Connect with us

Ethiopia

ግድቡም ዝም፣ ገዳዩም ዝም፣መርማሪውም ዝም-የስመኘው ነገር

Published

on

ግድቡም ዝም፣ገዳዩም ዝም፣መርማሪውም ዝም-የስመኘው ነገር

ግድቡም ዝም፣ገዳዩም ዝም፣ መርማሪውም ዝም-የስመኘው ነገር | በኃይሉ ሚዴቅሳ ፍስሃጽዮን በድሬቲዩብ

የኢንጂነሩ ጉዳይ 15 ቀናትን ተሻገረ፡፡ስለጉዳዩ ምንም እየተባለ አይደለም፡፡ ጠቅላይ ሚኒስትሩም ‹‹ኢንጂነር ስመኘው የተባለ ሰው መስቀል አደባባይ ተገደለ›› ከሚለው መግለጫቸው ውጭ ያሉት ነገር የለም፡፡ ፌደራል ፖሊሲም ክስተቱ የተፈፀመለት ሰልፍ የወጡ ወጣቶችን ለማስጠንቀቅ ከሰጠው መግለጫ ውጭ ያለው ነገር የለም፡፡

ፍትህ ፈላጊዎች ግን አሁንም ከፍትህ ደጃፍ ቆመዋል፡፡ ፍትህ ፈላጊዎቹ ብዙ ናቸው፡ ፡ከሁሉም ልጆቹ ይበልጣሉ፡፡ ያለ አባት የቀሩትን ልጆች ለመደገፍ የፌደራሉ መንግሥት ያለው ነገር የለም፡፡ ለምን አይታወቅም፡፡

ሕዝብም መንግሥትን አምኖ ወደ ዕለት ጉርሱ ተመልሷል፡፡ ፍትህ ሆይ ከወዴት አለሽ ከማለት ግን ወደኋላ አላለም፡፡ በልቡም ቢሆን ይላል፡፡ በስመኘው ገዳይነት የተጠረጠረ አንድም ሰው እስካሁን ክስ እንዳልተመሰረተበት ሲታይ ደግሞ እጅጉን ያሳዝናል፡፡ መንግሥት ለምን አጀንዳ እንዲሆን አልፈለገም? የዚህንም መልስ ማወቅ አይቻልም፡፡

ሌላው በዚህ አንገብጋቢ ወቅት የተረሳውና የተጣለው የሕዳሴ ግድብ ጉዳይ ነው፡፡ ግድቡ ሥራ አስኪያጁ ከሞቱ በኋላ እንዴት እየሄደ ነው? ሰራተኞችስ ምን ተሰማቸው? ቀጣይ እጣፈንታውስ ምንድን ነው? የሚለውን የሚያብራራ ባለሥልጣን የለም፡፡

መገናኛብዙሃንም ጠቅላይ ሚኒስትሩን በማወደስና፣ የእርሳቸውን ‹‹የሥልጣን አደጋዎች›› በማውገዝ ላይ ተጠምደዋል፡፡ ግን ደግሞ ከመቀነቷ ገንዘቧን እየፈታች ያዋጠች እናት ሁሉ፣ ከልጆቿ እራት ቀንሳ ከልጆቿ ግድቡን ያስቀደመች እናት ሁሉ፣ የእለት ጉርሴን ልቀንስ፣የዓመት ልብሴን ልዝለል ብሎ ገንዘብ ያዋጣ መንግሥት ሰራተኛ ሁሉ፣ ብዙ ጥያቄ ይጠይቃል፡፡ ግድባችን ምን ደረጃ ላይ አለ? አዲስ ሥራ አስኪያጅስ ተሾመለት ወይ? መቼስ ይጠናቀቃል?

እነዚህ ሁሉ ነገሮች አሁን ዝግ ናቸው፡፡ማንም አያውቅም፡፡መንግሥትም፣እርሱ የሚቆጣጠራቸው መገናኛ ብዙሃንም ሊነግሩን አይሹም፡፡ለምን ይህንን የምታውቀው የጉባዋ አድባር ብቻ ነች!

** የቪዲዮ ዘገባዎችና መዝናኛዎችን ለማግኘት www.diretube.com ይጉብኙ
** የቴሌያዩ ኢትዮጵያን የተመለከቱ አለም አቀፋዊና ሀገራዊ ዜናዎችን ለእንግሊዘኛ ለማንበብ www.ethio.news ይጉብኙ

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close