Connect with us

Business

ሀገራቸውን ከራሳቸው በላይ የሚወዱ ዲፕሎማቶች ያስፈልጋሉ- ዶ/ር ወርቅነህ ገበየሁ

Published

on

ሀገራቸውን ከራሳቸው በላይ የሚወዱ ዲፕሎማቶች ያስፈልጋሉ- ዶ/ር ወርቅነህ ገበየሁ

የኢ.ፌ.ዲሪ የውጭ ጉዳይ ሚኒስትር ዶ/ር ወርቅነህ ገበየሁ ፣ በሆለታ ገነት በሚገኘው ሜጀር ጀኔራል ሀይሎም አርአያ ወታደራዊ ማሰልጠኛ ማዕከል ውስጥ ለአንድ ወር ያህል ወታደራዊ ስልጠና የወሰዱትን 4ኛ ዙር ሰልጣኝ ዲፕሎማቶች በቦታው ተገኝተው መርቀዋል፡፡

ክቡር ሚኒስትሩ ፣ በውጭ ጉዳይ ሚኒስቴር የ110 ዓመት ታሪክ ውስጥ ዲፕሎማቶች ወታደራዊ ስልጠና ሲወስዱ ይህ ለመጀመሪያ ጊዜ መሆኑን ተናግረዋል፡፡

ክቡር ሚኒስትሩ ያለንበት ጊዜ ሀገራቸውን የሚወዱ፣ንቁና ትጉህ፣ በዲሲፕሊን የታነፁ፣ ተለዋዋጭ የሆነውን የአካባቢያችንና የአለምአቀፍ ዲፕሎማሲያዊ ሁኔታ በጥልቀት የሚረዱ ዲፕሎማቶች ለሀገራችን የሚያስፈልግበት ጊዜ ነው ብለዋል፡፡

ሰልጣኝ ዲፕሎማቶቹ ኢትዮጵያ በቀጠናውና በአፍሪካ ያላትን ተሰሚነት ለማሳደግና ለማስቀጠል ከባድ ኃላፊነት ይጠብቃቸዋል ሲሉ ተናግረዋል፡፡

ሰልጣኝ ዲፕሎማቶቹ ስልጠናውን በከፍተኛ ሞራልና ወኔ በማጠናቀቃቸው በዶ/ር ወርቅነህ ገበየሁ የእውቅና የምስክር ወረቀት ተበርክቶላቸዋል ፡፡

አክለውም ለስልጠናው መሳካት ላደረጉት ጉልህ ሚና የውጭ ግንኙነት አገልግሎት ተቋም የስራ ኃላፊዎችን እንዲሁም የወታደራዊ ማሰልጠኛ ተቋሙ ኃላፊዎችን አመስግነዋል፡፡

የወታደራዊ ማሰልጠኛ ማዕከሉ ዋና ኃላፊ ብ/ጄኔራል ክንዱ ገዙ በበኩላቸው ሰልጣኞቹ ስለ ወታደራዊ ጨዋነት፣ ወታደራዊ ስነልቦና፣ ተቋማዊ ባህል እና የጦርነት መሰረተ ሀሳብ የንድፈ ሀሳብ ስልጠና መውሰዳቸውን ገልጸዋል፡፡

ብ/ጀኔራሉ ሰልጣኝ ዲፕሎማቶቹ የአካል ብቃት እንቅስቃሴዎች፣ የሰልፍ መስመር፣ የቀላል መሳሪያዎች ባህርያት፣ የሰዓት አጠቃቀም እና ተያያዥ ጉዳዮች ላይ የመስክ ስልጠና ወስደው በአጥጋቢ ውጤት አጠናቅቀዋል ብለዋል፡፡

ወታደራዊ ማሰልጠኛ ማዕከሉ ከውጭ ጉዳይ ሚኒስቴር ጋር በትብብር ለመስራት ዝግጁ መሆኑን ብ/ጄኔራሉ ተናግረዋል፡፡

ከሀምሌ 15 ቀን ጀምሮ ስልጠናውን ወስደው በስኬት ያጠናቀቁት ሰልጣኝ ዲፕሎማቶች 89 ሲሆኑ ከእነዚህም ውስጥ 34ቱ ሴቶች ናቸው፡፡

የውጭ ጉዳይ ሚኒስቴር
ቃል አቀባይ ጽ/ቤት
ነሐሴ 14 ቀን 2010 ዓ.ም.

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close