Connect with us

Health

62 በመቶ የሚሆኑ ጥንዶች አልጋ በመጋራታቸው ምክንያት እንቅልፋቸው እንደሚዛባ አንድ ጥናት አሳየ

FanaBC

Published

on

62 በመቶ የሚሆኑ ጥንዶች አልጋ በመጋራታቸው ምክንያት እንቅልፋቸው እንደሚዛባ አንድ ጥናት አሳየ

በዩናይትድ ስቴትስ የተደገ አንድ ጥናት እንዳሳየው ከሆነ በአንድ ጣሪያ ውስጥ የሚኖሩ ጥንዶች አንድ አልጋ በመጋራታቸው ምክንያት እንቅልፍ እንደሚዛባባቸው ተናግረዋል፡፡

በጥናቱ ከተካተቱት 52 በመቶ ጥንዶች በተለያየ አልጋ ላይ መተኛታቸው ጤናማ ነው ብለው ያምናሉ ብሏል፡፡

በዚህ ጥናት ላይ 1016 ሰዎች የተካተቱ ሲሆን 62 በመቶዎቹ በተለያየ አልጋ ላይ መተኛትን እንደሚመርጡ ጥናቱ አሳይቷል፡፡

በአንድ ጣሪያ ውስጥ ኑሮዋቸውን ያልመሰረቱ ጥንዶች ደግሞ አንድ ላይ በሚያድሩበት ወቅት 26 በመቶዎቹ በተለያየ አልጋ ላይ መተኛትን ሲመርጡ 74 በመቶዎች ደግሞ አንድ ላይ መሆንን ይመርጣሉ ተብሏል፡፡

በጥቅሉ ጥናቱ 68 በመቶ ሴቶችና 59 በመቶ ወንዶች ከጥንዶቻቸው ጋር አልጋ በሚጋሩበት ሰዓት እንቅልፋቸው እንደሚዛባ በመጠይቁ አስፍረዋል፡፡

በተቃራኒው ደግሞ 17 በመቶ ሴቶችና 18 በመቶ ወንዶች ከአጋራቸው ጋር አልጋ በሚጋሩበት ወቅት ጥሩ እንቅልፍ እንደሚተኙ ገልጸዋል፡፡

ጥንዶቹ እንደሚሉት ከሆነ ቢያንስ በወር ለ12 ቀናት በተለያየ አልጋ ላይ ቢተኙ የሚመርጡ ሲሆን ነገር ግን 31 በመቶዎቹ ጉዳዩን ማንሳት ይፈራሉ ተብሏል፡፡

43 በመቶ የሚሆኑት ሴቶች ለብቻ ለመተኛት ያቀርቡት ምክንያት ወንዶቹ ስለሚያንኮራፉ ነው ያሉ ሲሆን 38 በመቶ በሙቀት፣ 36 በመቶ በቀላሉ መረበሽና 36 በመቶዎቹ ደግሞ የእንቅልፍ ፕሮግራም ያለመጣጣምን በምክንያትነት አቅርበዋል፡፡

በተመሳሳይ 33 በመቶ የሚሆኑት ወንዶች ደግሞ በሙቀት፣ 31 በመቶዎቹ የእንቅልፍ ፕሮግራም ያለመጣጣምን፣ 30 በመቶዎቹ በእንቅልፍ ወቅት ሰውነቶቻቸውን ስለሚያንቀሳቅሱ፣ 28 በመቶዎች አልጋው ሰፊ ባለመሆኑ እና በእንቅልፍ ወቅት ድንጉጥ በመሆናቸው ለብቻቸው ለመተኛት በምክንትነት አንስተዋል፡፡

በጥናቱ ከተካተቱትና ብቻቸውን መተኛት ከመረጡት 22 በመቶዎቹ በግንኙነታቸው የማይረኩ መሆናቸውን ሲገልጹ 78 በመቶዎቹ ግን ከጥንዶቻቸው ጋር ባላቸው ግንኙነት ደስተኛ መሆናቸውን ተናግረዋል፡፡

 

 

 

ምንጭ፦ሜይልኦንላን

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close