Connect with us

Ethiopia

የጠቅላይ ዐቃቤ ሕግ በኢንጅነር ስመኘው ሞት ነገ ሊሰጥ የነበረውን መግለጫ አራዘመ

Published

on

የጠቅላይ ዐቃቤ ሕግ በኢንጅነር ስመኘው ሞት ነገ ሊሰጥ የነበረውን መግለጫ አራዘመ

ሰኔ 16 ቀን ጠ/ሚ አብይ አሕመድ ድጋፍ ለመግለጽ በመስቀል አደባባይ በተጠራ ሰልፍ ላይ የደረሰው ስለተፈጸመው የቦምብ ጥቃት እና የህዳሴ ግድብ ዋና ሥራአስኪያጅ የነበሩት ኢንጅነር ስመኘው በቀለ ሞት አስመልክቶ የፌዴራል ዐቃቤ ሕግ በነገው ዕለት መግለጫ ለመስጠት የያዘውን ቀጠሮ ለጻጉሜ 1 ቀን 2010 ዓ.ም አራዘመ፡፡

በተለይ የሰኔ 16ቱ ጥቃት ከተፈጸመ በኋላ ጉዳዩ ተጣርቶ በአስቸኳይ ለሕዝብ እንደሚገለጽ ጠ/ሚ ዐብይ ለሕዝብ በገቡት ቃል መሠረት የውጭ አገር መርማሪዎች ጭምር የተሳተፉበት የወንጀል ምርመራ ሲካሄድ ቆይቷል፡፡

ሆኖም እስካሁን ድርጊቱን ሲፈጽሙ እጅ ከፍንጅ የተያዙና ኃላፊነታቸው በአግባቡ ባለመወጣታቸው የተጠረጠሩ ግለሰቦች በስተቀር ከጉዳዩ ጀርባ ሊኖሩ ይችላሉ የተባሉ ወገኖች ያካተተ አለመሆኑ ለመረዳት ተችሏል፡፡

ጠቅላይ ዐቃቤ ህግ ከጉዳዩ ጀርባ ይኖራሉ ተብሎ የሚገመቱ ሴራ ጠንሳሾች፣ በገንዘብ የደገፉ ኃይሎች ለምን እንዳልተያዙ ማብራሪያ ሊሰጥ ይችላል ተብሎ ተገምቶ ነበር፡፡ ሆኖም ግልጽ ባልሆነ ምክንያት መግለጫ መስጫ ቀኑ በአንድ ሳምንት ተራዝሟል፡፡

በተጨማሪም ሐምሌ 19 ቀን 2010 ዓ.ም በአደባባይ በመኪናቸው ውስጥ ሞተው የተገኙት ኢንጅነር ስመኘው በቀለ አሟሟት ሁኔታ ጠቅላይ ቨቃቤ ሕጉ አዲስ መረጃ ይሰጣል ተብሎ ይገመታል፡፡

ከኢንጅነሩ ሞት ጋር በተያያዘ እስካሁን የተጠየቀ ሰው አለመኖሩ ምናልባት ራሳቸውን አጥፍተው ሊሆን ይችላል የሚለውን የአንዳንድ ወገኖች ግምት የሚያጠናክር ሆኗል፡፡

የፌዴራል ጠቅላይ ዐቃቤ ሕግ ሐሙስ ጻጉሜ 1 ቀን 2010 በሚሰጠው መግለጫ ስለሁለቱ ከባድ ወንጀሎች በእጁ የሚገኙ መረጃዎችን ለህዝብ ይፋ ያደርጋል ተብሎ ይጠበቃል፡፡

** የቪዲዮ ዘገባዎችና መዝናኛዎችን ለማግኘት www.diretube.com ይጉብኙ
** የቴሌያዩ ኢትዮጵያን የተመለከቱ አለም አቀፋዊና ሀገራዊ ዜናዎችን ለእንግሊዘኛ ለማንበብ www.ethio.news

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close