Connect with us

Ethiopia

በሃዋሳና ወልቂጤ ተፈጥረው በነበሩ የፀጥታ ችግሮች ምክንያት በሰውና ንብረት ላይ ጉዳት ደርሷል- የደቡብ ክልል ፖሊስ ኮሚሽን

FanaBC

Published

on

በሃዋሳና ወልቂጤ ተፈጥረው በነበሩ የፀጥታ ችግሮች ምክንያት በሰውና ንብረት ላይ ጉዳት ደርሷል- የደቡብ ክልል ፖሊስ ኮሚሽን

በደቡብ ክልል ሀዋሳ እና ወልቂጤ ከተሞች ተፈጥረው በነበሩ የፀጥታ ችግሮች ምክንያት በሰው እና በንብረት ላይ ጉዳት መድረሱን የክልሉ ፖሊስ ኮሚሽን ገለፀ።

የክልል ፖሊስ ኮሚሽን ምክትል ኮሚሽነር አህመድላዲን ጀማል ሰሞኑን በሃዋሳ እና ወልቂጤ ከተሞች መጠነኛ ግጭቶች ተከስተዉ እንደነበር ለፋና በሮድካስቲንግ ኮርፖሬት ተናግረዋል።

በሃዋሳ የሲዳማ ብሄረሰብ የዘመን መለወጫ በአልን ምክንያት በማድረግ ወደ ከተማው የሚገባውን ቁጥሩ ከፍያለን ሰው ታሳቢ በማድረግ ሁከት ለመቀስቀስ ያለሙ አካላት የፈጠሩት እንቅስቃሴ መሆኑን ተናግረዋል።

በሌላ በኩል በወልቂጤ ከተማ ሁለት የእግር ኳስ ቡድን ደጋፊዎች በፈጠሩት ግጭት የተከሰተ መሆኑን ነው ምክትል ኮሚሽነሩ አህመድላዲን ጀማል የተናገሩት።

በአሁኑ ሰዓት በተለይም በሃዋሳ የሚከበረው የሲዳማ ዘመን መለወጫ ፊቼ ጨንበላላ በአል በሰላም ተከብሮ የበዓሉ ታዳሚ ወደ መጣበት እየተመለሰ መሆኑን የተናገሩት ምክትል ኮሚሽነሩ፥ በወልቂጤም ግጭቱ ሙሉ በሙሉ በቁጥጥር ስር መዋሉን ተናግረዋል።

በተፈጠረዉ ሁከት መጠነኛ የአካል ጉዳት እና የንብረት ውድመት ከማጋጠሙ ባለፈ በሰዉ ህይወት ላይ የደረሰ ጉዳት አለመኖሩን ነው ምክትል ኮሚሽነሩ ለፋና ብሮድካስቲግ ኮርፖሬት ያስታወቁት።

በአሁኑ ሰዓትም የክልሉ አስተዳደር ግጭት በተከሰተባቸው አካባቢዎች ከፀጥታ ሃይሉ ጋር በመቀናጀት ከህብረተሰቡ ጋር ችግሮችን የመፍታት ስራዎች እየተከናወኑ መሆኑን ነው ምክትል ኮሚሽነሩ የነገሩን።

 

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close