Connect with us

News

አሜሪካ በኖርዌይ ተጨማሪ የባህር ሃይል ልታሰፍር ነው

FanaBC

Published

on

አሜሪካ በኖርዌይ ተጨማሪ የባህር ሃይል ልታሰፍር ነው

አሜሪካ በኖርዌይ ተጨማሪ የባህር ሃይል አባላቷን ልታሰፍር ነው።

የኖርዌይ መንግስትም አሜሪካ ወደ ስፍራው ተጨማሪ 400 የባህር ሃይል ለማስፈር ያቀረበችውን ሃሳብ አፅድቆታል።

ይህን ተከትሎም አሜሪካ በኖርዌይ የምታሰፍረው የባህር ሃይል ቁጥር 700 የሚደርስ ይሆናል።

ሩሲያ በፈረንጆቹ 2014 ክሬሚያን ከያዘች በኋላ ዋሽንግተን እና ሞስኮ በስፍራው ፍጥጫ ውስጥ ገብተዋል።

ይህን ተከትሎም አሜሪካ ባለፈው አመት በፈረቃ የሚንቀሳቀሱ 300 የባህር ሃይል አባላቷን በኖርዌይ ቫኤርነስ አስፍራ ቆይታለች።

አሁን ላይም 400 ተጨማሪ የባህር ሃይል የምትልክ ሲሆን፥ የባህር ሃይሉ ሰተርሞኤን በተባለ አካባቢ ይሰፍራል ነው የተባለው።

የፔንታገን ቃል አቀባይ የሆኑት ኤሪክ ፋኦን እንዳሉት የባህር ሃይሉ በኖርዌይ በስልጠና እና ቅኝት በማድረግ የሚቆይ ይሆናል።

የባህር ሃይሉ በድንበር አካባቢ በሚገኝ ተራራማ ስፍራዎች ልምዱን ያደርጋል።

ልምምዱም የሃገራቱን ወታደራዊ ትብብሮሽ በማጠናከር ግጭት በሚፈጠር ወቅት ምላሽ ለመስጠት ያስችላልም ነው ያሉት።

ኖርዌይ በሃገሯ የአሜሪካ ባህር ሃይል እንዲሰፍር መፍቀዷ ግን በሞስኮ ዘንድ በበጎ ጎኑ አልታየም።

ጉዳዩን የሚከታተሉ ታዛቢዎችም ይህ ውሳኔ ኖርዌይን የሩሲያ ኢላማ ሊያደርጋት ይችላል በሚል ስጋታቸውን ገልጸዋል።

ኖርዌይ ከሩሲያ ጋር 196 ነጥብ 3 ኪሎ ሜትር ድንበር ትጋራለች።

 

ምንጭ፦ ሲ ኤን ኤን

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close