Connect with us

Ethiopia

ጠ/ሚ ዶ/ር አብይ በዓለም ባንክ የአፍሪካ ጉዳዮች ምክትል ፕሬዚዳንት ሃፌዝ ግሃኔም ጋር ተወያዩ

Helen

Published

on

የአፍሪካ ጉዳዮች ምክትል ፕሬዚዳንት ሃፌዝ ግሃኔም

የኢፌዴሪ ጠቅላይ ሚኒስትር ዶክተር አብይ አህመድ በዓለም ባንክ የአፍሪካ ጉዳዮች ምክትል ፕሬዚዳንት ሃፌዝ ግሃኔም ተቀብለው አነጋገሩ። በዓለም ባንክ የአፍሪካ ጉዳዮች ምክትል ፕሬዚዳንት ሃፌዝ ግሃኔም በኢትዮጵያ ጉብኝት ለማድረግ ነው በዛሬው እለት አዲስ አበባ የገቡት።

ጠቅላይ ሚኒስትር ዶክተር አብይ አህመድ ለጉብኝት ወደ ኢትዮጵያ የመጡትን በዓለም ባንክ የአፍሪካ ጉዳዮች ምክትል ፕሬዚዳንት ሃፌዝ ግሃኔም በጽህፈት ቤታቸው ተቀብለው አነጋግረዋል። ጠቅላይ ሚኒስትር ዶክተር አብይ እና በዓለም ባንክ የአፍሪካ ጉዳዮች ምክትል ፕሬዚዳንት ሃፌዝ ግሃኔም በነበራቸው ቆይታም ባንኩ የኢትዮጵያ ልማትን በሚደግፍበት ጉዳዮች ላይ ተወያይተዋል።

እንዲሁም ኢትዮጵያ የልማት ግቦችን እንድታሳካ ባንኩ በምን መልኩ መደገፍ ይችላል የሚለው ላይ መምከራቸውንም የጠቅላይ ሚኒስትር ጽህፈት ቤት ልዩ ሀላፊ አቶ ፍፁም አረጋ በትዊተር ገፃቸው አስታውቀዋል።

የዓለም ባንክና ዓለም አቀፍ የልማት ማህበር ለኢትዮጵያ የሚያደርጉት ድጋፍ 10 ቢሊዮን ዶላር መድረሱን አተፐ ፍጹም ገልጸዋል። ይህ ደግሞ ኢትዮጵያ ከባንኩ በከፍተኛ ደረጃ ተጠቃሚ ከሆኑ የአፍሪካ አገሮች ታርታ እንደሚያሰልፋትም አመልክተዋል።

የአለም ባንክ የአፍሪካ ምክትል ፕሬዘዳንቱ ከገንዘብና ኢኮኖሚ ትብብር ሚኒስትር ዶ/ር አብረሃም ተከስተ ጋር ተወያይተዋል፡፡ በዚህ ወቅትም አለም ባንክ ለኢትዮጵያ የሚያደርገውን ድጋፍ አጠናክሮ እንደሚቀጥል በባንኩ የአፍሪካ ምክትል ፕሬዘዳንት ሀፍዝ ጋነም አስታውቀዋል።

በኢትዮጵያና በባንኩ መካከል ያለው ግንኙነት ጠንካራ እንደሆነና ሀገሪቱ በኢኮኖሚና ማህበራዊ ልማት ባለፉት ዓመታት ለታየውን እድገት ከፍተኛ አድናቆት እንዳለቸውና በዚህም ምክንያት የመጀመሪያ ጉብኝታቸውን በኢትዮጵያ ማደረጋቸውን ገልፀዋል።

በውይይታቸው በኢትዮጵያ እየተመዘገበ ያለውን ፈጣን የኢኮኖሚ ዕድገት፣ በጤና፣ በውሀና ግብርና በአገሪቱ ኢኮኖሚ ውስጥ ያለው ድርሻ ለምክትል ፕሬዚዳንቱ ገለፃ ተደርጓል። እንዲሁም በመሠረተ ልማት ዝርጋታ በመንገድ፣ ኤሌክትሪክ፣ ባቡር እና በዕድገትና ድህነት ቅነሣ ላይ የተሰሩ ስራዎች ላይ ውይይት አድርገዋል።

ሚኒስትሩም በሀገሪቱ እነዚህ ለውጦች እንዲመዘገቡ የአለም ባንክ ለኢትዮጵያ ሲሰጥ የቆየው ድጋፍ ከፍተኛ ሚና መጫወቱንና የባንኩ ድጋፍ ከሀገሪቱ የልማት ስትራቴጂ ጋር ተጣጥሞ መቅረቡም ጠቀሜታው የላቀ መሆኑን ጠቁመዋል።

በኢትዮጵያ ያለው መልካም ተሞክሮ ባንኩ በሌሎች አፍሪካ ሀገሮች ለሚያደርገው ድጋፍ አስፈላጊ በመሆኑ የሀገሪቱ ተሳትፎ አስፈላጊ መሆኑን ጠቁመዋል።

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close