Connect with us

Ethiopia

ኦቦ ለማ ኢትዮጵያዊው መሪ

Published

on

ኦቦ ለማ ኢትዮጵያዊው መሪ

💚💛❤️  ኦቦ ለማ ኢትዮጵያዊው መሪ፤ እንዲህ ያለ ትንታግ ተፈጥሮ እንዴት ጃጋማ፣ እንዴት ገረሱ፣ እንዴት አብዲሳ ሞተ እንላለን፡፡ ቲም ለማ የማይጨርሰውን አልጀመረም፤ ኢትዮጵያዊነት ያሸንፋል፡፡ ***** ስናፍቅሽ አዲስ በድሬቲዩብ

ሀገር መፍጠር ዋጋ ያስከፍላል፡፡ ብዙ አባቶቻችን ዋጋ በከፈሉላት ሀገር እየኖርን ነው፡፡ ኢትዮጵያ ለመስራት ብዙዎች በየተራራው ላይ ወድቀዋል፡፡ ሀገር በምኞት አትገነባም፡፡ ቲም ለማ ስለኢትዮጵያ እየከፈለው ያለውን ዋጋ እያየን ነው፡፡

ኦቦ ለማ በእርግጥም ኢትዮጵያዊ መሪ ነው፡፡ የኢትዮጵያዊነት ክብር ከፍ ይል ዘንድ ዳግም ቁርጠኝነቱን አሳይቷል፡፡

በብሔር ስም ብሔር ላይ ጥቃት ያደረሱ እንቅፋቶችን አይተን አዝነን ነበር፡፡ ይሄ ዘመን የኢትዮጵያዊነት ነው፡፡ ኦቦ ለማ እንዲህ ያለውን ክፍ ዓላማ የተገበሩ አመራሮችን ከመንገዱ ጠራርጓል፡፡

ኦህዴድ እንዲህ ያለውን ጠያፍ ተግባር ኮንኖ የሀገር ኦዳነቱን የሚፈታተኑ እንቅፋቶቹን አስወግዷል፡፡ የኦቦ ለማ ንግግር ሀገር የሚፈውስ ነበር፡፡

ኦሮሞና አማራ ወንድማማች፣ አንዱ ከአንዱ የማይነጠል መሆኑን ገልጸዋል፡፡ እንቅፋቶቹን ማስወገድ ብቻ ሳይሆን በህግም የሚጠየቁበት አግባብ እንደሚኖር ጠቁመዋል፡፡ እኩይ ባህሪ ያላቸው ክፉዎች ማንንም አይወክሉም፡፡ እናም ሀገር ብሩህ ተስፋ እንዳላት አይተናል፡፡

ኦቦ ለማ ዳግም የኢትዮጵያ አንድነት ጉዞ ሙሴነቱን አሳይቷል፡፡ እንዲህ ያለ ትንታግ መሪ ተፈጥሮ እንዴት ጃጋማ ሞተ ይባላል? ገረሱስ መቼ ተለይን? ባልቻም መድፉን ይዞ ከሀገሩ ፍቅር ጋር መካከላችን ነው፤ አብዲሳን በዘመናችን አይተንዋል፡፡

ቲም ለማ የሚያኮራ ጉዞ ላይ ነው፡፡ ተስፋ አድርገናል፡፡ በወሬ እየተሰበክን ሳይሆን በተግባር እያየን ነው፡፡ አሁንም ፈተናው ይቀጥላል፡፡ ጠንካራ ሀገር የጠንካራ ፈተና ውጤት ናት፡፡ ጠንካራ መሪዎችን በዘመናችን አግኝተናል፡፡

ሀገር የሚያስቀድሙ መሪዎች፣ ዜጋ የሚበልጥባቸው መሪዎች፣ የዘር እና የጎጥ አጥር ጥሰው ሩቅ የሚያስቡ ጀግኖችን አግኝተናል፡፡

ይሄ በአራቱም አቅጣጫ ይሆን ዘንድ አንዱን አቅጣጫ ፈጣሪ ጠብቆ ያብዛልን፤ ቲም ለማ ሀገር አንድ ማድረግ፣ ሀገርን ማስቀደም በሀገር አብሮ መኖርን እየገነባ ነው፡፡ ጅምር ነው፡፡ እንቅፋቱ በየጥጋጥጉ ቢታይም ቲም ለማ የማይጨርሰውን አልጀመረም፤ የጀመረውን ለመጨረስ ድንቅ ጉዞ ላይ መሆኑን አይተናል፡፡

ኢትዮጵያዊነት ያሸንፋል!! DireTube  💚💛❤️

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close