Connect with us

Ethiopia

የፌዴራል ፖሊስ ኮሚሽነር አቶ ዘይኑ ጀማል በኢንጂነሩ አሟሟት ዙሪያ ከጋዜጠኞች ለቀረበላቸው ጥያቄ የሰጡት ምላሽ

Helen

Published

on

የፌዴራል ፖሊስ ኮሚሽነር አቶ ዘይኑ ጀማል

የፌዴራል ፖሊስ ኮሚሽነር አቶ ዘይኑ ጀማል በኢንጂነሩ አሟሟት ዙሪያ ከጋዜጠኞች ለቀረበላቸው ጥያቄ የሰጡት ምላሽ

የህዳሴ ግድብ ግንባታ ፕሮጀክት ዋና ስራ አስኪያጅ ኢንጂነር ስመኘው በቀለ በጥይት ተመተው ህይወታቸው ማለፉን የፌደራል ፖሊስ ኮሚሽን አስታወቀ። የፌደራል ፖሊስ ኮሚሽን ጀኔራል ኮሚሽነር ዘይኑ ጀማል በኢንጂነር ስመኘው በቀለ አሟሟት ዙሪያ ዛሬ ለጋዜጠኞች መግለጫ ሰጥተዋል።

በሰጡት መግለጫም ኢንጂነር ስመኘው ከጆሯቸው በስተጀርባ በኩል በጥይት ተመተው ህይዎታቸው ማለፉን ተናግረዋል። አሁን ላይም ፖሊስ ጉዳዩ ለማጣራት የተለያዩ አሻራዎችንና ማስረጃዎችን በመውሰድ እያጣራ ይገኛል ብለዋል።

ኮሚሽነሩ በመግለጫቸው ኢንጂነር ስመኘው ህይዎታቸው ከማለፉ ቀደም ብሎ ማለዳ ላይ ቢሮ እንደነበሩም ጠቅሰዋል። የአስክሬን ምርመራ በጳውሎስ ሆስፒታል እየተደረገ መሆኑን የገለፁት ኮሚሽነሩ የፎሬንሲክና የአሻራ ምርመራ በሳይንሳዊ መንገድ እየተካሄደ ነው ብለዋል።

የፖሊስ አባላትም ጉዳዩን ለማጠራት ከፍተኛ ርብርብ እያደረጉ እንደሆነ ነው ኮሚሽነሩ የጠቆሙት። ህብረተሰቡም ፖሊስ ዝርዝር ጉዳዩን አጣርቶ ይፋ እስከሚያደርግ ድረስ ተረጋግቶ እንዲጠብቅም ነው ያሳሰቡት።

ከዚህ ባለፈ በአካባቢው የነበረው ካሜራ በትናትናው ዕለት ተነስቷል የሚለው የተሳሳተ መሆኑን በመግለፅ ካሜራው ከመንገድ ስራ ጋር በተያያዘ ከዚህ በፊት መነሳቱን ተናግረዋል።

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close