Connect with us

News

ጠ/ሚ ዶ/ር አብይ አህመድ ነፃ የትምህርት እድል አግኝተው ወደ ቻይና የሚሄዱ ኢትዮጵያውያን አሸኛኘት አደረጉ

Published

on

ቻይና

ጠቅላይ ሚኒስትር ዶ/ር አብይ አህመድ በቻይና የነጻ ትምህርት ዕድል /ስኮላርሺፕ/ ላገኙ ሰልጣኞች ሽኝት አድርገውላቸዋል:: በሸራተን በተከናወነው የአሸኛኘት ስነ ስርዓት ላይ ጠቅላይ ሚኒስትር ዶክተር ዐቢይ አህመድ ለትምህርት እድል ወደ ቻይና የሚሄዱ ተማሪዎችን የአገሪቷን ብልጽግና ተሞክሮ ይዘው እንዲመለሱ አሳስበዋል::

ነጻ የትምህርት እድል /ስኮላርሺፕ/ ያገኙ ተማሪዎች ሁሉ ትኩረታቸውብ ኢትዮጵያን በሚጠቅሙ ጉዳዮች ላይ እንዲያደርጉም አሳስበዋል፡፡ የትምህርት እድሉ ተጠቃሚ የሆኑ ተማሪዎች ከቻይና ብልጽግና ምስጢሮችን ለአገራቸው ተሞክሮ የሚሆን ይዘው እንዲመለሱ አሳስበዋል።

ነፃ የትምህርት እድል ያገኙትም 50 የሁለተኛ እና የሶስተኛ (ዶክትሬት) ዲግሪ፣ 100 የመጀመሪያ ዲግሪ፣ 100 አጫጭር ጊዜ ሰልጣኞች (50 ከዓመቱ የወርቅ ሜዳሊያ ተመራቂዎች እና አርቲስቶች) ተማሪዎች ናቸው።

በቀጣይም ቻይና የትምህርት እድሉን ከዚህ በላይ እንድታሳድግ ጠይቀዋል። የቻይና መንግስት ለኢትዮጵያዊያን ተማሪዎች ነጻ የትምህርት እድሉን በመስጠቱ በኢትዮጵያ የቻይና አምባሳደር ታን ጂያን በኩል ምስጋና አስተላልፈዋል፡፡

በኢትየጵያ የቻይና አምባሳደር ሚስተር ታን ጂያን በበኩላቸው አገራቸውና ኢትዮጵያ ያላቸው ዘርፈ ብዙ አጋርነት ተጠናክሮ እንደሚቀጥል አረጋግጠዋል። የቻይና መንግስት ከ1ሺ በላይ ለሚሆኑ ኢትዮጵያዊያን በመጀመሪያ ድግሪ፣ በማስተርስ፣ በሶስተኛ ድግሪ እና በአጫጭር ስልጠናዎች የትምህርት እድል እንደ ሰጠ ተነግሯል።

ቻይና ከ6ሺህ በላይ ለሚሆኑ ኢትዮጵያዊያን የአጭርና የረጅም ጊዜ የትምህርት እድል እንደሰጠች ተገልጿል።

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close