርፉ ስኬታማ መሆን የቻለችው መንግስት እና ህዝብ በአንድነት ተባብረው መስራት በመቻላቸው ነው ብለዋል ፕሬዚዳንት ካጋሜ።

በቀጣዩ ሳምንት በሀገሪቱ በሚደረገው ስብሰባም ሩዋንዳ በዘርፉ ያላትን ልምድ ለዓለም ሀገራት ታካፍላለች ያሉ ሲሆን፥ ስብሰባውን ለማካሄድም ቅድመ ዝግጅት ማጠናቀቋን ነው የተናገሩት።

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close