Connect with us

Entertainment

የኢትዮጵያ ቱሪዝምና ባህል ሥርጸት ማኅበር ተቋቋመ

Published

on

የኢትዮጵያ ቱሪዝምና ባህል ሥርጸት ማኅበር ተቋቋመ

የኢትዮጵያ ቱሪዝምና ባህል ሥርጸት ማኅበር ተቋቋመ፤ ማኅበሩ በጎ ፍቃደኛ የሆኑ የሚዲያ ባለሙያዎች፣ በዓለም አቀፍ ተቋማት የሰሩ ኢትዮጵያውያንና የቱሪዝም ባለሙያዎች ያቋቋሙት ነው፡፡ ዛሬ እውቅና ማግኘቱን አስመልክቶ ጋዜጣዊ መግለጫ ሰጥቷል፡፡ *****

የኢትዮጵያን የቱሪዝምና ባህል ልማት ለመደገፍ ዘርፉን የሚያሳድጉ ዓላማዎችን ይዞ የተመሰረተው የኢትዮጵያ የቱሪዝምና ባህል ሥርጸት ማኅበር ከማኅበራት በጎ አድራጎት ኤጀንሲ ፍቃድ አግኝቷል፡፡

በዓለም አቀፍ ተቋማት በሃላፊነት በሰሩ ሀገር ወዳድ ኢትዮጵያውያን እና በቱሪዝም እና በሚዲያ ባለሙያዎች በጎ ፍቃደኝነት የተቋቋመው ይህ ማኅበር በዋናነት በቱሪዝምና ባህል ዘርፍ ያለውን የግንዛቤ የተግባቦት እና ልማት ስራ የሚሰራ ሲሆን ባህላዊ ታሪካዊና ተፈጥሯዊ ሃብቶቻችን እንዲሁም ትኩረት በሚያሻው ባህላዊ ሀብቶቻችን ላይ ያለውን የመረጃ የማስተዋወቅ እንዲሁም የተደራሽነት ችግር ለመፍታት የተቋቋመ መንግስታዊ ያልሆነ ድርጅት ነው፡፡

ዛሬ በጎልደን ቱሊፕ ሆቴል የማኅበሩ የቦርድ አመራሮች በሰጡት ጋዜጣዊ መግለጫ እንደተገለጸው ኢትዮጵያ ተፈጥሯዊ ባህላዊና ታሪካዊ ሃብቶች ባለቤት መሆኗ ይታወቃል ይሁን እንጂ ያሉንን ሃብቶች አልምቶ እና ለቱሪስት ምቹ አድርጎ የማዘጋጀቱ ስራ ላይ እጥረቶች መኖራቸውን በባህልና ቱሪዝም ዘርፍ የሚወጡ መረጃዎች ያስረዳሉ፡፡

ባለን ሃብትና ብዝሃነት ልክም የአለም አቀፉም ሆነ የሀገር ውስጥ ቱሪስቱ ሲጎበኛቸው አይስተዋልም፡፡ በዚህ ረገድም በዘርፉ ሀገራችን ልታገኝ የሚገባውን ኢኮኖሚያዊ ጠቀሜታ እንዳታገኝ ሆናለች፡፡ ይህንን ክፍተት ለመድፈንም ማኅበሩ ተመስርቷል፡፡

ማኅበሩ በዋናነት ባህላዊ እሴቶቻችን ላይ በመስራት ጎጂ ልማዳዊ ድርጊቶችችን እና መጤ ባህሎች የሚያደርሱብንን ተፅዕኖ መቀነስ ብሎም ማስወገድ ላይ ትኩረት ሰጥቶ ይሰራል፡፡

እስከአሁን በባህልና ቱሪዝም ዘርፍ የተሰሩ ስራዎችን በመለየት የሚደረጉ የእውቅና አሰጣጥ ሥርዓቶች አልተለመዱም ከዚህ ጋር በተያያዘም ማኅበሩ ከሚሰራቸው ስራዎች አንዱ አመታዊ የዕውቅናና ምስጋና ሥነ-ሥርዓት ማካሄድ አንዱ ዓላማው መሆኑን መግለጫው ይገልጻል፡፡

በቱሪዝምና ባህል ስራ ላይ የተሰማሩ ሚዲያዎችንና ባለሞያዎችን በመደገፍ በኩልም ዘርፉ ከተሰጠው ግምት አንፃር በርካታ ሚዲያዎች ሰፊ ሽፋን ሲሰጡት አይስተዋልም ሚዲያውም ሆነ ባለሞያው ዘርፉን በአግባቡ እንዲያስተዋውቁ በቂ የአቅም ግንባታ ስራ ባለመሰራቱ በቀጣይ በስልጠና በቁሳቁስ እና ቴክኖሎጂ እንዲሁም በሀገር ውስጥና በውጭ ሃገር የጉብኝት መርሃግብሮችን በማዘጋጀት ልምድ አንዲቀስም በማድረግ የባለሞያውን አቅም ማጎልበት ዘርፉ በተሸለ ሁኔታ እንዲተዋወቅ የሚያግዙ ስራዎችን ለመስራት ማቀዱን ማኅበሩ በመግለጫው ያስረዳል፡፡ DireTube

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close