Connect with us

Ethiopia

ጅጅጋ ከዚያድ ባሬ በኋላ ክፉ ዘመን ገጥሟታል

Published

on

ጅጅጋ ከዚያድ ባሬ በኋላ ክፍ ዘመን ገጥሟታል

ጅጅጋ ከዚያድ ባሬ በኋላ ክፍ ዘመን ገጥሟታል፡፡ የሱማሌ ወገኖቻችን በጉልበተኛው መሪያቸው አበሳቸውን ሲያዩ ኖረዋል፡፡

ቤተክርስቲያን የሚያቃጥለውን ልዩ ሃይል የሚመሩት አብዲ ኢሌ በትግራይ የፌስቡክ አክቲቪስቶች ደግ አደረጉ ተብለው ቢወደሱም፤ ሱቆች ዘር ተመርጦ ሳይተርፉ ተዘርፈዋል፡፡ አቶ አብዲ ነገስ እንደትናንቱ ጌታቸው አሰፋና ሕወኃት አሳስቶኝ ሊሉ? ***** ከስናፍቅሽ አዲስ በድሬቲዩብ

እንዲህ ያለ ክፉ ጊዜ የነበረው በዚያድ ባሬ ነበር፤ ከዚያ በኋላ አብዲ ኢሌ መጡ፡፡ ወገኖቻቸውን በግዙፍ አስር ቤቶች የሚያጉሩ፤ ልጅ አውሮፓ ሆኖ ሲቃወም ጅጅጋ አባት የሚያስሩ፡፡

በሰብዓዊ መብት ጥሰት ከኢትዮጵያ አልፎ በዓለም ሰብአዊ መብት ተሟጋች ተቋማት ጭምር ስማቸው ደጋግሞ የሚነሳ በአምባገነንነት ወደር የሌላቸው ብቸኛው ርዕሰ መስተዳድር ተብለው የሚገለጹ ናቸው፡፡

ክልሉ በጸጥታ ችግር ከገባባት ማጥ አውጥተው በመዳፋቸው በማድረግ ጸጥ ለጥ አድርገው የገዙ በመሆናቸው ሰላም አውርደዋል ተብሎ ተወድሰዋል፡፡ በፌዴራል ማረሚያ ቤቶች ታስሮ የወጣ የርዕሰ መስተዳድሩን የአደራ እስረኞቹ ጠንቅቆ ያውቃል፡፡

የኮንትሮባንዲስት የኢህአዴግ ባለስልጣናት ጉያ ሆነው እንዳሻቸው ሲሆኑ ተው ባይ ጠፋ፡፡ ውሎ አድሮ ሚሊዮን ኦሮሞዎች አብረው ከኖሩት የምስራቁ ሱማሌ ወንድማቸው ተጋጩ ተብሎ ለስደት በቁ፡፡ በዚህ ሁሉ መሃል አብዲ የህገ መንግስቱ ጀግና በሚል በአፍቃሪ ህወሃት ሲወደሱ ኖረዋል፡፡

ውሎ አድሮ ለአጠፋሁት ጥፋት ይቅር በሉኝ፤ የደህንነቱ ሃላፊ ጌታቸው አሰፋ አሳስቶኝ ነው፡፡ እሱ ራስ ወዳድ ነው ብለው በቴሌቨዥን መስኮት ብቅ አሉ፡፡

አስገራሚው ነገር ጌታቸው አሰፋ ጀግና ነው ብለው የሚያምኑ እና የሚያወድሱት አብዲ ሞልጮ ሰድቦትም አብዲም ጀግና ነው ብለው ማመናቸው ነው፡፡ ሁለት ተቃራኒ ሰዎችን መውደድ የአንድ አዲስና ለዓለም አስጊ የሆነ በሽታ ምልክት ይመስለኛል፡፡

ዛሬ ቤተክርስቲያናት ተቃጥለዋል፡፡ በዚህ ሁኔታ እንኳን ሆነው ለጥቂት ኮንትሮባንዲስቶች ምቾት የቤተክርስቲያናቱ በአብዲ ጀሌና ወታደሮች መቃጠል ትክክል ነው ብለው የሚሟገቱ የህወሃት አፍቃሪያን እያየን ነው፡፡ የትግራይ ህዝብ ከዘሩም ከጎሳውም በላይ እምነትና ማተቡን አፍቃሪ የማይደራደር ነው፡፡

በኢትዮጵያ ከእስልምናው ጎሳውን ከክርስትናው ጎጡን የሚያስቀድም ርካሽ ህዝብ የለም፡፡ እነኚህ ወገኖች ግን ይህንን ህዝብ የማይወክል ስብዕና ይዘው ታይተዋል፡፡

ነገ ምን ሊገጥም እንደሚችል መገመት ነው፡፡ አብዲ ኢሌ በይፋ ዳግም ህወሃትና ጌታቸው አሰፋ አሳሳቱኝ ይሉ ይሆን?

** የቪዲዮ ዘገባዎችና መዝናኛዎችን ለማግኘት www.diretube.com ይጉብኙ
** የቴሌያዩ ኢትዮጵያን የተመለከቱ አለም አቀፋዊና ሀገራዊ ዜናዎችን ለእንግሊዘኛ ለማንበብ www.ethio.news ይጉብኙ

 

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close