Connect with us

Ethiopia

በ 100 ቀናት 1001 ስኬታማ ዲፕሎማሲ

Published

on

በ 100 ቀናት 1001 ስኬታማ ዲፕሎማሲ

የኢፌዲሪ ጠቅላይ ሚኒስትር ዶ/ር አብይ አህመድ ኃላፊነት ከተረከቡ 100 ቀናት ጊዜ ውስጥ የላቀ የውጭ ግንኙነት እና የዲፕሎማሲ ስራ የተከናወነ ሲሆን የውጭ ጉዳይ ሚኒስቴር እንደ ተቋም የተጋጋለ የሁለትዮሽና የባለብዙ ወገን የዲፕሎማሲ ስራ መከናወኑ ተገለፀ።

የሚኒስቴሩ ቃል አቀባይ አቶ መለስ ዓለም ዛሬ “በአንድ መቶ ቀናት አንድ ሺህ አንድ ስኬት” በሚል ርዕስ ዶ/ር አብይ በአጭር ጊዜ ብዙ የዲፕሎማሲ ስኬት አስመዝግበዋል ብለዋል፡፡

ከ ኤርትራ ጋር ለ 20 ዓመታት ያህል የዘለቀው የጥላቻ እና የጦርነት ምዕራፍ ተዘግቶ የወንድማማችነት ምዕራፍ ተከፍቷል፡፡ በሁለቱ ሀገራት መሀከልም ያለምንም ሶስተኛ አካል ጣልቃ ገብነት የአስመራ ዲክላሪሽን ወይም መግለጫ (The Asmara Declaration) ተፈርሟል ብለዋል። ስምምነቱ ሰላም እና ፍቅር ጥላቻን ያሸነፉበት እንደሆነ ተናግረዋል።

የሁለቱ አገር መሪዎች ይህንን በማድረጋቸው የተ.መ.ድ የኢጋድ የአፍሪካ ህብረት፣ የአውሮፓ ህብረት እና አገሮች በተናጥል ድጋፋቸውን እየገለፁ እንደሆነ የውጭ ጉዳይ ሚኒስቴር ቃል አቀባይ ገልፀዋል።

የውጭ ጉዳይ ሚኒስቴር የአገራችንን የብሄራዊ ጥቅም እና ብሄራዊ ደህንነት የሚያረጋግጡ ውጤቶች ተመዝግበዋል፤ ክቡር ጠቅላይ ሚኒስትሩ ከጎረቤት ሀገሮቻችን ጋር በተለይም በጅቡቲ፣ ሶማሊያ፣ ኬንያ፣ ሱዳን፣ ግብፅ፣ ዮጋንዳ የተባበሩት አረብ ኤምሬቶች፣ ሳዑዲ አረቢያ፣ እንዲሁም የሩዋንዳ ፕሬዘዳንት፣ የተባበሩት አረብ ኤምሬቶች ኤምር በኢትዮጵያ ጉብኝት አድርገው የተለያዩ ውጤቶች መመዝገቡን የሚኒስቴሩ ቃል አቀባይ አቶ መለስ ዓለም አስታውቀዋል፡፡

በሌላ በኩል ሚኒስቴር መ/ቤቱ አዲስ አበባ ውስጥ ላለው የዲፕሎማቲክ ማህበረሰብ በቅርቡ በአገራችን የተለያዩ አካባቢዎች የተከሰቱት ችግሮች በራሳችን አቅም እየተፈቱ መሆኑን የማስረዳት ስራ ተከናውኗል።

በባለ ብዙ መድረኮች በአፍሪካ ህብረት፣ በኢጋድ እንዲሁም የጸጥታው ምክር ቤት ተለዋጭ አባል በመሆኗ በዓለም አቀፍ መድረኮች የዲፕሎማሲ ሚናችን ከፍ ብሎ እንዲታይ ለማድረግ መቻሉን አቶ መለስ ተናግረዋል።

በኢኮኖሚ ዲፕሎማሲ ሙልኩ ባለሃብቶችን የመሳብ ስራ ተጠናክሮ ቀጥሏል። የተባበሩት አረብ ኤምሬቶችና የሳዑዲ አረብያ ባለሃብቶች፣ IBM, UPS General Motors የመሳሰሉ 36 የአሜሪካ ኩባንያዎች እንዲሁም ከኤስያ አገሮች በተለይም ከቻይና እና ከህንድ የመጡ ኩባንያዎች የቅድመ ኢንቨስትመንት ጉብኝት ማድረጋቸውን አስታውቀዋል።

ባለፉት 100 ቀናት በውጭ ጉዳይ ሚኒስቴር በኩል የዜጋ ዲፕሎማሲ (Citizen Diplomacy) ተሰርቷል፡፡ መንግስት ባለፈው አንድ ዓመት ባደረገው ጥረት 3000 ያህል ኢትዮጵያውያንን ከሳዑዲ አረብያ፣ የተባበሩት አረብ ኤምሬቶች፣ ኬንያ፣ ጅቡቲ እና ሱዳን አስፋፍቶ ለአገራቸው አብቅቷል፡፡

ኢትዮጵያ ካላት ተደማጭነት የዲፕሎማሲ እና የኢኮኖሚ አቅም ጋር ያላትን ውክልና ለማስፋት በአውሮፓ ዘሄግ ኒዘርላንድ፣ በአፍሪካ ታንዛንያ(ዳሬሰላም) የቆንስላ ጽ/ቤቶቻችን እና ኤምባሲ ተከፍቷል፡፡

ወደአገራቸው የሚመለሱ ኢትዮጵያውያን ወገኖች ቁጥር መጨመሩን እንዲሁም ለረጅም አመታት በሌሎች ሀገራት ሲኖሩ የነበሩ የፖለቲካ ቡድኖች ወደ አገራቸው መመለሳቸውን የሚኒስቴሩ ቃል አቀባይ አቶ መለስ ዓለም ተናግረዋል።

የውጭ ጉዳይ ሚኒስቴር
ቃል አቀባይ ጽ/ቤት
ሐምሌ 4 ቀን 2010 ዓ.ም.

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close