Connect with us

Ethiopia

”የአማራ ክልልን ዘላቂ ሰላም የማረጋገጥ ሀላፊነት የህውሀትና የቀድሞ የብአዴን አመራሮች አይደለም።” አቶ ገዱ አንዳርጋቸው

Helen

Published

on

“የአማራ ክልል ጥፋትም ሆነ ልማት የሚወሰነው በእኛው ነው” አሉ የአማራ ክልል ርእሰ መስተዳድር አቶ ገዱ አንዳርጋቸው።

ርዕሰ መስተዳደሩ አቶ ገዱ አንዳርጋቸው በክልሉ ወቅታዊ ሁኔታ ለአማራ ክልል ምክር ቤት በሰጡት ማብራሪያ ነው ይህንን ያሉት። አቶ ገዱ በማብራሪያቸው፥ “በአማራ ክልል ሰላም እንዳይሰፍንና የህግ የበላይነት ተጥሶ ስርዓት አልበኝነት እንዳይነግስ የደገፍነው ለውጥ እንዲጠፋ የሚፈልግ የውጭ ሀይል የለም” ብለዋል።

“የክልሉ ልማትም ሆነ ጥፋቱ የሚወሰነው በእኛው ነው” ብለዋል አቶ ገዱ በማብራሪያቸው።

በአሁኑ ወቅት በአማራ ክልል ሰላም እንዲናጋ ‹‹ህወሓት ምክንያት ሊሆን አይችልም” ያሉት ርእሰ መስተዳድሩ፥ ህወሓት መወቀስም መሞገስም ካለበት በክልሉ ነው ብለዋል። ከመጠን በላይ በበዛ ጥላቻ የአማራ ክልልን ለማመስ የሚደረገው ጥረት መልሶ ራሱን ወደጥፋት የሚያመራ ድርጊት ነውም ብለዋል ርዕሰ መስተዳድሩ።

ርዕሰ መስተዳድሩ ለምክር ቤቱ እንደገለጹት፥ የአማራ ክልል ሰላም እንዲደፈርስ የብአዴን የቀድሞ አመራሮች ምክንያት ሊሆኑ አይችሉም፤ እነዚህ ሰዎች የሚችሉትን ሰርተዋል፤ እነዚህ ሰዎች ለሰላም እንጂ ጥላቻን አያስቡም ብለዋል።

“ዛሬ ላይ በክልሉ ሰላምን የሚያናጋ የውጭ ሀይል የለም ያሉት አቶ ገዱ፥ አሁን ላይ ሁሉም ነገር ክፍት፤ ፖለቲካዎ መታገያዎች ዝግጁ ናቸው ብለዋል። ደብረ ማርቆስ ላይ የተከሰተው ብጥብጥ ራስን በራስ የማጥፋት እንቅስቃሴ ነው ነው ያሉት አቶ ገዱ እጅን መቀሰር የሚያስፈልግበት ጊዜ ላይ አይደለንም ብለዋል።

“የክልሉ ህዝብ ቆም ብሎ ማሰብ አለበት፤ በተጀመረው የለውጥ እንቅስቃሴ ውስጥ ሰላምን ከፈለግን፤ ሰላምን ማደፍረስ ሳይሆን በሰከነ መንገድ ሰላምን በማምጣት የሁላችን ድርሻ ሊሆን ይገባል” ሲሉም ተናግረዋል። የአማራ ብሄራዊ ክልል ምክር ቤት 5 ኛ ዙር 3 ኛ ዓመት የስራ ዘመን 10ኛ መደበኛ ጉባኤ የሁለተኛ ቀን ውሎ እንደቀጠለ ነው።

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close