Connect with us

Ethiopia

የኢትዮጵያና ኤርትራ ግንኙነት ወደሰላም መመለሱ ተለያይተው የነበሩ ወገኖች እንደሚገናኙ ተስፋ ጥሏል

Helen

Published

on

የ አመት ናፍቆት

በኢትዮጵያና በኤርትራ መካከል ተቋርጦ የነበረው ግንኙነት በመሪዎቹ ቁርጠኝነት ወደሰላም መመለሱ ተለያይተው የነበሩ ወገኖች በአይነ ሥጋ እንደሚገናኙ ተስፋ የጣለ ጉዳይ ሆኗል፡፡

ከኢትዮጵያ ወደ ኤርትራ የስልክ አገልግሎት መጀመሩን ተከትሎ በኢትዮጵያ ብሔራዊ አገልግሎት ለ21 ዓመታት ያገለገለው ጋዜጠኛም ለ16 ዓመታት የተለያቸውን ባለቤቱንና ሁለት ልጆቹን ለማግኘት ጥረት እያደረገ ይገኛል፡፡

በተያያዘ ዜና በኢትዮጵያና ኤርትራ መካከል ተቋርጦ የነበረው የመደበኛ ስልክ አገልግሎት ዳግም ተጀመረ። የጠቅላይ ሚኒስትር ልዩ ጽህፈት ቤት ሃላፊ አቶ ፍጹም አረጋ፥ ላለፉት ሁለት አስርት አመታት ተቋርጦ የነበረው የሃገራቱ የመደበኛ ስልክ ግንኙነት ዳግም መጀመሩን በትዊተር ገጻቸው አስፍረዋል።

የኢትዮ ኤርትራ የድንበር ግጭትን ተከትሎ የሁለቱ ሃገራት የስልክ ግንኙነት ተቋርጦ መቆየቱ ይታወሳል። ይህ መሆኑም በሁለቱ ሃገራት ህዝቦች ግንኙነት ላይ አሉታዊ ተፅዕኖ አሳድሮ ቆይቷል።

የዛሬው የመደበኛ ስልክ ግንኙነት መጀመርም ሁለቱ ሃገራት የጀመሩት የሰላም ጉዞ ማብሰሪያ ተደርጓል። የኢፌዴሪ ጠቅላይ ዶክተር አብይ አህመድም የኢትዮጵያና ኤርትራ ግንኙነትን ያድሳል የተባለለትን ታሪካዊ ጉብኝት ለማድረግ ዛሬ አስመራ ገብተዋል። አስመራ ሲደርሱም ፕሬዚዳንት ኢሳያስ አፈወርቂን ጨምሮ የሀገሪቱ ከፍተኛ ባለስልጣናት እንዲሁም የከተማዋ ነዋሪዎች ደማቅ አቀባበል አድርገውላቸዋል።

በቆይታቸውም ከፕሬዚዳንት ኢሳያስ አፈወርቂ ጋር የሚወያዩ ይሆናል። በቅርቡ የኢህአዴግ ስራ አስፈፃሚ ኮሚቴ የሁለቱን ሃገራት ግንኙነት ለማደስ የአልጀርሱን ስምምነት ሙሉ በሙሉ እንዲተገበር ውሳኔ ማሳለፉ ለግንኙነታቸው ተስፋ ፈንጥቋል።

ኤርትራም የኢትዮጵያን የሰላም ጥሪ በመቀበል በቅርቡ በውጭ ጉዳይ ሚኒስትሯ የሚመራ ልዑክ ወደ አዲስ አበባ መላኳ አይዘነጋም።

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close