Connect with us

Ethiopia

በኦሮሚያ ክልል ሰፊ የአማራ ህዝብ ይኖራል እንደ እኔ እምነት ይህ ህዝብ በጨፌ ኦሮሚያ ምክር ቤት ውክልና ሊኖረው ይገባል ባይ ነኝ

Staff

Published

on

በኦሮሚያ ክልል ሰፊ የአማራ ህዝብ ይኖራል እንደ እኔ እምነት ይህ ህዝብ በጨፌ ኦሮሚያ ምክር ቤት ውክልና ሊኖረው ይገባል ባይ ነኝ

እንዴት ይወከል? የሚለው በቀጣይ በህግና በህዝብ ውይይት ይወሰን ሲል አቶ ጀዋር ሙሀመድ ገለፀ፡፡

በባህርዳር ብሉናይል አቫንቲ ሆቴል እየተደረገ ያለው ውይይት እንደቀጠለ ነው በፕሮግራሙ ላይ እየተሳተፉ የሚገኙ ወጣቶች ለአክቲቪስት ጀዋር ሙሀመድ የተለያዩ ጥያቄዎችን ያነሱ ሲሆን በተለይም አሁን በተፈጠረው የለውጥ እንቅስቃሴና በቀጣይ ስራዎች ዙሪያ በርካታ ሀሳቦች ተነስተዋል፡፡

የሁለቱን ክልል ህዝቦች አንድነት ሊሸረሽሩ የሚችሉ ችግር ናቸው ተብለው የሚታመኑ ሀሳቦች ዙሪያም ወጣቶቹ ጥያቄያቸውን አንስተዋል፡፡
አቶ ጀዋር መሀመድ ለተነሱት ጥያቄዎች ዘርዘር ያሉ ማብራሪያዎችን ሰጥቷል፡፡ በተለይም ለውጡ እንዲፈጠር የተከፈለው ዋጋ ከባድ እንደነበር ገልፆ በዚህም ህይወታቸውን ላጡ ወገኖች ትልቅ ክብር እንዳለው አንስቷል፡፡

የአማራ ብሄርተኝነት በስጋት መታየት የለበትም ያለው ጅዋር ያሰጋናል ካልን አማራ እንዳይፈናቀል ማድረግ ነው ብሏል፡፡
ማንኛውም ኢትዮጵያዊ በማንነቱ መፈናቀልና መገደል የለበትም፡፡ ትግላችንም ይህ እንዲቆም ነው፡፡ ከዚህም ከዚያም የሚታዩ መፈናቀሎች ሰፊ የህዝብ ውይይት በማድረግ ሊፈቱ የሚገባቸው ናቸው ብሏል፡፡

አቶ ጀዋር አክሎም በኦሮሚያ ክልል ሰፊ ቁጥር ያለው የአማራ ህዝብ እንደሚኖር ገልፆ ይህ ህዝብ እንደየቁጥሩ መጠን በጨፌ ኦሮሚያ ውክልና ሊኖረው እንደሚገባና ይህም በቀጣይ በህግና በውይይት ሊፈታ እንደሚገባው ያለውን እምነት ገልጿል፡፡

የሁለቱን ህዝቦች አንድነት ሊሸረሽሩ ይችላሉ ተብሎ የተነሱትን ጥያቄዎንችን በተመለከተም ጅዋር በሰጠው ምላሽ እንዳብራራው የቆየንበት ጊዜ አይደለም ልዩነቶችን አንስተን ልንወያይና ልንግባባ ቀርቶ በመሀከላችን አንድ እንዳንሆን በርካታ ስራዎች የተሰሩበት ነበር ብሏል፡፡

ለህዝቦች አንድነት ስጋት ናቸው የተባሉ ጉዳዮችም ወደፊት በመቀራረብና ሰፊ ውይይት በማድረግ ሊፈቱ የሚችሉ መሆናቸውን ገልጿል፡፡

ምንጭ፡- የብአዴን ማ/ኮ/ፅ/ቤት

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close